هناك حلقة ضائعة
ماذا قيل لها عنك حتى أصبحت ردة فعلها عنيفة بهذا الشكل!!!
برأيي اللي وصل لها أكبر وأكثر من زواجك عليها،،،،ياليت توضح هذه النقطة.

مع العزيزة مكلومة في رأيها.

رد فعلها مبالغ فيه جداً .. خاصةً أنك طلقت الأخرى مباشرة!

لماذا كل هذا التعسف والإصرار على موقفها؟!!

__________________


اللهم طِيبَ الأثر .. وحُسْنَ الرحيل.

ابصم بالعشره انها سامعه عنك كلام كبير اكبر من موضوع الزواج

اختك الي نقلت لهاخبر زواجك ترى ماذا قالت لها عنك انا اتوقع انها قالت لها اسباب زواجك عليها وقولتك كلام عليها انت ماقلته وحطت فيها عيوب الدنيا كلها وقالتلها زوجك فلان الي قال وطبعا محد يحس باحسساسها وصدمتها وقتها

انا انصحك تحاول وتحاول وتبحث وتسال ايش سمعت كلام عنك اختك ايش قالت لها بالضبط حاول تمنع هالزواج

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

هالمره ما رح يكون كلامي لك ، رح يكون للي يردون عليك ويعطونك حلول، عشان تعذبها في بنتها لانها ما تبيك
لو نسمع منها ما رح نايدك ولا نسمع لك في كلمة
واضح جداً ان زواجك نتيجة مكيدة من اهلك عشان يحرقون قلبها،
وواضح ان مالها أخطاء تستاهل اللي سويته فيها
اول مره احس انها انسانة تستحق كل احترام وتقدير ، الله يوفقها ويعوضها باللي احسن منك
الحرمه ما تبيك خلاص اطلع من حياتها وخلها تعيش عمرها، وتحمل نتاءج إرخاء إذنك لأهلك
مو قادر تتحمل فكرة انها بتتزوج، ورضيت انك تجرحها وتتزوج عليها؟!!
مالكم كيف تحكمون
بقية الأعضاء، ما تدرون عن ظروف المرأة فلا تعطونها حلول يعذب طليقته ببنتها، هو قال اهله ما يصلح يربون البنت، والام من كلامه صالحه، وانتم عندكم عيال فخافوا الله
من جد ارتفع ضغطي وانقهرت، كل من كتب وقفنا بصفه وبس!

بما أني من أكثر الأعضاء اللي ردوا بموضوع الأخ أحمد راح أسمح لنفسي بالرد
والصراحه ما شفت ولا رد أعطى للأخ أحمد حلول للطريقة اللي يعذب فيها زوجته ... كل الردود كانت بين من قال له يترك البنت لأمها وبين ردود ومنهم ردي بأنه يحاول يرجع زوجته خاصة انه احتمال بأنها سمعت عنه كلام مغلوط من أخته وهذا كان محتوى كذا رد .

هي رافضه أي تفاهم وهذي فرصة أنه يحاول يفهمها موقفه ويبين الكلام الغلط اللي وصلها عنه ... حبها لبنتها هو الشيء الوحيد اللي ممكن يجبرها تحكم عقلها وتفكر وتسمع قبل ما تحكم ... من الظلم انها تطلع من بيتها وتطلق بدون ما تسمع له ولا مره .

والأخ الى الان وباخر رد له على سؤال اذا كان بياخذ البنت فعلا لو هي رفضت ترجع .. جوابه كان بأنه لا زال متردد ومو عارف . يعني لسه ما وصلنا لهذي النقطة أصلا .

واذا لاحظتي فالأب كمان له مشاعر وحب لبنته ومستعد يسخر حياته لها وبرضه حرام ينحرم منها وينحرم حتى من كلمة بابا وتروح تقولها لغيره وهو موجود ومش مقصر فيها . هذا غير الخوف عليها من أن تكون تحت سلطة رجل اخر زوج أم الله أعلم بأخلاقه .

ما لكم كيف تحكمون !!!! هو الأب ما عنده مشاعر ؟؟ ثم ان زوجته شاركت بهدم البيت ... مش كل غلطة بالدنيا الحكم فيها اعدام .
والمفروض الأولاد يظلوا خارج نزاعات الأهل حتى لو تطلقوا .. الطفل مفروض ما يتنحرم لا من أم ولا من أب

__________________

خاله بيتا: واللي قالوا له " لا ترد عليها بخصوص طلبها بنتها" وش معناته؟!
مو يفتحون النار عليها؟!!
ويفتحون عيون زوجها على استغلال امومتها للضغط عليها،
خاله بيتا ، ربنا يقول " ولتعرفنهم في لحن القول" وفيه اشياء كثيرة واضح انه صاحب الموضوع ما قالها ومخبيها، ووالله الذي لا اله الا هو لو تكلم بكل شيء لغيرتم موقفكم، واللي يقول انت ما أخطأت سواء لك مبرراتك او مالك، الرسول عليه السلام ماقال لفاطمة رضي الله عنها ترى علي ما أخطا انه بيتزوج عليك ومالك حق، الكل داخل ومتعاطف معه ، بحكم انه يبي بنته ، يعني والام ما تبي، وسهل على الوحده تهد بيتها وحياتها الا اذا جرحها كبير وما تقدر تعيش وتضغط على نفسها" لا يكلف الله نفساً الا وسعها"
يعني لمجرد انه اكتشف انه ما يقدر يعيش بعيد عن بنته لازم هي تنسى وتتنازل ؟!!
طلعوا خطاها من بين سطوره وانا مستعدة اعتذر من الجميع، الانسانة راقية ومحترمة ، لا شتمت ولا غلطت عليه ولا عذبته ببنته، باين انها إنسانه نادر نوعيتها ، وهو للاسف ما عرف يحافظ عليها
ياليت قبل ما نطبطب عليها طالبناه يقول الحقيقة كاملة اذا فعلاً يريد الاصلاح بلا حذف وإخفاء للكثير من الحقائق
اولها ليه أخته ما صبرت وراحت تعلمها؟
وليه امه وأخته يقولون أحرق قلبها وخذ بنتك؟!
وليه هو بنفسه معترف ان اهله ما يصلحون يربون بنته؟!
وانهم رح يربونها على الحقد والشر؟!
لانه واضح انهم تعاملوا مع طليقته بهالاسلوب لغاية ما كرهوها في نفسها ، وهو شارك بهالشي
اخيراً حديثي لمجرد قول الحق والإنصاف في الحكم ، واشهد الله على ذلك

السلام عليكم

سأرد على الأستفسارات قبل ان اقول لكم عن المستجدات البسيطه
لعل تشيرون علي بأستشاره تفيدني فيما بعد ..

انا اعيش نفس وضع طليقتك المستقبلي
بنتي تعيش مع زوجي
زوجي يحبها وينفق عليها ولكن لا يحب طولة لسانها

ولكن للامانة
فرق كبييير يينك وبين ابوها من كل النواحي
النفقة عليها ورؤيتها ومحبتها والحرص عليها


اللي اتمناه لك
ان ترجع انت وام بنتك في بيت واحد

جاوب على اسئلة شوك
فانا ارى كلامها فيه من المنطقية الكثير

وهي بنظري لا تتعارض مع جهود الغالية بيتا بالاصلاح

فانا اتفق معها ايضا في اتجاهها
خوفي فقط من موضوع لا يخطب احدكم على خطبة اخيه
فتاكد من هذا بارك الله فيك

__________________
الحمدلله الذي بنعمته تتم الصالحات

وانا بعد اتفق مع شوك..الله يصلح حالكم ويلم شملكم

__________________
سبحان الله وبحمده..سبحان الله العظيم

جدتها من امها متوفيه

مصير بنتي المجهول اللي يخليني مكاني ما اتحرك
شايل همها امها اكيد مارح تجلس من دون زواج طول العمر


هذا مافعلته والحمد لله وصلت لقرار


ما أبغاها تقرأ اللي كتبته عن اهلي