السلام عليكم ورحمه الله وبركاته

كيفكم ياحلوات عساكم بخير وسعاده

بنات انا راح اولد في بيتي ثالث ولاده لي وبصراحه كل المرتين السابقه مو انا اللي جهزت اغلب الحاجات واصلا ماكنت مهتمه بالامور ذي

حاليا بولد في بيتي ولان بإذن الله بتكون بنت وفرحتي غير طبعا اعشق البنات وكنت احلم يكون عندي بنت من اول ماتزوجت والحمدلله على عطايا الرحمن عندي ولدين مثل الفل ربي يحفظهم ويحميهم ويتمم امالي وطموحي فيهم

بنجي للمهم

انا ابي تجهيزات النفاس من والى بقولكم وش جبت وانتم بحكم خبرتكم اعطوني اللي تعرفون


شريت لبس العروسه من سنتر بوينت اخذت شي بالهبل ماتحسفت بس احس اني اخذت شي ماراح يجي مقاسها او ماراح تستفيد منه هالفتره بس من الفرحه ماعرفت اختار

اخذت ملابس داخليه ثمان قطع
قبابيع للراس ثمان
مريلات ثمان
بدل 12 قطعه واغلبها فساتين بس بجامتين
مهادات 10
بطانيه ثنتين
مدس هذا اللي زي المهاد بس كبير واحد
شرابات ربطات شعر والاسفنجه حقت الشور
سرير صغير محمول
صغير لغرفه النوم

اظن بس ذا اللي اخذته

ايش باقي اجيب للعروسه برايكم

انا افكر بالرضاعات وابي مهاد فخم زي اللي تنباع بالانستقرام بس افكر انتظر اولد عشان اعرف المقاس
وطبعا الكريمات والشامبو هذي بعد الولاده من الصيدليه وخلصنا


نجي لدوري انا

رحت لمحل فلور بخريص بلازا

اخذت روبين استقبال وبجامتين

واخذت من وجوه عطر لاكوست الاسود ولاعجبني اخذته كذا على عجله ويوم جيت البيت تحسفت
واخذت خمريه وعطر فواحه من زهور الريف

انا احتاج مساعدتكم في اغراضي انا اكثر من عروستي لاني احس اني ضايعه مو عارفه وش اجيب


ابي محلات تبيع لبس استقبال حلو الارواب اللي اخذتها حلوه وفخمه بس انا ارتاح في البدل اكثر من الروب ودي بشي مرتب ومايكون مبهرج حاجه ناعمه مو شايكه مره يعني بس شي يكون حق استقبال الناس

وابي عطر ريحته قويه وفواحه وياليت تذكرون سعره عشان احسب حسابي زين ومايتجاوز ال 500
وابي مزيل عرق قوي انا استخدم بيزلين بس عاد بالنفاس انتم عارفين حر وبنشرب خرابيط صح بتحمم كل يوم بس اخاف تبان ريحه مني

وابي بخور او عود او عطر للمجلس حق الحريم بحيث ريحته تكون حلوه انا اخذ من الماجد المبثوث حقهم بس احس ريحته ماتثبت واخذ خلطاتهم للغرف والمفارش بس ريحتهم مزعجه يعني مو ناعمه لا قويه بزود


وايش تجهزون انتم عاده للاستقبال للضيوف انا جبت فازات قزاز كبيره وربطت عليها شرايط وقلت اذا ولدت ان شاءالله بعبي وحده شوكليت من روز ووحده من باتشي

وراح اصلح ثيمات ع علب المويه

ومافيه ببالي شي ثاني انتم فيدوني

بااسرع وقت الله يسعدكم باقي اسبوعين واخلص الثامن ومن الحين ثقيله بالقوه امشي واخلص اشغالي
بالتاسع ماظني بقدر اجيب شي

صح فيه توزيعات زي الهدايا كذا يقولون يوزعونها بالنفاس ماهضمت الفكره وترددت اصلحها
قلت اشاوركم اول من جربها وايش تحطون فيها هدايا وهل هي حركه حلوه ولا مامنها فايده


وسلامتكم يارب

السلام عليكم ورحمة الله وبركاته ..
مرحباً أختي الكريمة ..
أولاً / ماشاء الله تبارك الله ، الطفلة يكفيها ملابس لأنها ستكبر وسيتغير لباسها كل فترة وفترة ..
ثانياً / احرصي على شراء حاجيتها من الصيدلية والأفضل ولا تنسي بودرة Baneocin ومرهم Fucidin
كذلك كريم سودو ..
ثالثاً / بالنسبة للتوزيع أيام النفاس بما إنها أو بنت لكِ دلليها ، في أمكنة الحلويات تحصلين على دبابيب صغيرة وردية لونها وفي داخلها حلاوة ..
رابعاً / أما أنتِ في هذه الفترة اهتمي ببشرتكِ وأكثري من شرب الماء بقدر الإمكان هذا سيجعل لها جمالاً ونظرة ..
خامساً / فيه ملابس خاصة لبعد الولادة تأتيكِ مناسبة جداً بمثل هذه واحرصي على أن تكون واسعة ومن الأمام بها أزارير لتسهل عليكِ الرضاعة أي وقت ..

[img]http://im84.***********/KP3q8x.png[/img]
سادساً / لاأنصحكِ بأن تأخذي عطر رائحته قوية جداً بالعكس خذي رائحة هادئة برائحة الفواكة ومن أجل طفلتكِ كي لاتتحسس من الرائحة ، بدي شوب مليء بالروائح الناعمة والمسك وهناك تجدي للفواحة وما تتجاوز 500
والعود الخشبي خذي الأماراتي لابأس به وعبد الصمد تلقين ..
سابعاً / بالنسبة لكريم العرق من نكتار جميل جداً وايف روشيه وثابت يظل رائحته ..
ثامناً / الضيافة اكتفي يالتشكوليت وتوزيع بمثل ماأخبرتكِ فقط ، فليكون كل شيء هادىء غير متكلف ليظهر جماله ..
تاسعاً / لاتنسي التحصين دوماً ..
أفرح الله قلبكِ برؤيتها ..

يارب لك الحمد محد من عيالي سويت عليه استقبال وحركات
كلهم استقبلتهم بعد الاربعين قد شديت واقدر البس واكشخ
وزي العصفوره بين الحريم وجسم مشدود ولا كأني ولدت..
واضيفهم واقوم بواجبهم سواء رجال او حريم ... وازبط في بيتي
واغير فيه ومروووقه اكوون

كذا عذاااب .. لسى تعب الحمل والولاده والسهر مع البيبي
والخياطه وجوها والغسولات ومدري ايش وسرير وبقعد متسدحه
وسط الحريم ... ليييييه .. لييييه العنا والشقا ذا
نو نو نو نو ما احب احد يشوفني كذا
غيري رايك يا وحدانيه واشتري راحة نفسك

الله يتمملك على خير
بس ابغى اسال فضول ليش مهتمه بحملك هذا اكثر من اللي قبلهم؟ ما شاء الله انتي ثالث ولاده وحماسك كانه الاول ..
الله يسهلك امرك ويكون كل شيء مثل ما تتمني واكثر

بالنسبه لي ما استقبل في البيت
الاستقبال في المستشفى بعد الولاده نرسل مسجات للمعارف تبشر بولادتي ونوع المولود واسم المستشفى ورقم الغرفه وساعات الزياره من بعد المغرب وعادة اجلس 3 او 4 ايام بالمستشفى واحدد في المسج و اقدم شوكولاتات وقهوه فقط
واعمل زينه عند باب الغرفه بالمستشفى


واوزع توزيعات بابني الاول جبت مصاحف وجلدتها مخمل بيج وكتبت عليها (اللهم بارك لنا فيما رزقتنا) وتحتها اسم ولدي الثلاثي والتاريخ وحطيت المصحف في شنطه ساتان لونها بيج ومزمومه من فوق وعليها ورده بحيث يصير شكلها زي (البقشه) وداخلها المصحف
والنوع الثاني من التوزيعات تولة دهن عود ومزينه بورد بسيط


ابني الثاني التوزيعات مسبحه لونها بنفسجي فقط

بالنسبه للبجايم انا اجيب من عند (ايتام etam) تلقيه بغرناطه مول تجيك البجامه كامله روب وقميص او روب وبلوزه وبنطلون رايقه وحلوه
عطورات ما احط ولا احرص عشان اسمع انه العطر مو كويس على جرح الولاده اكتفي بالاستحمام
بالنسبه لمزيل العرق بيزيلين مره ما ناسبني خفيف لكن فيه نوع كويس اسمع ريكسونا حلو

وبس..

__________________

السلام عليكم ورحمة الله وبركاته ..
لو قرأتِ بين الأسطر جيداً ياكريستالة الحبيبة لأنها الأبنة الأولى ( بنت) ولديها ولدين الله يحفظهم لها يارب ..

الله يقومك بالسلامة ويجعلها مع أخوانها من الصالحين.

شوفي الموضوع ممكن يفيدك أحتياجات البيبي
http://www.66n.com/forums/showpost.p...44&postcount=1

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

سقيا الله يسعدك ياشيخه جاري شراء اللي قلتي عليه بإذن الله بس بجمع كم راي كمان عشان انزل مره وحده للسوق مافيني اطلع كذا مره

العقد الفريد احنا عائله كبيره غصب نستقبل مع العلم انا نفسي انهم يبطلون هالعاده واشوفهم بعد النفاس بس مافيه امل من اطلع زيارات لحد ليله الاربعين ومع ذلك وناسه وصله رحم وجزاهم الله خير ع زيارتهم لي تظل لها قيمه كبيره


كرستالا ياقلبي اول بنت واتمنى البنت من ربي خلقني احب البنات ايام الجامعه تسلفت بنت اختي منها وعطتني اياها سنه كامله ويوم شافتني تعلقت ببنتها والبنت خلاص كاني امها اخذتها مني ماتنلام بصراحه خافت من اخرتها ههههههاااي

صرت مدمنه على بنتها ولما اخذتها زعلت منها قلت حرام عندها غيرها بنات تتركها لي شين وقوايه عين
وتزوجت وقلت ربي بيفكني من تعلقي ببنات الناس ورزقني الله بولدين ربي يحفظهم يسوون عيوني وماخذين عقلي بس لو جتني بنت بسحب عليهم كلهم للامانه الله يعينهم علي

والله وانا اجهز احس ماادري وش اشتري من الفرحه يارب لاتكسر فرحتي حتى بغيت اشتري مناكير وبغى يذبحني زوجي قال انهبلتي مره وحده قلت خلاص اجل لاولدت بنقشها ماعندي وقت 😂😂😂

ندى جزاك الله كل خير

انتظر راي باقي البنات

كرستالا شغلك في اولادك حلو وذوق بصراحه مصحف مافيه اجمل من كذا هديه

شوفي انا بالمستشفى صعبه استقبل لان اغلب احبابي صعبه يوافقهم هالوقت ويناسب مواعيدهم ولو ناسب البعض برضوه بيظل فيه ناس ماجت خلاص اخليهم كلهم يجون براحتهم افضل

وبعدين انا بولدي الاول ولدت برمضان وولاده مبكره وظل ولدي بالعنايه كان نفاس كله نكد بنكد اعوذ بالله تعبت فيه بشكل غير طبيعي

ولاجهزت الا حاجات عاديه وبايخه بالاصح اصلا ماجهزت الا بعد الولاده وبدون نفس

بالثاني الحمدلله جهزت له ولنفسي من بدري بس ماكنت متحمسه مره كانت امي الله يرضى عليها شايله الليله اغلبها هي تجيب وتحط انا مااهتميت ذاك الزود

هذا سبب اهتمامي انها بنت ولله الشكر من قبل ومن بعد
والسبب الثاني ولادتي ببيتي وابي ابين ل اهلي اني قد المسؤوليه واعرف ارتب لوحدي زين
والسبب الثالث الغالبيه اول مره يدخلون بيتي وودي بشي يكون يفتح النفس

وسلامتكم ياحلوات

ما شاءالله ربي يهنيك و يتمم لك على خير

لي عودة ان شاءالله تعالى

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

السلام عليكم ورحمة الله وبركاته ..
شوفي ياحبيبة بمثل هذه الهدايا بسيطة وناعمة جداً بالإمكان أن تضعيها في صالة الإستقبال ..
[img]http://im84.***********/fEAMZh.jpg[/img]
[img]http://im84.***********/vS0wmJ.jpg[/img]

[img]http://im52.***********/1emQPX.jpg[/img]
أذكر أيام بنت أختي الأخيرة ، مثل الكأسة وداخلها شكولاته وفيها عروسة ومغلفة تغليف جميل جداً ..
بحثت عنها ولم أجدها لأريكِ إياها ..
تلقين كثيراً في المحلات الخاصة بالمواليد ..