السلام عليكم ورحمة الله و بركاته

ابني فهود عمرو ماشاءالله تبارك الله 8 اشهر و اسبوع

وحابة اسالكو

متى ابدا اعلمه مهارات الاكل؟بدات اعطيه الرضعة يشرب فيها الفواكه لوحدو ويعني حسب المزاج

بس الملعقة وهاي الامور كيف؟وكيف اعلمو


كمان شو المهارات الاخرى مفروض اعلمو اياها

بشكل عام شو اعمل معاه

عندو العاب ومرات بلعب معاه واتحدث معاه ومرات اتركو يلعب لوحدة عشان ينمي مهاراته
ويعني هكي

بس مابعرف خايفة يكون لازم اعمل اشياء محددة


يعني انا حابة تحكولي تجاربكو بكل تفصيل وتفصيل ممل في تربية الطفل من هالعمر لعمر سنة

ومهارات الاكل وكيف اخليه يسمع كلامي او يفهم شو بحكيلو؟؟؟

كل شيء من تجاربكو بالتفصيل وهذا سيسعدني جداااا


كمان سؤال الان اكله يتضمن فاكهة وخضار وصفار بيض و زبادي و سيرلاك وبسكوت فارليز

شو اضيف كمان؟؟؟

وانا احيانا بعطيه في ايدو بسكوت الفارليز

مابرضا ابدا

وازا انا حطيتو في تمو بفتح تمو وبيسرح في ملكوت الله يعني بمد لسانه يتذوق البسكوت بعدين خلص

واحيانا بصير يبكي مش عاجبة مع انو بحطلو البسكوت مع مية او عصير بنبسط عليه بس لما احط البسكوتة في تمو مابعجبو


اريد خبراتكو بارك الله فيكو

حرجع اقول بالتفصيل الممل جدااااا

بارك الله فيكو

__________________

بسم الله الرحمن الرحيم

أضم صوتي لصوتك اختنا ملك فانا ابني حفظه الله عمره سبعة اشهر واسبوع اريد ان استمع لتجاربكم

وقد قرات ان الاطفال في هذا العمر تنمي ذكائهم ببعض الالعاب مثل لعبة الاختاء اي تختفي الام وراء جدار مثلا وتحدثه ثم تظهر له وهي تضحك ويفضل لو تختفي من مكان وتظهر من اخر يعني تدخل خلف جدار مفتوح وتخرج من الفتحه الاخري
كذلك ان تحاول الام ان تلمسه الاشياء مختلفة الملمس الناعم والخشن والسخن والبارد
وتسمعه اصوات مختلفه كجرس الباب مثلا فيربط بين هذا الصوت وبين الزائر

ننتظر تجاربكم

اهلا اختي عابدة شكرا لاضافتك استفدت منها وننتظر ردود الخبيرات ان شاءالله
بارك الله فيكي

__________________

الملعقة من عمر ست شهور بتقدري تطعميه فيها
بس اذا قصدك هو يمسكها و ياكل لحاله فهدا بعمر السنة و نص ببدأ بياكل لوحده
و بده شوية تدريب ابدي من السنة و نص تعطيه الملعقة و حسبي حسابك انك رح تنذفي كتير وراه

المهارات انا كنت اشتري الالعاب المخصصة لعمره من الماركات المعروفة
Vtech-fisher price - TOMY
الماركات بتعمل ألعاب لكل عمر بالشي اللي بهمه و بناسبه و بنمي مهاراته
و هية بتدلك شو تشتري
ما عم بتساعدني ذاكرتي شو كان ابني يحب بهالعمر
لكن بتذكر كان يحب يطبق الشغلات جوا بعضها
و اذا حطيت شي فوق شي كان بحب يوقعو و يعييييييييد و يكرر نفس الشغلة
و يحب يكبس أزرار الألعاب اللي بتطلع ضوء و صوت


الاكل متل ابنك ما كنت ضيف شي
المهم يكون شي طري و يقدر يبلعه من دون ما يغص
و ما يكون حامض كان كتير بكره الحامض ابني

شكرا الك ماريا وجزاك الله خير
انا عند فهد العاب خشخيشات ملونين الوان ملفتة فوشي واخضر وهيك وبحبهم كتير وبخبطهم في بعض عشان يطلعو صوت
عندو العاب الي فيها ضو وبضغط عالزراير ليطلع موسيقى واصوات هيك
هاي اغلب العابو هيك بطلعو اصوات في لعبة زي عمودين وفي النص نازل العاب ملونة برضو ملفتة وبطلع صوت يعني خرخشة قوية وهيك وكنت احطلو اياها من 3 شهور وكان ينبسط كتير ويخبط برجليه بس هلأ صار يخرب فيها يحملها يخبط فيها متخيلة اديش حجمها شكلها زي المرجيحة بس عصغير
وكسرها من عواميدها مرتين ولزقتهم بالعافية وكل ميلعب فيها بشيلها لانو بدو يدمرها خسارة
وبدي اجيبلو مشاية كمان كم يوم وان شاءالله نجيب من الي فيها العاب وضو وهيك
هية الالعاب بس اجيبها بكون مكتوب لاي عمر
وهواية ابني يحدف الاشياء طبعا وجايبالو كورة بنبسط عليها كتير ماشاءالله


بس انا سالت عالملعقة لاني بعرف وحدة بتقول بنتها شربت بالكباية عال9 شهور و استعملت الملعقة قبل السنة
ماشاءالله تبارك الله
انصدمت كتير لهيك بسال قاعدة وخفت يكون فهد مش متعلم

اصلا جوزي بقلي الولاد مابتعلمو المهارات هاي بسرعة لانو البنات بهيك امور اشطر

الظاهر هما عشان الاولاد مش راقيين زي البنات يعني مابحبو الايتيكيت الولاد بحبو الهمجية هههههه
شكرا لردك وبنتظر مشاركات اخرى

__________________

شغلة الملعقة بكير عليها يا ملك

بنتي أصغر من إبنك بيومين

بتشرب من الكباية عادي بس طبعاً أنا يلي بمسكها ...

كمان المشاية من زمان بلشت فيها و هلأ ملت منها يعني بس أتعب منها و أجيب المشاية بتصير تبكي قبل ما أحطها فيها

أحب شي على قلبها الخرااااااب

يعني بتروح للأدراج تفتحها و تبلش تفرغ كل محتوياته على الأرض و أنا بس أمل منها بفتح الدرج و بجيبها مقابله عشان تلتهي شوي ما بعرف إزا هالتصرف صح أو لأ

صارت تعرف تمسك سماعة التلفون و تحطها على دانها لوحدها يعني أول ما تشوف تلفون أو موبايل أو أي حد يقول قدامها ألو ترفع أي شي على دانها...... قولوا ما شاء الله الله أكبر

تربط بين وضع الحجاب و الخروج من البيت يعني أول ما تشوفني لبست حجابي بتصير تبكي و ترفعلي بإيديها عشان تطلع

الألعاب مثل ما ذكرتوا خشاخيش و ألعاب بأزرار و أصوات و تلفونات بأصوات و أورغ و هالقصص ( عاملين حفلة )

أما الأكل فحدث ولا حرج
بنتي أكلها صعب جداً جداً جداً
إزا جربتلها نوع جديد بتاكلو أول يوم و ممكن ترضى بتاني يوم بس عالتالت خلص
يعني بتعذبني كتير باختيار الأكل أحياناً في أصناف ما بعطيها ياها لأسبوع أو 10 أيام عشان تنساها و ترجع تاخدها
السيريلاك بالمناسبات ... الزبادي ملعقة أو تنتين .... الكاسترد نفس الشي
الخضار صارت ترفضها مخفوقة فاضطر أقطها أصابع و أسلقها و بتصير تاكلها هيك بترضى بس بلاحظ قطع خضار في خروجها و بعتقد إنو هالطريقة غير صحية بس شو أعمل ؟؟؟؟؟
من يومين عملتلها قمح مطبوخ مع لبن زبادي و حبتو كتير
صرت أعملها رز و أخلطو مع لبن زبادي كمان حبتو ... يعني إجمالاً أي شي بكون قطع بتاكلو غير هيك لأ
الفارليز الحمدلله بتاكلو و بتمسكو بإيدها بس لما تمل تبدا تفتتو

يمكن طولت عليك ٍ صح ؟؟؟

هاد هوي جدول إجمالاً و إذا تذكرت شي تاني برجع و بخبرك

ممن تبدأي تعطيه العصير في الأكواب اللي ما تسرب

يعني على شوي شو يبدأ يتعلم

وكذلك الملعقة تعطيه اياها دامه ماشاء الله يقدر يمسكها فمع الأيام بيحاول يتحكم فيها

طبعا تحطين له صحن صغير فيه شوي أكل يحاول فيهم

والملعقة تكون صغيرة وأطرافها مدببه عشان ما تؤذيه

وممكن تشترين له الكتب المصوره للأطفال كثير ينبسطوا عليها في هذا العمر

شوفي سبحان الله تلقي الولد بيتعلم امور ما تتوقعي انه اتعلمها وما تكوني قاصده انه تعلميه اياها
خليها على التساهيل
بس من كلامك ما شاء الله اشوف فهد طبيعي وعنده شغلات حلوه قاعد يعملها

بالنسبه لعبودي
يحب يفتش بالاكياس ويشوف ايش الاغراض اللي اشتريناها
ايده خفيفه بيسرق اللي بالجيب على طول (مثلا قلم - نظاره - ورقه) هههههه
لسه ما بيحبي بس بياخذ وضعية الحبي بس لسه ما يعرف ينسق بين حركة الرجل واليد..
لما اناديه من بعيد بيتبع الصوت وبيجيني لحد الغرفه اللي انا فيها (بيكون راكب المشايه)
يفتح الدواليب وبيطلع الاغراض اللي جوى بينقلها على غرفه ثانيه
بالعب معاه اسنغمايا ( غميضه) باتخبى ورى الكنبه وهو بيدور عليا ولما يلقاني يضضضحك ويصرخ
نركض ورى بعض هو بالمشايه طبعا
يتفرج عالتلفزيون اذا لقى اطفال بيصفقو تلاقيه يصفق معاهم ..
بينادي ماما بابا يايا يمه
ياكل بسكوت بنفسه
اذا عطشان وكانت المويه محطوطه عالطاوله بيصير يزنزن ويطالع بالمويه

بالنسبه للاكل بياكل بالملعقه بس انا اللي بكون ماسكتها
الان قاعده ادربه يشرب بالكوب ..

هذي الامور اللي براسي حاليا

__________________

ما شاء الله تبارك الرحمن مبين بنتك ذكيه
وانتي اللي كنت يخايفه تطلع بدجة ذكاء ضعيفه
الحمدلله

__________________

شفتي يا كريستالا
الحمدلله رب العالمين كنت كتير خايفة من هالشي