بعد سنة من الزواج

اعتقد إني عرفت عن زوجتي بما فيه الكفاية ..


تريد أن تجلس في بيت أهلها خمس أيام في الأسبوع
وعندي أنا تجلس يومين

ماتقدر تجلس عندي أكثر من يومين ، ولا تحب تخرج ولا تتعشى
ولاتشاركني .. وهذا جعلني أشعر أنه مجبورة على الزواج مني

وبدأت تراودني فكرة الطلاق خصوصا أنه مابيننا أطفال


تجلس طول الوقت تلعب في جوالها حتى لما نروح مطعم
أو نتمشى في السوق وتحس بضيقة وطفش وخنقة بسبب البيت


ما احب أحبسها في البيت

ولوحبستها إيش أستفيد من هذا التصرف
خصوصا وأنا عارف إنها تعد الساعات والأيام عشان تخرج من البيت

تخيلوا في الاجازة كانت تبغى تسافر مع أهلها !!
طبعًا أنا رفضت لكن هي زعلت !!

يعني سواء خليتها تعيش مع أهلها أو تعيش عندي
الي مضايقني هوا أنها تبغي تجلس عنده اهلها

هل هذا الزواج طبيعي ؟

أظني غلطت لأني خليتها تروح لأهلها كثير وما أحرمها منهم

وجاء اليوم الذي لا أريد أن أعيش معها

طبعًا أنا اكتب هذا الموضوع وهيا في بيت أهلها

اذا هي مو حريصة على بيتها ليش تجبر نفسك عليها

بس يا اخوي ما تنافشت معاها على هالموضوع ليش اهي دايما طفشانة او ما تحب القعدة معاك

اكيد فيه سبب يمكن يكون اسلوبك معاها او شي اهي ما تحبه وما تقدر تواجهك فقضلت الانسحاب بطريقة غير مباشرة


المصارحة والوضوح افضل حل

__________________
لا اله الا انت سبحانك اني كنت من الظالمين

كيف قايمة بشؤون بيتك من نظافة و طبخ عجيب امرها
انت ارخيت لها الحبل المرة الاولى جرب تشد بس بالمعروف ادا قتلك وديني قولها متطلبات فتح البيت مو هينة
نظفي و ازيلي الغبار و سوي طبخ و الله ما راح تفضى حتى تحك راسها و ادا انت ما مرتاح ايضا فهدا شئ اخر

من رايي خلها في بيت اهلها لين هى تتصل واذا اتصلت وقالت ليش ما جيت تاخذنى قولها ما يحتاج كلها يومين وبترجعين خلنى أوفر عنا الطريق وهى بتحس انك مليتها هنا بتشك انك خلاص ماتبيها عاد لو عندها احساس بيتغير معك للاحسن

كنت تفكر في الطلاق أيام عقد القران .. فما الذي حدث؟

لماذا غيرت رأيك؟!

__________________


اللهم طِيبَ الأثر .. وحُسْنَ الرحيل.

راجعت مواضيعك وشكواك منها تقريبا نفسها من يوم خطبتها وطول فترة الملكة والان سنة زواج

بإنتظار جوابك على ايمان ومهره

احمد ربك ما بينكم عيال

__________________

موهبة الكويت : شكرًا لك

أنا حاولت أسليها واخليها تشاركني في أي شي
جبت أفلام , مانفع
نتمشى في الممشى ؟ ماتبغى
نتعشى ؟ ماتبغى ومافيها تخرج
حتى بلايستيشين حاولت أعلمها مافي فايدة

طول الوقت ماسكة البلاك بيري


واضح إنها ماكانت متصورة إن الزواج مسؤولية

من أيام شهر العسل وهيا تلعب في الجوال طول الوقت ..

في الفندق
وفي التاكسي وفي المطعم وفي المول وأنا زي الجدار أو الكرسي
----------------

إيمان : شكرًا لك .. إن شاءالله بأشد الحبل بس انا أحب أحل المشكلة على طول
ما أحب أتأخر لكن بأحاول أتصبر


------------

مسألة وقت : شكرًا لك .. هذا الي حصل وشكلها مبسوطة وماعندها مانع تجلس الاسبوع كله في بيت اهلها

----------

مهرة : شكرًا لك .. فعلاً فكرت في الانفصال مرات ومرات أيام عقد القران
والذي غيرني أن والدتها تعاملني باحترام كبير ووعدتني بأنها سوف تتغير
وسوف تضغط عليها .. ووالدي ابدى استياؤه وشعرت أنني سببت له ضغوط بسبب صراحتي في عدم
اتمام هذا الزواج وعندما أرى الوالد متضايق ماذا أفعل ؟ ( شكلي بأفتح معاهم الموضوع ثاني )
وحاول الجميع الضغط علي


ماعدا الوالدة حفظها الله
كانت أكثر واحدة تريد سعادتي وتريد الزواج باختياري

بيتا : شكرا لك ..
وعدوني بأنها راح تتغير و ... و ....
ولم يحدث شي !! يعني ما اظن الوضع راح يتغير

اكيد انت غلطان سمحت لها تروح لاهلها اكثر من اللازم والمتعارف عليه
مشكلتك حسب اللي فهمته
انكم مو مستمتعين مع بعض نهائيا واذا جلستوا مع بعض ما عندكم سوالف
لاسباب اهتماماتك غير اهتماماتها
وانت قد يكون دمك خفيف وسوالفك حلوه بس عند ربعك وهي كذلك بس عند اهلها وصديقاتها
المفروض تغير حياتك واكسر الحاجز اللي بينك وبينها سو اي شي غير عن كل مره
تكلم كثير تغشمر سو اي شي غير تسوق معها حتى لو تطير فلوسك
سافر اي دوله ورحله غريبه وطبيعه حتى لو الشخص اللي معاك ممل راح تستمتعون لان المكان ساحر بس ما تصلح لك رحلات القروبات اخذ شي غريب روح لغابه شي ما تعرفه لا انت ولا هي والسكن تحجز لما توصل وانتقل من مكان لاخر

وخلها تقلل زيارتها لاهلها يعني مرتين بالاسبوع كافي وان جاك عيال راح تثقل المره وماراح تروح الى اهلها الا مره بالاسبوع

وادعوا ربك ان يوفقك

بعد كل اللي قلته لك ان ما فاد لا تضيع عمرك تزوج عليها واصبر وان ما نفعت طلقها
الزواج مو كل شي
استمتع بحياتك

اسحب منها الموبايل وقنن استخدامها له يعني ساعه باليوم فقط
مع الوقت تتعود

حلو الواحد يغلق الجهاز ويعيش بحالة صفاء
كلكم جربوا تسكرون الجهاز يوم واحد وتنسون الدنيا شعور لا يمكن وصفه من الراحه والصفاء