صباح/مساء الورد والجمال
صباح / مساء العطر والدلال
صباح / مساء الاناقة والرشاقة
صباح / مساء الذوق والفاشن



طبعا نقطة ضعف كل ست الاحذية فاليوم بدي خليكن تصممو shoes cupcakes


المستلزمات


كب كيك اي نوع بيزبط مع ست البيت
سكر ملون بيجي هيك خالص بالوان متنوعة وكل ست وذوقها وحسب شنطتها
شوية اكسسوري عاملتهم قبل بنهار من عجينة الفوندان لازم تكون يابسة
الاشكال مثل بالصورة فيكن تعوضوهن بالكاندي او اي شي اتركوا المجال لخيالكم
شوية شوكولا ابيض منذوبها بالميكروف لنزق الكعب العالي طبعا مع الكب كيك
بدنا شوية صبر وبال رايق

تنعطى كهدية لمعلمات صف الاولاد , لزميلات الشغل
الاحمر تنعطى هدية او نفاجئ فيها ابو الشباب بعصرونية هادية
تضيفي فيهن النسوان الذويقة ببيتك
دللي فيهن حالك مع كوفي وانت عم تقري اي كتاب
نقطة مهمة:
الصبايا تبع مسابقة الريجيم وانا منهن الموضوع بس للمشاهدة وبس ما بدي حدا يدعي علي يوم الجمعة مع الاوزان


الطريقة
بنحط شوية ايسين ملون او كريمة زبدة ملونة على الكب كيك كيف ما حطيناه ما مهم


بنرجع نغطيها بسكر ملون اي لون نحنا بنحبه او المتوفر عنا اذا ما عنا نحط عجينة سكر او اي شي بيعطي شكل للشوز


بسكين المطبخ نعمل بس فتحة صغيرة كالاتي لتمسك النا باقي الشوز


الكعب عبارة عن بسكوت
انا استعملت Rolled wafers او Gaufrettes roules
فيكن تستعملو اي شي ما تتقيدو بشي المهم الواحد ينبسط وهو عم بيساوي شي

بشوية شوكولا بيضاء بنلزق الكعب مع طرف الفودان
وبنزين مثل ما بدنا
انا استعملت بس ربطة بسيطة
ما عملت صور اكثر لانه هون كنت بورشة مع اطفال


اي سؤال انا تحت امركن
اي شي منو واضح برجع بعيد بصور