إضافه ( 3 )



انا تعبت نفسيا حتى اهلي ملاحظين علي كل شوي يسألوني ايش فيك وانا عارفه انو حايشتمي مصيبه نفسيه والله الليل مانام من الدموع والصداع غالبية الايام
بناتي عند اهلي امي والخادمات يهتمون فيهم وانا اعتزل الجميع بغرفتي ...لا اكل ولا انام نزل وزني كثير بعد النفاس
وهو من تزوجت وهو ينزل كأني بمجاعه ماذوق للاكل طعم ...
امس رحت طبيبه وقلت لها اني احس ب اكتئاب وسألتني كم سؤال ومن ضمنها اذل كانت ولادتي صعبه
فعلا ولادتي متعسره جلست يوم كامل منومه قبلها وزوجي اول مرا يحضر معاي بولادتي الاولى كان يختبر خارج المملكه ..
المهم انه كان منسدح على الكنب ويلعب بجواله وانا بعززز الامي والله لا قام عندي ولا هون علي مدىي ايش اصنف شخصيته وقسوته وقلبه الحجر .. ماهون علي وجوده الا زادني هم .. واخر شيء جالس يوقع الفواتير ويقولهم بسرعه عشان مل يبي يطلع ... المستشفى خاص ويدعم وجود الشريك مع زوجته بس هو هرب وجلست اعاني لحالي وتعسرت الولاده وانزفتتتتت وهو مايدري عني ماشفته الا لما اتصلت عليه النيرس تعلمه وانا بتقطع الم من اثار النزيف واللي جاني ... كل ماتذكر وجوده معاي اموت الم وكره له البنات اللي زوجها بكى واللي تعب واللي انهار وانا يلعب بالجوال من جده ... ؟ وامه دخلت تعمل عمليه برجلها جلس اسبوع يصيح .. اوكي امه بس انا مين الشغاله ... ! لا ويقولي لا تاخذي مانع ابي تحملين قريب ! يعني ولا همه شيء .. اللي كان هامه التجهيز اللي عملناه والجناح اللي عقب الولاده عشان يكشخ عند اهله والزوار على حساب تعبي والامي😠😠😠
واللي استجد انو عنده موظفه معاه اخصائيه كانت عنده بالانستا تعلق على صوره وهو مايرد عليها تخاصمت معاه وحذفتها هي وكل الموظفات اللي يتابعونه قلت محد يتابع حياتنا مع انه كأنه سنقل مايحط لا انه زوج ولا صور بنتي ولا شيء كلش له .. حتى مرا اهديته هديه حط الصورع وكتب شكرا !!!! تيب من مين الهديه قل شكرا ي زوجتي ي فلانه قال مجنون انا عشان ماينظلونا !!! بالتويتر اكتشفت امس ان عنده هاللي حذفتها ونص موظفات المستشفى جالس يتابعهم خلاص عصبت هذا الانسان ماعنده احساس وبس .. وللله من امس لليوم وانا اصيح عجز يفهم مليون مرا قلت له حدكم الشغل ليش يعاند اقدر اكسر جواله بالارض واحذفهم كلهم وحده وحده بس كنت ابغى هالشيء من نفسه .. دخلت على اكاونتات اصحاب العمل اصحابه وبعضهم معاه بالاستراحه ولا واحد متابع نص بنت انقهرت على حالي اكثر .. وش يبي فيهم طفشني عارفه ان شخصيته قويه ومحترم بس هنا فقد احترامه وبرضو متهرب من الاعتراف بي وببنته بس اسمه وعمله لا متزوج ولا اب ليش يعني يخاف يخسر مين ب اعترافه فيني وفي بناته ..
مدري كيف افتح هالموضوع كرهته جد كأني انفخ في قربه مشقوقه وين احترام الزوجه وتقديرها عارفه مابينهم شيء بس حتى لا يتابعهم ابد ليش مو من نفسه يترفع عن هالامور اللي تغث زوجته ... قررت اقراء كل شكاوي الازواج واعملها فيه انسان بلا رحمه ولا احترام لزوجته ولا تقدير راح اطلع له قرون ماينفع معاه اتعدل هو سبب همومي وين كنت قبله وكيف صرت معه
الحياه معه جحيم اهمال عاطفي قسوه عدم احترام مو حاط لهالزوجه اي اعتبار والله كرهته مو طايقه اشوف وجهه

طيب

ماهو الحل من وجهة نظرك؟

اعتقد انك ترى ان مشكلتي تافهه و لكن مايحس بالنار الا واطيها
...



لو لدي حلول ماحتجت استشير .. صح او لا

مدري اذا تعرفيني او لا

ولكن انا احب الصراحة

فلو رأيت ان مشكلتك تافهة كان قلتها في وجهك ومايحتاج اني المح وادور

وطريقتي في حل المشكلة الالمام بكل نواحيها

واغلب الاحيان يكون هناك حل مرغوب لدى صاحب المشكلة

لذا سألتك هذا السؤال من اجل هذا السبب ولأسباب اخرى


س- ماهو الحل من وجهة نظرك؟


اذا لم تستطيعي ايجاد حل فتخيلي صديقتك عندها نفس المشكلة فماذا ستنصحينها؟

ماببالي حل الان
ولو بيكون في حل راح يكون قاضي مالي مزاج افكر وجالسه اغلي من جوا وعارفه راح انفجر قريب واخربها ..

تحديث 4


ارسلت له اناقشه بموضوع التويتر
وكلمني وهو اول مرا اكلمه من يومين كنت مقفله جوالي .. المهم دق وضاق صدري صار مشتبهين فيه كورونا ومعطينه اجازه لما تطلع النتيجه الله يحفظه ان شالله مافيه هو معه زكمه ويبي ينحاش العيد قام عرض نفسه للتحليل اشتباه الكورونا لانو كمان اصحابه قد عملوها قبل يبغو الثلاثه ايام ...
بس كان تعبان وصوته يحزن 💔 مهما انقهرت منه اضعف اذا صار له شيء .. حبي له هو اللي وداني بداهيه وخلاني اتنازل عن حقوقي ... مافي اسعد من الزوجات اللي يكرهون ازواجهم حقوقها ماشيه غصبن عنه وماتتنازل عن وش وفوق كذا يصير الزوج مجنون حب فيها ويبي يكسب حب هالقاسيه .. ومافي اتعس من الزوجات اللي يحبون ازواجهم تتنازل عن كل شيء عشان هالحب ... ي ويلي يما من الحب شو بيعزب شو بيزل 💔💔

المهم تخاصمنا وقالي شكاكه ومدري شو وتدورين المشاكل 😑 وهذولا علاقات عامه وجوالي بيدك ليش تبين تحطيني بسجن وتكتمين على قلبي قلت من حقي زوجتك واغار ... .. مابي تتابع بنات كيفي ..
مع انه هو مانعني من التويتر والانستا والسناب وحالف بالطلاق لو اعملهم
ووافق على الانستا بيني وبينه يعني معاه باسووردي ...
تيب ليش عصب يقول تبيني على كيفك وتتحكمين فيني .. بعدين تشادينا وقال كلام مو كويس صدمني بعدها قفلت وهو يحكي لانه كان يلعن للأسف زوجي يلعن كثير .... وهذا مرفوض عندي نهائي وقفلت جوالي وحذفت الواتس ورحت نمت وانا راسي بينفجر صحيت 1 ماما تقولي زوجك دق على جوالي يبيك قلت قولي له نايمه ..
فتحت جوالي لقيت رسائل واعتذار عن اللعن واني ليش اعمل فيه كذا وهو تعبان ووراه اختبارات وعيد 😢💔💔💔 حسسني بالذنب وهو الغلطان ..

انا حاسه بحالي مابي اتصالح معه شف كل ماننتهي من مشكله اعمل مشكله ثانيه احس بغضب داخلي عليه ... اعصب ونتخاصم ويعتذر .. بس مايتفذ وعوده وعارف والله اكون جدا مرتاحه واحنا متخاصمين واذا راضاني ارجع متنرفزه وحزينه وفيني غلقه ...
كل هذا جديد ماكنت كذا .. المشكله اهلي مرره زعلانين مني ومن اعتزالي يقولو غصب تجلسين معانا وانا ماني طايقه حتى نفسي
ودي احجز عند مستشاره اسريه لي وله جلسه .. بس اخاف تنقلب علي قدامه ويصدق اني غلط ولا يغير من نفسه شيء
ولو بستمر كذا راح يمل ونهايتنا طلاق ماراح يصبر علي وانا مررره نافره منه وادور عليه الغلط ... ماكنت كذا .. اعوذ بالله من الشيطان ..
المشكله كنت متحمسه على السفر عقب ماينتهي على بداية 2016 راح ناخذ شهر ونسافر انا وهو سوا بدون البنات بس الان مابي وابقوله قبل يحجز ويتخسر ماراح اسعده راح اتمشكل كل شوي لاني زعلانه عليه ومارضيت ومقهوره منه ...
صارحته بكل اللي ضايقني مالقيت جواب يبرد قلبي لو اصور لك محادثاتنا يرد ردود مدري من وين ... انا بطريق وهو بطريق تفكيرنا جدا مختلف ... مانلتقي !!!!

مرحباً أختي

1- سأدلك على طريقة... صلي ركعتين قيام بالليل... ثم نامي على السجادة والنور طافي أو خافت... وريحي كل عضو بجسمك... ثم أبدئي بالتفكير... وحاولي أن تعرفي أولاً ماهي المشكلة الحقيقة الأهم التي تزعجك في زوجك... ثم فكري لو كان التنازل من طرفه هل سترتاحي وكيف سيكون التنازل من طرفه لتطلبيه بذلك ... وكذلك فكري لو كان التنازل من طرفك في حالة عدم تنازله هل سترتاحي وكيف ستقدمينه
ما أقصده أختي بهذا التمرين إن صح إسمه أن تحاولي فصل المشاكل مشكلة مشكلة مع إعطاء نفسك جو روحاني هادئ وأنتِ مسلمة أمورك لله بعد عبادة وذكر ... كرري هذا الأمر بشكل يومي... وكل يوم مشكلة واحدة فقط... والنتيجة ستكتشفي أن عدد مشاكلك لن تتجاوز صلاة أسبوع أو عشرة أيام والله أعلم

2- لابد أن تدركي أن وسائل التواصل الآن للأسف أصبحت فتنة ووسيلة من وسائل التخريب... لذلك من الحكمة أن توعي زوجك بأنها وسيلة تخصه وهو مسؤل عنها أمام الله لو أخطأ فيها في حق نفسه وفي حقك بأي شئ يمس العلاقة الزوجية الطاهرة بينكما ... فأنتِ تحفظينه في نفسه وعرضه وبيته... ومن حقك أن يحفظك كذلك ... وأن تقولي له أنك لن تبحثي وراه بعد اليوم لأنك لازلتي تثقي فيه والله حسيبه ورقيبه ... وأرجو أن لاتصدمني فيك يوم من الأيام بما يسوئني... لأنك لن تجدني بعدها عندك

3- لابد من جلسة مصارحة بهدوء لتشرحي له ماهو إحساس الأنثى وماذا تحتاج من إهتمام


أعانك الله

اهلا بك اخي الرسمي شكرا لتجاوبك ..

الحمدلله لما يعرف الشخص ان الله معه ماراح يخذله ...



بالنسبه لمشاكلي كل شوي اخرج ب اشكال تعبت وجاني صداع بسبب هالأمر ...
اعرف اني ادور عليهم ولكن تسيرني رغبتي الجامحه في اغضابه ..
صرت زي البركان اللي انفجر وجالس يحرق كل اللي حواليه معاد اتحمل وحساسيتي تجاه اي موضوع زادت

انا انسانه حساسه وحالمه للأسف ورومانسيه واجي باللطف واللين والكلام الحلو ...
زوجي وقت المشاكل يلعب علي بكلمتين واسكت واصدقه ويجلس نادم على هالكلمتين شهور ...
يمكن عشان كذا ارغب بالمشاكل اشتقت اسمع كلام حلو 💔
الأمر الآخر موضوع اليوم جيته ب اسلوب حلو مو طبعي اصارخ الا كان بي عارض فقط ..

قلت حبيبي ليش ممكن تعمل عشان ماتخسرتي
_قال اي شيء ممكن يتسوى
_قلت بس انتا تمشي بطريق خسارتي
_ليه وش سويت لك
_ ماحترمتني ولا قدرت مشاعري
_؟ من يقول؟
_لما تتابع موظفات بتويتر او اي بنت تضايقنب هم يتابعونك مو مشكله بس انتا لا ..
_هههههههه عادي
مو انا لحالي
_ايش دخلني بالناس مسؤله عن زوجي انا مابيك تتابع بنت ابد ..
_ليش بيني وبينهم شيء ي مريضه كبري عقلك بدق ردي ...
بعدها دق وبداء يبرر وهم عندي من سنين توك تتكلمين ماتمشيني مو على كيفك
لما اغلط معاهم تكلمي ومدري شو انا صاينك وحافظك وماشوف غيرك ...... سب سب سب بعدين انا اغلقت الخط


لما فتحت الجوال اعتذر عن السب بس موقفه ضعيف تجاه حذفهم يمكن مخه يقوله هذي بداية السيطره زوجي مهووس كلش ولا اسيطر عليه
عشان كذا بخيل بالعواطف والحب يخاف يصرح واسيطر عليه ؟؟؟؟؟ ..


في نقطه انا صلحت كثير من نفسي وحاولت اسعده خصوصا في العلاقه مابقي شيء بخاطره عذرا بس عشان ماتظنون اني مقصره يقولو من حسن ليله حسن نهاره وانا والله محسنه له تماما بشهاده منه ولكن يجي النهار وينقلب شخص ثاني

مليت ماجد متعه معاه ب اي شيء وصار هالموضوع ثقيل على قلبي لاني قبل اتفنن لاني احب واكون اعبر عن مشاعري الان هم وغم على قلبي مالي خلللللق ولا احس بشيء كأني ميته.... كنت بصارحه بسبب هروبي منه ولكن زوجي مايفهمني ابد
ابد
اكتب واشرح واعبر ولا يفهمني تعبت
افكر ب اهماله عاطفيا وجنسيا حتى يحس ويبداء يفكر انا تغيرت بس ماهملت الان بقوم بواجبات البيت وبس تعبت اعطي ولا القى نتيجه


ابي تكتب لي اسلوب للمصارحه الفعاله يمكن اني ماعرف اصارح 💔💔 او طريقتي غلط ومايتقبلها

الكلام موجه لأخي العزيز الرسمي

لذا استأذنك اخي الرسمي اني اعلق على هذه الجزئيه من كلام اختي نوني اضافة الى تعليقك عليها


اختي نوني

اقترح عليكي التالي :

كتابة المصارحة في ورقة خارجية وليس على الواتس او الجوال

من اجل ان تكون المصارحة لها وقع واهمية على النفس

لما يشوف انك مسكتي ورقة وقلم وبدأتي تكتبي وتمسحي او تمزقي الورقه وتكتبي بورقه جديدة سيشعر وقتها بمدى اهمية واستثنائية كلامك وان الموضوع جدي وخطير

(سيشعر بذلك عندما يبدأ يكتب رده على الورقه او بورقه جديدة ويواجه اخطاء املائية ويضطر انه يشطب ويمسح ويعيد كتابة الكلمات)

بعد ماتنتهي من كتابة الورقة ضعيها في داخل جيبه مثلاً او على سطح التسريحة او اي مكان ماتتواجهوا فيه (خليه ياخذ الورقة وانتي مش امامه) وطبعاً اكتبي في نهاية الورقة (منتظرة ردك على احرّ من الجمر - سرعة ردك تدل على مدى اهميتي عندك - ردك يدل لي على مدى حبك لي - الخ )

العناصر الواجب توافرها في الكلام اللي راح تكتبيه :

1- من هو هذا الشخص (زوجك) من وجهة نظرك ولماذا كل هذه السالفه

2- ذكر الفارق بينك وبينه (كذكر وانثى) في موضوع محادثاته وتتبعه لزميلاته وتشرحي له مفهوم الانثى عن هذا الموضوع (وجهة نظر زميلاته عنه - الغيرة لدى الانثى - وجهة نظر زميلاته عن زوجته ) + مافي وجه للمقارنة ولكن قارن وشوف بنفسك ، قارن زوجة مسخرة نفسها لزوجها فقط وقارن بين زوجة اخرى تكره زوجها وجايه تسولف مع زوج اللي بتحافظ على نفسها!!!!! ياحبيبي احنا حريم وفاهمين بعض.

3- تذكري له انك الحلقة الاضعف ومحتاجه له ليداريكي (يداري ضعفك الانثوي الطبيعي) وانك تريدي منه ممارسة الجوانب المضيئة من قوامة الرجل على زوجته

وللحديث بقيه

وياريت تبدأي بكتابة المسودة وتعرضيها لي هنا من اجل تنقيحها وتصحيحها (ان استلزم ذلك)

هل تواصلتي مع مستشار اسري او مع الطب النفسي؟

وماذا اقترحوا عليكي