السلام والرحمه


من ثلاث ايام من بعد ماصارلي هالموقف مع سالم وانا مع نفسي افكر ماخبرت اي وحده من خواتي لاني مابا اطلع بالشينه جدامهن

سالم صفعني .. عطاني طراق وقالي ماوراي رجال وانا اللي بادبك طول ماانتي على ذمتي ..

كل اللي صار انه كنا طالعين لدبي مع اختي وريلها وعيال اختي الصغار ومن هناك كل واحد راح يتمشى بكيفه
وانا كنت مع سالم لاني عزمته على الطلعه ويوم خلا المكان علينا قلتله قوم بننزل نتمشى تحت وسط الناس قام يلمحلي يبا حاجته ورفضت وحط في خاطره وكنا وقتها الظهر وفي الليل قلتله ننزل نتمشى رفض قلت براحتك شليت بنات اختي الصغار ونزلت وتمشينا وكلن ايسكريم وردينا سالم شقته بدبي بس انا طلبت له حجره عشان يكون معانا في القعدهفي الفندق

قالي روضه كيف تنزلين من غير اذني قلته سالم انا قلتلك تعال انت رفضت قالي وتقومي تنزلي قلته انا مااحتاج اشاور احد انا ابويه ماسالني وين رايحه وين راده تقوم انت تسالني زوجي على عيني وراسي لكن تتحكم فيني وفي تصرفاتي مرفوض .. واظني انت قبلت بهالشي من البدايه صح
قالي ليه تتكلمي من طرف خشمك شايفتني اقل منك قلته لحظه لحظه انت قمت تخور اجوف عيب عليك هالكلام

قالي عنيده وشايفه نفسك وفوق هذا ماتحترمي زوجك ولا ربك .. سكتت .. لاني مابغيت ارد عليه خفت صوتنا لايعلى والبنات صغار لايسمعون والحمدلله وقتها محد كان معانا غير البنتين وكانن يلعبن في الحجره بالعطورات والاكسسوار وااموري الخاصه

قمت عطيته ظهري بروح الحجره مابا اتكلم معاه لين مايهدى ماحسيت بعمري الا وهو ماسكني من شعري يقولي انتي ماوراك راجل انا حأدبك وقسم بالله صفعني بالقو قلته مينون انت وماكفاه قام رفسني بريله
كتمت على صوتي ودفنته خوف من البنات لايسمعن

ومتفاجاه من الموقف اللي صار
استاذنت من الريم وبنت اختي الكبيره علشان ارجع البيت ورديت مع انه اختيه وبنت اختي الكبيره يقولن لي لا يلسي بس ماقدرت

غصه فيني من اللي صار سالم ماكان جي كان حنون ونحن للحين ماتزوجنا رسمي اللهم ملجه

يوم قالي روضه انتي ماوراج رجاجيل قلتله وراي رياييل يسوون طوايفك كلهم قلتها من الضيجه
انا ادري نفسي غلطانه اني رديت المفروض اسكت..


مابا اقول اكثر من جذي لاني يالس ادورله عذر ولا رديت على اتصالاته كلها اعتذار وكاتبلي انه يحبني ويغار عليا واانا تصرفاتي غلط في غلط اذا تصرفاتي غلط ليش قبل فيني من البدايه


انا مارديت عليه للحين ولابرد عليه لين عقب العيد انا ابا اختلي مع نفسي هالايام لاني منصدمه من اللي صار

ابويه اخواني عمرهم مامدوا ايدهم عليا سالم حبيبي وشريك حياتي اللي اخترته يمد ايده .. حتى لو كان مضايج مايعطيه الحق بهالتصرف الله يشهد اني اكتبلكم وانا .... ماادري شاقول

وليش قاعده اكتب

تضايقت علشانك روضه
حبيبتي الملجه مو معناته تكونون لازقين ببعض الرجال يحبك والعرس بعيد شوي وتارك زوجته يعني له احتياجات
انا ضد تعطينه حقه الحين بس مو معناته انك تتلزقي فيه وتقتربي منه وتحرمينه بنفس الوقت
المفروض ماعزمتيه ولا حجزتي له حجره روضه كذا بتخسرين الرجال بيحس انك شاريته بفلوسك
المفروض سويتي لك برستيج
ومن حقه تسالذنين منه حتى لو ماتعودتي بكذا عند اهلك ايام كنت متزوجه ماخطي خطوه الا مبلغته اصلا
ليه تعطينه احساس انك فري ومتحرره واهلك مش قادرين عليك مع ان اهلك ونعم بهم
وحبيبتي الرجال قبل الزواج غير لا تغتري بكلام الحب
بس صفعه وضرب وطراقات بالملجه لا والله قويه ولا تمشينها بالساهل
استخيري روضه استخيري وربي يسهل امورك
اقطعي عنه هالفتره ولا تردي على اتصالاته يمكن يندم
الله يسخر لك الخير كله

انا ماعطيته الاحساس اني متحررة انا تصرفت بطبيعتي اللي تعودت عليها وهو على علم فيها ..
ماتضاهرت بشي او مثلت شي مايعنيني وبالنسبه اني عزمته نت اباه معانا
بس هاللي صار

هلا حبيبتي
ما هنتي عليه .. كنت فاتحة من الموبايل
قلت أدخل من اللاب توب عشان أرد عليك

يا الغالية سمعيني .. يبقى هذا زوجكِ وحبيبك
الذي كان يوما حلما وبحمدالله تحقق ..

الشخص لا تظهر شخصيته الحقيقية إلا مع العشرة
عزيزتي .. منهم انفعاليون ولكن يعتذرون
بسرعة ويشعرون بالذنب وسالم قد يكون عاش
في بيئة هو الرجل وهو الآمر والناهي .. والانفعال
والشدة تجري بدمه كطبع ..
ربما كان من حقه إن تخبريه بخروجك .. وأنا معكِ
بهذه النقطة .. أن نقيد أنفسنا بإخبار فلان إن طلعنا
وإن رحنا ..
لكن يفضل أن تعامليه بأسلوب آخر .. ماطليه وجامليه
لا تتندفعين مباشرة بمقارنته بأبيك وأخوانك .. فمن المحال
أن تجدي زوجا كأبيك ..!!
عزيزتي .. من البداية ضعي له حدا بعدم مد يده عليكِ..
الزواج ليس حب وحنان .. بقدر ما هو تفاهم و
احترام ..

الأيام ستضفي لكِ مزيدا من المواقف
فكوني جاهزة لها .. ولكيفية التعامل معها

__________________

اوراق انا ادري انه رجل وعاش في بيت كان الامر والناهي وله كلمه تمشي على من حوله بس المفروض يعذرني كوني بنت عشت في بيت انا االمره الناهية فيه ولي كلمتي بعد

قوله لي ماوراي رياييل وايد ضايقتتني ليش قبلت فيني عيل ؟؟ عنيده وشايفه نفسي ومااخاف من ربي كل كلامه عني جي؟ ليش تزوجني عيل ..

انا مقدره انفعاله بس مابا اعذره على كلامه وتصرفه انا قلتله ينزل معانا رفض وخذها بضيج ليش رديت طلبه حزة الظهر

انا كنت اباه يشاركنا اليلسه وماتوقعت انه كل واحد بروح يتمشى على كيفه كنت متخيله انه بنتعشى مع بعض ونضحك مع بعض كنت مفقتده هالقعده لكن يوم جفت الكل يقول انا بنزل وشوي بنت اختي تقول بتنزل مع اخوها ريم نزلت مع ريلها خليفه قال بسير البحر ولقيت نفسي مع البنات صغار قلت انزلهم وامشيهن موب معقوله بيقعدون في الفندق محبوسين

عزمت على سالم ينزل قالي موب نازل قلته براحتك جافني طلعت وماوقفني مع اني قلته يالله بيبي سي يو
ليش ماوقفني وترياني لين ماخلص وعقب يطلع ضيقته فيني

صدقيني يااوراق الموقف كان صدمه عليا ونحن في ايام العيد الناس تهلل وتستعد وانا عايشه الموقف غصبن عني

وعسى ايامكم اعياد

الزعل مامنه فايده بقعد معاه وبنتكلم بكل شي ..

يقبلني بطبيعتي او كلن يجوف طريقه بدون مايمد ايده ولا يسمعني كلام ماله معنى

وكل عام وانتم بالف خير

هل تمت الدخله بينكما و انتما مازلتم في مرحلة العقد ؟؟؟ ام ان الامور لم تصل لحد الجماع الكامل ؟؟

عموما انتما الاثنان مخطئان ..

هو اخطأ لانه استخدم العنف .. و اخطأ ايضا لانه لم يوضح ما يريده من زوجته قبل الارتباط بها .. فهو يريد فتاة تخضع له و تطيعه و تحترمه في غير ما حرم الله .. و طالما ارتبط بك و يعرف انك غير ذلك .. فكان يجب عليه ان يصبر عليك و يتعامل بالحسني

انت اخطأت .. لان ليس هذا هو سلوك الصالحات تجاه ازواجهن .. الذي يجب عليهن طاعة ازواجهن في غير معصية الله و احترامهم و عدم التطاول عليهم بالكلام

لا ماتمت الدخله بالرغم انه حاول معاي

اخوي رجل حليم خلك حليم معاي انا تطاولت بعد م صدر منه كلام جارح وانا الحمدلله امراه صالحه . قمت ابديه على نفسي وارتبله كل اموره لكن هو الله يسامحه

همسه اخوي رجل حليم

تصحيح لكلامك هو اصلن مافي شي بينا جسديا يعني حتى ايدي ماخليته يمسها بعد مامسكها مرتين وازعجتني طريقته ..

فهمته كل اللي في خاطره ان شالله عقب الزفه

وعليكم السلام ورحمة الله وبركاته /

مرحباً ياحبيبة ’’’

أصلاً ليس له حق أن يطلب ذلك إلا بعد الزواج حتى لو كان حصل العقد ’’’ عرفاً والعادات هكذا تقول !!!!!

هل رفضها غلط ؟!

لا طبعاً أنتِ فعلتي الصح ...برافو روضة ..برافو من أعماق قلبي ...!

وجميل إنكِ تحملتي هذا الكلام ...

الآن أطلب منكِ أن تهدئي ولا تتصرفي شيء وأنتِ غاضبة ..

لاتتزوجي عاجلاً إلا بعد أن تعرفيه جيداً ..

مازلت المواقف تثبت هل هو صالح لكِ أم لا ...

لاتغامري بنفسكِ حتى لو مين ما كان !!!

موفقة وطمئنيني عليكِ ولا تغضبي ...