أنا واخواتي في قطيعه طويله
ونزلت قبل كدا موضوع بالمنتدى
الكل يقول تصالحي معاهم وأنا ماعندي اعتراض
لكن كيف الطريقة؟؟؟
لاتقولوا روحي لهم وعادي تكلموا
بداية المشكلة ماكان فيه مشكلة
والقطيعه بدأت منهم فجأة وبأسباب تافهه جداااااا لاتذكر ولاتبرر قطيعه قاربت على السنتين
قبل يومين وفي عمعمة الأسواق حصلت مشادّة بيني وبينهم قدام امي وزوجة أخويا
والسبب ( لاأحد يضحك ) على مواعين رمضان الجديدة ،،، طبعا هادا السبب الظاهري
لكن السبب الحقيقي هو النفوس المشحونه من زمااان،،،
حزنت على منظر امي يومتها،،، وسكت ،،،
أنا مااكرههم والله وأحاول ع طول اتجنب الإحتكاك المباشر وادعي انو الله يصفي النفوس
لكن الآن بدأو يهددوا ويقولوا نفضحك قدام اخواني ،،،
أنا قلت لهم موافقه اجمعوا اخواني وتكلموا باللي عندكم ،،، اتنسى الموضوع من يومين

الجديد والمهم حصل اليوم
لما صحيت حصلت 8 رسائل وسائط وأكيد صور طبعااا
بس ايش هيه مااعرف،،
أنا في صراع مابين افتحها او لا
لو فتحتها راح اتنرفز واعصب وارجع ارسلهم وأنا ماابغى اعطي الموضوع اهمية
ولو طنشت وماارسلت قالوا اكيد خافت وعقلت وراح تتكرر الحركة وبطرق ثانيه ،،
وجات ببالي فكرة انو ارسل لهم اذا عندكم شي ارسلوه على جوالات اخواني مباشره مو عليا ،،،
قالت لي صحبتي لاتصيري زي الفراشة انتي تجيب لنفسك الألم ،،،

أنا ماافتكر انهم ماسكين عليا شي نهائيا واتوقع اشياء متبلين فيها عليا بس الفضول قاتل ،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

لاتقولوا كلموا كبير بالعائلة
امي واخواني سلبيين بدرجة كبيره وكل ماتكلمنا سكتونا وبدون تفاهم ،،،
اهل ابويا من اعمام وغيره مالنا علاقة فيهم الا بالمناسبات ،،،،
اهل امي اخواتها علاقتنا فيهم مو داك الشي وخالو احسو حق مشاكل
لو عرف ممكن يولعها اكثر شخصيته غريبه غامض ومااعرف ايش وراه ،،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

كل سنه وانتى طيبه الاول ساندرا ورمضان كريم ..
خليكى ناصحه ودايما سيطرى على انفعالاتك .. اخواتك باعتين رسايل ليكى انا افتحها وعندى قناعه انها ماحاتهز شعره لي ..
اشوف ايه اللى بيفكروا فيه ونيتى الاحتفاظ بالمعلومه مش للمواجهه ..
دايما تشترى وماتبيعيش وشوفى هم ماسكيين ايه عشان تاخدى حذرك وتحضرى دفاعك ..
ومن ناحية هم ماسكين احنا مش حانقدر ننسى الحبيب المزعوم ..
افتحيهم وعرفينا نفكر معاكى

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

اعتذر ياعمو رؤوف دخلت مستعجله وماباركت الشهر
كل عام والجميع بألف خير يارب
انا تقدمت شوط كبير في السيطرة على ردود افعالي طبعا بمساعدة مستشار نفسي كنت اتابع جلساتي عنده
وانا والله شاريتهم ومو بايعه بس انو الجميع يتفق علي بااسباب مختلفه وكلها اتفه من تافهه ،،،
وع سيرة الموضوع اللي ماابغى سيرته عارفين بالحكي بس لكن أدله ملموسه مااعتقد نهائيااا لأنو كل شي بالايباد والجوال وهادي ماوصلت ليدهم ،،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

قبل يومين كنت بغرفتي واسمع اخويا( اصغر مني ) يهدد قدام امي انو يضربني طبعا امي قالت له عيييب قال هيه ماتعرف العيب ؟؟
تعرفوا ايش مشكلتي مع اخويا هادا موضوع الخادمة اللي فتحته هينا بالمنتدى قال ايه قال عيب البنت تكتب بالمنتديات ،،، خطيبته مشرفه بكذا منتدي وعندها حسابات بتوتير وانستقرام وفيسبوك ،،، ومتأكده انو يعرف بس شوفوا التناقض ،،،
انا مااحط مقارنه بيني وبينها ولا لي دخل فيها نهائيا بس استغرب كلامه لا اكثررر ،،،

طبعا لو ضربني لو حاجة بسيطه ماادري ايش ممكن اسوي بس ماراح اسكت نهائيا حتى لو اهرب من البيت ولاتقولوا تبالغي ببيتنا لو مادافعت عن نفسي وكنت قوية ماراح احد يدافع عني ،،،،

طبعا قررت ما راح احضر زواجه ببداية ذو القعدة ،،، وخلي اللي يصير يصير،،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

انتو لازم احد يغرس فيكم مبدأ الأخوة من الأهل
كذا مرة ما ينفع ؟؟!!

احب اصححلك حاجه
اصلها مصرى ..
اشترى وماتبيعيش مش يعنى تشتريهم
لا ..
يعنى اسمعى منهم وماتوضحيش نيتك ..
اشترى يعنى اسمعى واعرفى وماتبيعيش يعنى ماتكشفيش كل ورقك

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

تصدقي مافي
امي سلبيه وتعصب ع الكل وتسكتنا بس وتخلي اللي بالقلوب بالقلوب وكل شويه يثور البركان
ماتأخذ تفاصيل وتحاول تطلع الغلطان وتصالح الكل

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

مع انو معظم امثالنا بالحجاز متقاربه مع امثال اهل مصر
بس للأسف هادا ماعرفته

عموما من زمان انقطع الحكي بيننا واي مبادره مني في هادي الفترة راح يعتبروها ضعف وانهم أثروا فيني بتهديداتهم والكلام السم اللي يجيني ع جوالي ،،،

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg

ارسلولي على جوالي

( ياعانس يامريضه روحي عالجي نفسك )

وحده من اخواتي فقط تعرف اني كنت اروح للمستشار النفسي ويبدو ان هادا قصدهم من الرسالة ،،،

بجد مااعرف اشرح لكم احاسيسي هادي اللحظة ،،،،

دعواتكم

__________________
أحملُ قلبا بريئاً ك فتاة الرّيف حين تفرح بِحلوى القطنِ الورديّه..
.fg