والله دمعت عيني
الله يرحمه يارب

آمين الله يرحمه ويسكنه فسيح جناته..
ويشمله برحمته ويوسع مدخله يارب العالمين..

__________________

انا لله وانا اليه راجعون

من روائع ماسطرت انامل شاعرنا المغفور له بإذن الله ..

احساسي غريب

الليلة احساسي غريب .. عاشق وانا مالي حبيب
حبيت كل الناس لاموني .. حبيت كل أحبابي باعوني ..
قلت أحب الحب أحسن .. قلت أحب الحب أضمن ..
لا أحن .. ولا أتوه .. ولا بعد في يوم أحزن
رضيت بأقداري ونصيبي
صرت محبوب الحبايب
وصار كل عاشق حبيبي
الليلة غير .. شعوري غير .. أشواقي غير
حتى الأغاني غير ..
صدري سما .. واحساسي طير
بس طيفك ماتركني .. ظل ساكن وسط جفني
كان يذكر وانت ناسي .. كان طيب وانت قاسي
انت وينك ؟؟؟
كان هذا الفرق بيني وبينك!!
جيتني تشكي الزمن .. وجيتك أريد أدفى
لقيت في قلبي وطن .. ولقيت فيك منفى



عيون الحب

عـــيـــون الـحـب لا يـمـكـن تـنـاظـر
عـيــوب الـخـل لـو هـو عـيـب كـلـه

تــمـــاري فــيـه وبـوصـفـه تـكـــابـر
تـرى من فـــوق خـلـق الله مـحـلّـه

رفـيـق الـلـيـل فـي الـشــبــاك نـاطـر
واثـــاري الـلــيـل شـــبــاكٍ لـخـــلّـه

حـفـظ أحـلـى الـكــلام وصار شـاعـر
بـصـبـرٍ يـنـتـظــر والـصــبــر مــلّـه

حـبـيـبٍ عـشـت فـي دنـيــاه عـــابــر
حـسـب قــولـه ويـا شـعــري فـقـلّـه

أنـا ضـحّـيـت لـه وارجــي وصــابــر
واذا عــيّــا أقــــول الــلـــه يـحـــلّـه

عـلـى الـمــلــتــاع الا يا بـعــد بــاكـر
يـبـي الـسـلــوان والـذكـرى تـظــلّـه

صحـيـح ان الـهـوى سحـر المشاعر
يـــراه الــصــب عــــز ولـــو يــذلّـه

عــيــون الـحــب فــي قـلـبـي تـنـاظر
تـشـوف الـلـي عــيــونـي ما تـمـلّـه



علمتني

علمتني وشلون احب.. علمني كيف انسى..

يا بحر ضايع فيه .. الشط والمرسى...

علمتني وشلون احن .. علمني كيف اقسى..

سير علي .. بس امسح دموعي وروح..

سير علي .. جب لي معك قلب وروح ..

سير علي .. اذا تذكرت الجــروح..

يا طاغي النظره خطا..

تجزا بهالبخل العطا ..

وانا اللي اهديتك امن .. عين وجفن..

هذي فراش .. وذا غطا..

يا جرح من وين ابتدي..

وانته معي من مولدي..

وعيت يدي .. على وداعك تهتدي..

بس انت علمني الجفا..

دامي عجزت اعلمك كيف الوفا..

علمتني كيف السهر .. ونسيتني الممسى..

علمتني وشلون احب .. علمني كيف انسى..



اليوم ذكرى الفراق

اليـوم ذكـرى الفـراق ومـرت اول iiسـنـه اليـوم لـي عـام متغـرب وحـيـد iiوحـزيـن
اليـوم انـا ضيـف جرحـي جيـت iiباطمـنـه اني جمعت الدمـوع وجبـت امانـة iiاميـن
مـا يجـرح الصـادق الا غـدر مـن iiيامنـه لا جت من احباب قلبـك لا تلـوم iiالسنيـن
مليـت مـن هالامانـي دام مـهـي iiممكـنـه لاهـي تحقـق ولا يـاسـي بوجـهـي iiيبـيـن
لوين انا وانـت مثـل الشمـس iiوالازمنـه مـع كـل صبـح يجددنـي لشمسـك iiحنـيـن
لا قـلــت احـبــك احـبــك كـنـهــا iiدنــدنــه او كنـهـا وردة مـابـيـن اصـابــع iiجـنـيـن
يـا اجمـل النـاس لـك بيـن المـلا هيمـنـه كثيـر غيـرك ولكـن مـيـن مثـلـك iiوويــن
يــا عـاذلـي خــذ عيـونـي يمـكـن تثـمـنـه تشوف عيبه وانا اشوفـه مـلاك iiحسيـن
امس افترقنا وانا احسب مرت اول سنه يـا طولـهـا ليـلـة الفـرقـا سـنـة للحـزيـن



عيون الصغار

وجهك غضب .. وجهك عروس
يضوي مدى .. يحرق نفوس
تشبه لك الشمس الشموس
ومالمحتك!
سلام يا أحلى الأنام
دربي مثل عينك ظلام
تشبه لك أسراب الحمام
وماوصلتك !
ياصوتها الرايح وجاي
مابين أشواقي وشقاي
تشبه لك الونه وناي
وماسمعتك1
حبيبتي والبوح نار
إنتى أنا بكل اختصار
تشبه لك عيون الصغار
وماعشقتك!
يامهرتي البيضا الأصيل
ياغاية الحلم المحال
مثلي أنا حلمي الوصال
يشبهك في الشاعر خيال
وماكتبتك



حبيبتي

حبيبتي لا من غديتي لي ســراج اتـــبعه

وكني غديت من الظما اركض ويطردني السراب

لا تبخلين اليا شربتك ماشربتك من سعه

دامي من جروح الهموم الموجعه كلي صواب

اليوم مرتني السواني والفصول الاربعه

اليوم مريت المواني والمباني والسحاب

اليوم ماكني لقيتك مر صوتك ماسمعه

اليوم ما كني فقدتك من سؤالين وجواب

يابنت في خدك وهج سيل الشموس الساطعه

احـرق بداخل داخلي انسان ماهو للتراب

واللي خلق ظلم الليالي بالعيون الهاجعه

اني من الحرمان اتسائل وحرماني جواب

يوم الوداع تخيلي مالي حبيب اوادعــه

محروم انا وتخيلي محروم حتى من العذاب

ليتك بعمري ثلاثة اشخــــاص مامــلّك

واحد معي دوم وواحـــد روحي يملاها

يابنت لي قصه تطول بكلمتين موجعـــه

هي باختصار اني انا اركض ويطردني السراب



يا طاهرة

يـا بـنــت أنا مـاني كــذا وظــنـونـك تـكـّـذب عـلـيـك
كـلّي ذنـــوب وماقــوت تخـجـلـني ظـنـونـك وأتــوب

أكـذب عـليـك ودوم أخـونك وألبس الأبيـض وأجـيك
وأعـشق معـك ألـفيـن وجه ويمـتـلي صدري قـلـوب

أحـلى الـكــلام أقــول لـك لـو قـلـتـه الـبـارح لــذيــك
يـاقــف عـلى شـفـاهـي معـك مـراهـقٍ صـبٍ لعــوب

أكـذب ولا أدري لـيـه أكــذب أعـشـقـك ما أرتـجـيـك
أخاف من صدق الحـقـيقة في الهـروب من الهروب

والله أحـبـك وأعـشـقـك وأعـرف زمـان انـي أبـيـك
لـكـنـهـا هـــذي الـحــيــاة اتـعــلـمـت مـنّـا الــذنــوب

العـيــن عـجـزت تـعـتـقـك الـقــلــب عـيّـى يشـتريـك
في الـسجـن خـيّـال وفي في الصـدر رجـّـال كــذوب

هـذي الحـقـيقة ما يـجي في الكـون أطهر من يديـك
وانا الذي أنـقـض وضـوء الـغــيـم والـما والهـبـوب

أنـقـل عـيـوبي فـوق متـني وانت لك عيـبـك شريـك
وبـاكـر تـبـسّـم لـي وجـيـه لـك يـعـبـسـها الشـحـوب

يا طـاهــره حــنّـا كــذا والـمـظــهــر يـكــذب عـلـيـك
يـمكـن يـجي يـوم يـجي نخجل من ظنونك .. نتـوب



تنهيدتين ونار

كـلـّمـنـي عـنّـك

أبعرف كل شيٍ عنّك منّك

قلـّي وش أول جروحك

قلـّي وش آخر أمل ترجيه روحك

إحكي عن طبعك

وعن ربعك

عن اللي يهـزّ دمعك

قلـّي وش معنى الحياة

قلـّي بأنفاسك متى قد قلت آه

إحكّ لي عن الحب

إحكّ لي .. إحكّ لي

إحكّ لي عن الشوق

طـر بـي فوق .. فوق

خـذنـي منّك

وإحكّ لي .. عنّك

الـصـدق

إن الأمل من قبل أعرفك .. كذب

والتضحيه أوهـام

وإني أنا من قبل أعرفك

كنت أعرف أنـام

كان السهـر مـو هـالسهـر

لعب وأغانـي .. وإخـتصار

صار السهـر تفكير

صار إنتظـار

صار إحتظـار

صار السهـر .. تنهيـدتيـن ونـار

يا منتهـى أمـري

بالهمس قلـّي مرّه يا عمـري

وطـر بـي فوق .. فوق

خـذنـي منّك

وإحـكّ لـي .. عـنّـك..


وللاشعار بقية..

__________________

انا لله وانا اليه راجعون..
تسلمين مشرفتنا الفاضلة كيب على المجهود المبذول في هذا الموضوع..

اللهم اسكنه فسيح جناتك.. واغفر له وارحمه..

__________________

احسن الله عزاكم
وادخله جنات النعيم
وجميع المسلمين
اخوكم
vip

السلام عليكم ورحمه الله وبركاته.....

في البدايه رحم الله الفقيد...طلال الرشيد

بس انا ماني شايف اي صله او اي داعي لذكر او كتابه مواضيع وقصص عن هذه الحادثه... هذا منتدي علمي يطرح قضايا عن المتزوجين وعن الطب الجنسي وغيره من ما يخص المتزوجين والمبتدئين...

انا بصراحه لي عتب بسيط علي بعض المشرفين الذين تغافلوا عن مواضيع مهمه في هذا المنتدي وسرحت اصابعهم واشعارهم بالكتابه هكذا.........



ارجو السموحه من البعض الذين قد يفهون اني اقصدهم فالموضوع للجميع..........



اخوكم...ابن وايل

اخوي ابن وايل..
شكرا لك للتعليق ولمداخلتك..
بس اعتقد انك داخل عالم مفتوح..
منت داخل عالم المتزوجين او عالم الطب الجنسي..
ولقيت الموضوع في احدهذه الاقسام..
لو كان الموضوع في عالم المتزوجين او مقبلين على الزواج لك الحق
بأنك تعتب علينا..
لكن الموضوع في قسم عالم مفتوح وهذا القسم لجميع المواضيع الغير مصنفه..
وبعدين هذا اقل شيء.. اسويه بحق انسان عظيم وشاعر كبير وقدير..
اتحفنا بكتاباته الشعرية..
وكان رمزا للاخلاق والكرم والجود..
فالواجب علينا ان نترحم عليه ونتذكره باعماله الخالده..
لانه اغتيل بطريقة وحشية لاتمس للانسانية بصفة ..

ولو كان احد احبابك او اقرباءك بعيد الشر عن الجميع..
فقدته بهذه الطريقة البشعة..
وكان له بصمه بحياتك .. لكنت تمنيت لو انك تعمل الكثير والكثير لتخلد ذكراه..حتى لاينساه الناس..
صح ولا انا غلطانه..

اخواني ..
بدر وvip شكرا لمروركما ومشاركتكما ..

__________________

كل الشكر والتقدير للمشرف المتميز لشهر اكتوبر 00
اشكرك على هذا الجهد المبذووووول واتمنى لك المزيد من التقدم 00
الى الامام

شاعر غدير الخيل

اللهم ارحمه وارحم جميع موتانا وموتى المسلمين
اللهم آمين اللهم آمين اللهم آمين
اختكم بالله 000

__________________
ادعوا لي بالنجاح والزوج الصالح واكمل دراستي