في اشيا تصير بحياتنا ... واتجاهلها قد ماقدر .. ولا كأنها صارت ... واحيانا اكذبها ... مو عشان شي .. بس عشان لاني ادري بنفسي مو قد الحمل في مواجهتها ... ولا ابي أدخل نفسي بمتاهات ولا مشاكل مالها نهايه .. دايما ابعد نفسي عن اي شي يخص اهلي من اخواني واختي وحتى اعمامي ... اقول اللي علي بيتي هذا اللي اقدر اتحمله .. هل شخصيتي فيها خلل ؟؟ انا من زمان وانا كذا من لما كنت صغيره ... ياما كنت اشوف اشيا تصير قدامي .. أتم سااكته ولا اسال ولا أتدخل ولا كأني شفت ولا سمعت ... او اكذب اللي ااشوفه بعيني واسمعه بإذني ! كثير احداث تمر بذاكرتي ... واحطها بخانة الخيال عشان اعيش حياتي ... وعشان صورة اللي احبهم ماتتشوه عندي
ادري كثرت هرج بس حبيت افضفض .. وارتاح اذا تكلمت .. وفي اشيا كثيره كاتمتها مادري هل هي اللي اثرت على شخصيتي ولا لا

__________________
-

فأجبر خَاطري .. بفيّض نعَمك ❤ ....

طيب بعد المواقف العديدة وبعد عشرتك لزوجك لفترة من الزمن

ماهي الاجابة (الحقيقية) التي تتوقعيها للسؤال : ليش تكره اخواني؟

__________________

الى الحين ماتأكدت وش الاجابه الحقيقيه ! ... بس توقعاتي انه يكون خايف يأثرون علي واعطيهم اذا طلبوا مني فلوس ... او انه خايف اني انخرب مثلهم على حسب كلامه انهم خربانين ومدري ايش ..
ممكن اعرف وجهة نظرك ليش يكرههم ويكره تواصلي معهم ؟
قبل لايوديني بيت اهلي ... حلف لي انه يعتبرهم مثل اخوانه ويحبهم ويخاف عليهم !! تناقض !!!

__________________
-

فأجبر خَاطري .. بفيّض نعَمك ❤ ....

شكرراا لك حبيبتي مهره ... وشكرا لك اخي لماذا ... جزاكم الله كل خير ... واعتذر اخذت من وقتكم 🌹🌹 ...
اتمنى ينغلق الموضوع وشاكره لكم 🌹

__________________
-

فأجبر خَاطري .. بفيّض نعَمك ❤ ....

خليني ابدأ بكلمة "تناقض" اللي ذكرتيها اخر ردك

التناقض على ماذا يدلنا غالباً؟

اللي اعرفه انه يدلنا على :

1- ان احد الموقفين المتناقضين كذب والثاني صحيح.
او
2- الموقفين كلاهما صحيح (لكل تصرّف ظروفه الخاصة).
او
3- كلا الموقفين كاذبين ولايعكسو مابداخل زوجك (اما على طول واما حسب الوقت الذي قيلت فيه).

انا صراحة ارجّح الحالة رقم 2 ولكن مع تعديل بسيط

انه صادق جداً في اخر موقف قاله (يحبهم وانهم اجاويد والخ...) وانه صادق في الصفات السيئة التي نعتهم بها ولكن بشكل مبالغ فيه جداً (ممكن الصدق يمثل 15٪‏ في هذا الموقف والباقي (المبالغة في النعوت السيئة وفرض الحصار عنهم )عمله وزاده لتغطية عيوبه وتأمين مخاوفه))

__________________

سمورة حبيبتي..

مهما بذلنا من جهد ما بنقدر نعرف السبب الحقيقي ورا تصرفات زوجج.

لكن ما دام تصرفاته متطرفة ومبالغ فيها فهذا يعني إن في شي غلط .. إما أن هدفه مب بريء تماماً .. أو عنده مشكلة نفسية مع نفسه.

يعني مهما كان ما توصل إنه يقذفهم في شرفهم .. وحتى لو افترضنا في أسوأ الاحتمالات أن كلامه صحيح .. بعد مب من حقه يحاصرج ويفرض عليج ما تتواصلين معاهم بهالشكل.

صحيح هو اعتذر .. وهذه الجزئية ممكن تستغلينها عشان تحطين حد للي يسويه .. يعني خلاص ممنوع يتكلم في علاقتج مع اخوانج أو يتدخل في أي شي يخصكم مع بعض .. وانتهزي أي فرصة عشان تبينين له خيبة أملج فيه وإنج ما توقعتي إن السالفة توصل لقذف رياييل هم أهله وعيال عمه في النهاية.

وخلاص يا سمورة .. لا تسألينه مرة ثانية عن السبب .. لأن في الحقيقة ما في سبب منطقي أو مقبول يعطيه هالحق.

فقط أعطي كل طرف حقه من الاهتمام والواجب.

__________________


اللهم طِيبَ الأثر .. وحُسْنَ الرحيل.

ما دام الثقة تزعزعت في الجميع .. فمثل هالمواقف إذا احترتي فيها لا تشاورين زوجج.

شاوري طرف محايد يغلب على ظنج إنه عقله كبير وحقاني وما بيستفيد منج .. أمج .. عمج .. خالج.

__________________


اللهم طِيبَ الأثر .. وحُسْنَ الرحيل.

التجاهل والتكذيب ما يفيد دائماً يا سمورة .... يمكن مقبول في بعض الأمور اللي ما تمسّج بشكل مباشر .. لكن في المواقف اللي تكونين طرف فيها لازم تشوفينها وتقيمينها صح .. عشان تصرفج يكون صح.

أكيد حلو إن اللي نحبهم تكون صورتهم حلوة في عيونا .. لكن إن كانوا هم اللي يشوهون صورتهم بأفعال أو مواقف سيئة فما ينفع نعمل نفسنا مب منتبهين.

__________________


اللهم طِيبَ الأثر .. وحُسْنَ الرحيل.

ما سويتي شي غلط عشان تخافين من ردة فعله يا بنت.

إنتي تحملتي كثير .. وكلامه الأخير عن اخوانج هو القشة .. طبيعي تنفجرين في النهاية.

ويمكن خيرة من الله عشان المهزلة اللي هو عاملها تنتهي.

__________________


اللهم طِيبَ الأثر .. وحُسْنَ الرحيل.

يعطيك الف عافيه اخي ... اخواني مو سيئين مثل ماهو قال ... وكل انسان مو معصوم عن الخطا ... هم صحيح فيهم اشيا مو كويسه .. بس ماتوصل انهم سيئين مثل ماهو ذكر ... مثل ماقلت انت انه بالغ كثير ... شكراا لك

__________________
-

فأجبر خَاطري .. بفيّض نعَمك ❤ ....