عزيزتي..

طبعا نحن جميعا متفقين على أنه من الخطأ أن يحكم أحد على آخر أو يبني أمور كبيرة مثل الإنفصال بسبب نقل كلام..

ونحن متفقين أن الإنسان ليس موقف بل عدة مواقف وربما من الصعوبة بمكان ( الحكم على أحد من موقف واحد)..

لكن ما صدر من زوجة أخيك عدة مواقف من يوم الملكة حيث قارنت خاتمها بخاتمك...أليست هذه قلة ذوق؟!

أوليست هذه سطحية في التفكير؟! وحب مقارنة مع الآخرين وهذا أمر متعب مستقبلا...

أنا لا يعجبني ذلك....وهذا أمر يكفي أن لا أتمنى هذه زوجة لأخي....ولكن كما قال الأخوة دعيه يقرر..

أخيرا أسعد الله أخاك ووفقه..

حبيبتي شيهانة كلامج صحيح
انا ابد ما اتدخل هذا اخوية و قراره لكن اذا هو سالني فاكيد راح اقوله راي و بسراحة

البنت هذه ما تحترم احد
حتى امي ما تحترمها..امي تتكلم معاها و هي تطنش..و اخر مرة زرناهم و امي طلبت كوب ماي..ألبنت طنشت و ما جابت لها الماي...قمت انا قلت لها امي طلبت ماي ما سمعتيها؟ تقلي بكل عين قوية..لا ما سمعتها

و بعد هي فيها غيرة مو طبيعية..تحرض اخوية عليا
تقول له ليه تعطي لاختك مصروف؟؟ و ليه اختك تشتري ملابس كثيرة....تريد تشكك اخوية فيا...حسبي الله و نعم الوكيل
لو كان واحد غير اخوية كان سمع لكلامها...بس اخوية اصيل وقفها الحدها

__________________

طيب يا اخواني البارحة اخوي جا في الليل و الحمد الله قرر يتركها..
البنت فيها جسارة و قلة ادب و احترام مو طبيعي
هو عمل صلاة استخارة و يقولي انه هو حس انه مو مرتاح...يعني ما حس بشي
و بالليل قرر يتكلم معاها بالتليفون و يفاتحها و يفهمها انه تغير تصرفاتها و مو كل شي فلوس و مو لازم كل اسبوع تشتري
يقولي اخوية قامت تهوش و تعلي صوتها بدون اي سبب صارت تسبه و تشتمه

شايفين اكثر قلة ادب من كذا؟

و هو يقولي ما قالها شي..بس بدا يتكلم و بهدو بالمشكلة و حتى بعد قلة ادبها و السب..احترمها و ما سبها
قلت لاخوية لو انا منك امرمط الارض فيها

بكل عين قوية تقوله انت ما هنيتني و طلعت كل شي من خشمي و ما اشتريت اللي اريده واللي يعجبني...مع انه هي اللي اختارت اللي تريده

و لما جاء يحاسبها على الهدايا كل اسبوع تقوله اختك تشتري انواع و اصناف شو انا مو قدها..(حسبي الله و نعم الوكيل حاسدتني على كم مرة رحت فيهم اشتري)

و تقوله انت سافل و غبي و مو مال احترام
فيه اكثر من كذا قلة ادب؟

مع الاسف اخوية ما مرمط فيها الارض...حسيت انو اخوية اتساهل معاها هذه مو مال احترام هذه مال العين الحمرة

حاسة انو بدي اتصل فيها و كذا افش خلقي بيها

الف الحمد الله افتكينا منها..:14:

__________________

يمكن البنت اعلى من مستواه بكثير .. فاذا كان هالشي صحيح وما بينهم تفاهم الانفصال افضل له ولها

موحتارة اظاهر ما قريتي الموضوع من البداية

البنت حالتها متوسط

__________________

واللله زين اخوك خلاها... اذا هذا اول الشئ ينعاف تاليه..

حرام 40 الف دولار.. شدعوه..


يمكن انتوا عائلة ثرية وصاير عادي.. بس لو عندي يتزوج 4 نسوان..

على العموم.. اذا دورتوا ثانية.. دوروا صاحبة الخلق والدين.. وخلي اخوك يدعي الله انه ييسر له زوجه دين دين دين.. وخوف من الله و اخلاق تزاحم السحاب بعلوها.... والله يوفقكم..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

دلوعة و منحوسة
فعلا هذه البداية بعد الله العالم وش كان بتعمل بعد ليلة الدخلة..

و احنة شفناها و طلبنا ايدها على اساس انها على دين و خلق..هذا اللي فهمناه منهم..و منظرها ما يدل على انها كذا..تبين انها اخلاق...
تعرفين اول ما اخوية اخذني من الجامعة و شافها....انعجب فيها لان لابسة الحجاب..قال اكيد محافظة على دينها هنا في الغربة هذه بنت اخلاق..و من سالنا عنها..ألناس قالوا البنت ما فيها شي...

و بعدين انا قلت لاخوية المرة الثانية احنة نحدد السعر للذهب و كل شي...عشان بعدين لا يطمعون و يتعودون علينا
لان من البداية محتاج حزم و شدة عشان لا تهون بعدين
و اخوية فرحان انه خلص منها...بس يقولي لا تفتحين سيرة الزواج مرة ثانية...الله يعينه اعذره

__________________

اغلاق لاانتهاء المشكله

الله يعوض كلا بخير

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..