تحويل صحن غير مستخدم لحامل شموع
الي مطلوب صمغ اصفر سائل + لفة خيش + مقص + طلاء ذهبي
اي صحن من صحون البخور الي نستخدمها ونرميها بعدين ،
بدل مانرميها نغسلها ونرشها بالطلاء الذهبي من الداخل او اي طلاء علي ذوقك
ومن برا نحط عليها خيوط الخيش زي ماهو بالصور نلفها حولها ونثبتها بالصمغ لين تنشف
وبعدين نستخدمها ، نحط فيها شمعه ، نقدر نحطها علي طاولة الطعام او طاولة الشاي او منظر بغرفة الجلوس ،او نحط فيها بخور جنب المبخره ،
او نحط فيها اكسواراتنا الصغيره بغرفة النوم زي الحلاقان والخواتم والاشياء البسيطه
او علي رفرف الحمام ونشعل الشموع عند الاستحمام عند الاسترخاء
ونقدر نجيب خيوط الخيش الوان ونسوي مجموعه صحن احمر صحن اخضر صحن اصفر ونحطها برف علي غرفة الاطفال يستخدموها لااغراضهم