السلام عليكم

سبق وكتبت موضوعي بالامس وحذف وقريت قوانين القسم

انا موضوعي مشربك شوي من ثلاث سنين مر على طلاقي وطويل بس بالاخير انظلمت ومالقيت احد من اهلي وقف معاي بالصلح
ما اقدر اخوض بالتفاصيل بس كان زوجي تعبان وفجأه قلب وتعب مع القراءه والرقيه تحسن وقام يقعد معاي ويسولف كنت اشوف رؤى تدل على تعبه ومنها حلم دل على كيد وشر دخل بينا
اختي اساءت فهم تعب طليقي وتكلمت على ان يمثل وكثير من الرجال مثله حاولت اوقفها لان الي كان فيني مكيني وزاد الطين بله لما امي كلمت امه وفاتحتها بشي كسوء تفاهم صار بيني وبينه مثل اي زوجين وهو اعتذر وصكرنا الموضوع اما وياه بينا ولان امي عندها خبر قالت لامه وكانت امي تتكلم عن تعبه ولازم يتساعدون كزوجين واذا ماصار امساك بمعروف وتسريح باحسان لما كلمته عقب فتره قالها ليش تصير بين امهاتنا (ايامها كان تعبان وكنت بقوله سو حجامه) كان برسالته نفس الي يعاتب ان الشي يكون بينا بس انا كنت ابكي وقلت لامي وكانت جنبي قالت اكتبي له كذا وكذا لانها اساءت الظن بتعبه وباهتمامه فيني قبل
ويعلم الله انه مو نفس هالكلام عقبه قالي بطلق وانا كنت متمسك ومابي الطلاق
عدت كذا شهر وصار طلاقنا
المشكله الحين ماني قاده انسى الي فات وابي يصلح الي بينا لاني لا انا الي تزوجت ولاهو الي تزوج

__________________

السلام عليكم

انا اسفه اذا كان كلامي مو واضح انا انسانه متحفظه شوي وسالفتي طوويله ومتفرعه
باختصر عشان اووضح الاسباب الاساسيه للطلاق
اول شي طليقي كان زوج حاله حال اي زوج وعايشين انا وياه طبيعي ماشاءالله ومشاكالنا كانت مثل اي متزوجين اشياء بسيطه وتعدي ، عشت معاه شهور عقبها كنت احلم برؤى تخوفني اقوم وافكر فيها وهو ايضاً حلم بحشرات بدار نومنا وحلمت قبل طلاقي بفتره بفأره تخرج من غرفة نومنا وكانويقولي فلانه شوفيها طبعاً تعبب زوجي كان مايقعد عندي بالشقه ينزل ويقول اذا شفتج تعبت وانزل وارد ادورج واذا شفتج ودي اسوي لج شي ،حتى هو كان منصدم من تعبه حاولت ارقي شقتي وادعي اخر الليل واشغل القران
((طبعاً ملاحظة هو ماقال عن تعبه لي اول شي يعني عشت تقريباً اسبوعين ما ادري ليش هو يتصرف بهالطريقه وتعبت وصار سوء تفاهم وتخبط من صوبه
وعلمت امي وكنت اسولف افضفض ** وهالنقطه مهمه ان موضروري الوحده اتعلم اهلها بمشالكلها مع زوجها اذا ماكانت كبيره وهذا الي تعلمته بعد طلاقي **
عدا سووء الفهم هذا واعتذر لي وقعد لاول مره معاي عقب اسبوعين تعب كنت خلالها ارقي الشقه واشربه ماي مقري قال انتي شسويتي صرت اقعد بشقتنا عقب ماكنت انفر واتعب
قالي ان بيسافر يخلص اوراق اخوه الكبير فتره وقالي لان تعبان خل نكون فتره بعيدين ونتواصل بالتلفون ولارديت ان شاءالله اكون احسن ويمكن نروح عمره مع بعض
رديت بيت اهلي لانه بيسافر وقعد يوصي وراح انا قلبي نغزني وتذكرت احلامي
هو طول هالفتره تواصل معاي وكنت اوصيه على نفسه وارسله الاذكار والرقيه عشان يقراهم
وفيوم كنت راده من مناسبه عندنا دزيت له ان يافلان اذا انت تعبان وموعارف شنو قرارك قولي وطلق وخلني ارتاح
مارد علي
عقبها تواصلنا وسالني عن احوالي وقالي بطول لي اخر الشهر اخذي لج ملابس زياده من الشقه وطلاق ماراح اطلق
*طبعاً انا كنت محرصه عليه اذا بيطول يبلغني اخذ لي ملابس من شقتننا بحكم اني عروس ولازم اكشخ عند اقاربنا*
امي درت بالرساله وزعلت وقالت هو عافها استغربت قلت لها هذا اتفاق بينا ان اخذ ملابس اكثر اذا طول
عقبها رد من السفر وامه جتنا البيت نفس اليوم تسال عني وليش ماجيت شقتي امي كلمتها
ونزلت عندها اسلم وقعدت شوي وصعدت
*امي كلمتها عن سوء تفاهم سالفه صارت بيني وبينه واعتذر هو لي وصكرناها** ونبهت امي ان ماتقول لها لان شي وانتهى وزوجي اساساً تعبان مايبيله نفتح مواضيع تزيد ماتحل بس امي للاسف قالت لها وكانت توصي بان نغير مكان الشقه يمكن هو سبب تعبه وان يروحون عمره واذا مانفع امساك بمعروف وتسريح بإحسان * لما دريت قلت يمه مايصير تقولين هالكلمه لان ماابي الطلاق لا انا ولاهو وايضاً امه كانت تقول انه يشكي راسه ويقول انه مكتئب وكان ينام بغرفة اخوانه وماينام بشقتنا
عدت اسبوعين دزيت اسال عن حاله واوصيه يسوي حجامه طرش لي مسج بان ليش امي تكلم امه ويصير بينهم هالنقاش وان الموضوع بيني وبينه قلت له موبيدي وبالنهايه هذول امهاتنا يبون لنا الخير
قالي خلي امج تكلم امي اذا تبين شي
حاولت افهمه وقالي كلمة امي امساك بمعروف وتسريح بإحسان وعطاني بلوك مايبي يقرا شنو اكتب دزيت له *وللاسف الي دزيته كان كلام سوء ظن قالته ليدامي وكانت جمبي وقالت اكتبي هل هو يمثل التعب واكتي كيت وكيت كنت منهاره وخبله وكتبت وشافه وقال بطلق وان هو ماكان يبي الطلاق
عدت شهور اخته كانت تتواصل معاي واوصيها عليه وان تساعده يروح للحجامه وعقب دزت تبشرني ان بيروح للحجامه استانست ويعلم الله اني كنت ادعي له بأوقات الاجابه ان ربي يشرح صدره ويهديه ويفهم اني مااقصد شي
عقب شهرين من محادثتنا انا وهو طلق وعرفت لما عطيت ابوي رقم ابوه وقاله وابوه ماكان راضي بهالشي
عدت الحين كذا سنه عالطلاق واحس اني انظلمتت حيل وهو ماادري عنه اذا تشافى او لا بس لا ماتزوج ويعلم الله اني ادعي له بكل خير

ممكن رد لان كتبت بالتفصيل تقريباً من يومين

__________________

يعطيك العافيه على تجاوبك مع موضوعي
ادري بتقول اطرحت موضوعها يمكن من فراغ تعانيه او بعد عن الصلاه والذكر لا الحمدالله انا معلمه وعمري اخر العشرين ومشغوله باهلي واجتماعات الاقارب وعندي صديقات الدراسه مثل كل بنات جيلي ماشاءالله
بس مربط الفرس وسبب تنزيلي للموضوع وموضوع طليقي اهو استشاره وفي سبب خلاني اكتب ممكن ارسله لك خاص عشان تكون ملم بالاسباب والموضوع بشكل عام
واكون شاكرة

__________________

__________________

__________________

يعطيك العافيه

عز الله ماتقصر كافي ماخذين من وقتك

واشغلناك بهمومنا

وعسى اجرك مايروح يارب

رديت عليك واتمنى يرسلون لك الرد هاليومين ومايتأخر