المشاركة الأصلية كتبت بواسطة ِaywa

السلام عليكم ورحمت الله وبركاته,,

مكالمات بالجوال كلها حب وغرام..<<<< للأسف ماصار معي هالشي بالعكس تمام كلها نقاشات وهواش طبعاً :

زيارات لبيتهم كلها غزل وهيام.. تطلع له اصناف الطبخات..وتقول له انا اللي طابخة، والشغاله المسكينه هي اللي مسويته كله.. وانواع الصواريخ والكذوب تتبادل من الجهتين.. <<< لا الحمدلله مااحاول اتعب نفسي في شي مو واقع ومستحيل أكذب قايله له في وجهه مااحب المطبخ ومن ولدتي والشغالات في البيت بس ممكن إذا حبينا بعض وصار نصيب اتعلم في المستقبل بس حبه حبه

طول ماهو بفترة الملكة يفكر كيف يسرق منها أول قبلة.. هذا ان طلب الشي الثاني..(شوي شوي، في العجلة الندامه) <<<< إي هذي ماقصر كل همه بس أنا له في المرصاد
جا وقت حفلة العرس.. وهو ما بقى منتدى بالعالم ما كتب فيه انا غشيم بها الشغلات وايش هي احسن الأوضاع...الخ (خذو لكم لفة بالمنتدى) <<< لاتعليق
و هي ما بقى أحد بالكره الأرضية ما درى أنها خجلانه من أول يوم و خايفه من ليلة الدخله (يا شين خشتك بس، خليكي شجاعة وتفاهمي معه على أول ليله، وانت ياخوي، ليه مستعجل،، خفف السرعة)<<< خجلانه لا خلاص تعودت عليه بس خايفه بموووووووووووت خوف مو من أول ليه لا بموت لأني ماادري قراري اللي أتخذته ماادري صح ولا لا ؟ ولأني مقدره حجم القرار وانها حياه جديده انتي تدخلينها بكامل أرادتك يعني لأزم اتحمل العواقب علشان كذا خايفه

راحو شهر العسل، رجعو مبسوطين،أو يمكنن زعلانين مر كم شهر تبدا المشاااااااااااااااااااااااااااااااااااااااااااااا اااااااااااااااااااكل!!!!!! <<< حنا بدينا من الحين المشاااااكل الله يستر من شهر العسل

يكونون فرغوا أكبرجرعة رومانسيه بحياتهم خلال سنه او اقل(طيب خلو شوي لبعدين؟! وراكم العمر كله ان شاء الله)..<<<<<< إذا كذا الحمدلله في امل تطلع الرمانسيه بعدين لأننا مافرغنا ولا شي فرغنا مشاكل عطيتني أمل بالحياه

هذي المشاكل أعتقد انه كان من الممكن تلافي بعضها من البداية..أي من وقت الخطبة.. لو كانو فكرو بعقل من البداية من وقت الخطبة، وأخذو موضوع الزواج بجديه أكثر.. مش لأنه هي تتزوج لأنها شافت العالم تتزوج وما تبي القطار يفوتها،<<<< لا الحمدلله اصلاً انا ماادري شلوون وافقت على الزواج لان كل الي بنفس سني ماتزوجوا والقطار باقي عليه كثيرررر ولا اتوقع ان فيه شي اسمه قطار ولا أأمن فيه أبدا علشان كذا اتوقع ان زواجي أنا بالذات زواج قسمه ونصيب

أو لأنه هو ما حاط بباله غير شيئ وشيئ واحد فقط (العلاقة الخاصة) ....<<< هذي ماأدري عنها بس أحسها وهذا اللي مجنني لاني اكره الرجل اللي هذا همه

ما ذكرته سابقا.. لا ينطبق على الجميع طبعا، لاني ضد التعميم، ولكنه موجود وموجود وموجود في مجتمعنا.. الدليل على هذا القصص اللي نشوفها ونسمعها ونقرا عنها (خذولكم لفه ثانيه بالمنتدى).. <<< بدون ماأخذ لفه كلامك كله واقعي 100%

ما فيه أحد ينكر أنه المشاكل والخلافات هي جزء طبيعي من العلاقة الزوجية، ولكن خطورتها تظهر عندما تكون جوهرية جدا وعميقة، في هذه المرحله لايجد الزوجين الكثير من الخيارات كحلول، إما الصبر على بعضهم والتحمل من أجل العشره و الأولاد على أمل أن يعوضهم الله بالآخره( وهذا الصنف أصبح ناااااااااااااادر جدا جدااااااااااا )،<<<< هذا موجود بس كله عند النساء تقريباً يعني اكثر اللي يتحملون علشان العشره من النساء
أو الزواج الثاني(هذا بالنسبة للرجل، ويا كثرهم اللي بسم الله عليهم، مايعرفون من الدين الا انه الله حلل 4 زوجات) أوالحل الأخير وهو الطلاق!<<<< ايه ورررررررررررربي كلام صحيح مايعرفون إلا الـ4

هذا ما جاء على بالي عندما قرأت موضوع الشيخ جاسم المطوع عن الأسئلة العشره اللتي لابد أن يسأل الخاطبين بعضهم بها .. وممكن أن يزيدو عليها، الموضوع قديم شوي، ولكن اتمنى ان تصل فائدته لمن لم يمر عليه من قبل.. <<< موضوع رائع الله يعطيك العافيه

اليكم الأسئلة العشرة من موقع الأستاذ جاسم المطوع:

[COLOR="Blue"][SIZE="3"]نقترح على كل خطيبين ان يجيبا على هذه الاسئلة في لقاء التعارف بينهما وقد جربت هذه الاسئلة وكانت لها نتائج ايجابيه وناجحه في الزواج .

1- ما هو طموحك المستقبلي وما هدفك في الحياة؟

وربي سألته هالسؤال في اول مكالمه بعد الشوفه بس جاوبني جواب نص كم مااعجبني

2-ما هو تصورك لمفهوم الزواج؟

برضوا سألته جوابه كان مقنع وحلو يبحث عن الأستقرار وعلشان يعف نفسه الأخيره ماادري حسيت أن ورها الهدف الي مااحبه بس جوابه كان مقبووول
.

3-ما هي الصفات التي تحب أن تراها في شريك حياتك؟

خساره فاتني ماسألته بس إذا رجعت الأوضاع بسأله إن شاء الله

4-هل تر من الضروري إنجاب الطفل في أول سنة من الزواج؟

تكلمنا في هذا الموضووووووع ومايبغى اطفال إلا بعد 2 او3


5-هل تعاني من أي مشاكل صحية ؟ أو عيوب خلقية؟

ماادري المقصود هنا الأمراض الي ممكن تكون مع الأنسان طول حياتي ولا الأشياء الي سنه أو شهور وتزول ؟؟؟؟؟؟؟


6-هل أنت اجتماعي؟ ومن هم أصدقاوك؟

هذا السؤال برضوا سألته في اول مكالمه <<< شطوره


7- كيف هي علاقتك بوالديك؟(إخوانك ، أخواتك ، أرحامك).


هذا سؤال جداً مهم وهو من الأشياء اللي مسببه لي أزمه ولا أدري هل فعلاً الأهل يأثرون وخاصه في هذا الزمن ماادري بس اللي اشوفه ان العلاقه مقبوله بس احس ان مافيه احد مهتم فيه ومشاعر اهله تجاهه ماتعجبني عموماً هذا الشي صاير مع الكل يعني الكل عايش لحاله ولا يعرفون بعض إلا بالشر والهوشات وهالشي بالمره مضايقني بس مااقدر أبين له أستنتاجي اللي واضح للجيمع

8- بماذا تقضي وقت فراغك ؟ وما هي هواياتك؟.

جوابه على النت وفي البر


9-هل لك نشاط خيري أو تطوعي ؟

بدون ماافكر أكيد لا

10- ما رأيك لو تدخلت والدتي أو والدتك في حياتنا الشخصية؟

أكيد بيزعجه الموضوع بس كلام كل الرجال يقولون كذا المقصود افهمي أمك ماابغاها تتدخل بس أمي لها الحق طبعاً هذا في الخفاء ايام الخطوبه هذا قراري والحقيقه انه من الماما وبعد الزواج في الوجه طبعاً هذا الي اشوفه من اللي حولي مو تجربه شخصيه


أ: جاسم المطوع

سؤالي:
هل تجدون ان هذه الأسئلة في فترة الخطبة مفيده وفعالة في اختيار شريك الحياة المناسب؟
بصراحه انا كنت اتوقع ان صراحتي معه في البدايه ودخولي معه بهذي الطريقه كأني أحقق صايره كونان بيجيب نتيجه بس بصراحه بعد الملكه اكتشفت اشياء عجيبه غريبه بس ممكن تبين لك اشياء كثيره وهذا واقع انا هذي الأسئله ارسمت لي مخطط عن حياته والتفاصيل تجدهافي الداخل يعني بعد الزواج او الملكه


للبنات: لو سألك المتقدم لك هذا الأسئلة بالشوفة ماذا ستكون ردة فعلك؟! (لانه عادة ما فيه غيرالشوفة بعدين الملكة.. قليل من الناس ترضى بأن يكلم المخطوبين بعضهم قبل الملكة!

بصراحه أنا سألته فلو هو سألني بحترمه وبعجب فيه بحس انه انسان مثقف واخذ الموضوع جد ومقدر حجم الي هو مقدم عليه

للشباب: لوسألتك الفتاة التي تقدمت لها هذه الأسئلة، مذا ستكون ردة فعلك؟

ياليت الشباب يجابووووووا لأني أنا سألت وبقوووووووه
أيش رايكم بالأميره ؟؟؟؟؟؟؟؟

بالنسبه لي.. لما قلت للوالده اني بسوي هالشي، قالت لي ياسلام!! تبين الناس يقولون بنتهم مجنونه؟!

الله يوفق الكل والجميع..واعذروني على الإطالة وعلى الأفكار غير المرتبة!!