السلام عليكم انا طالب جامعي واشتغل بدوام جزئي براتب 3000
هل اقدر اتزج بيه علما اني لا املك منزل

يمكن يكون صعب بس التوفيق من الله وبعضهم تزوجوا وكان راتبهم من 2000 الى 2500 وعادي فاتحين بيت وأطفال وماصار شي وماكانت موظفه طبعا اذا البنت تكون راضيه

ومع الايام والشهور والسنين اكيد الراتب يزيد والوضع يتحسن

الله يرزقك من عنده ويوفقكم

نصيحه خلص دراستك الجامعية

وأعمل بدوام كلي ..

وقيم وضعك المادي مره اخرى ..

ولا تستعجل بالزواج .

براتب 3000 ريال ممكن لكن الظروف ستكون جدا صعبة ..

طالب جامعي مو اول واحد يتزوج غيرك كثيير تزوجو. هو امورك المالية مو جيدة لكن بتتحسسن اذا تخرجت. واذا كانت حرمتك بتصير موظفة برضو بتتحسن.

بالنسبة للسكن وين بتسكن؟ هل عند بيت ابوك غرفة لكم مستقلة؟

عموما 3000 ريال +1000 حقت الجامعة + 1000 حقت الحرمة من الجامعة =5000 ريال مو شينة لوقت مؤقت الى ان تتخرج..
اذا متسعجل على الزواج.. وصدقني ابواب الرزق تفتح لك. بالنسبة للدوام الجزئي انصحك بعمل اضافي معه اذا كان ممكن انا كنت اشتغل ايام الجامعة مع عدة شركات اسوق لمنتجاتهم وكان هذا الشي يدخل علي مدخول جيد.. كنت ابيع اجهزة واخذ على كل جهاز 1000 واحيانا 2000 + اني حر بوقتي ولا ملزوم بدوام.. يعني بالشهر كنت ادخل فوق5000 بالراحة ..

شوف اشتغل مع الشركات وسوق لهم .. فيه منتجات كثيير . ومجال التسويق مجال رحب ومدخوله جيد لكن العمالة الوافد محتكرينه.. ويمكنك منافستهم..

الاهم من هذا اختيار الزوجه اللي تصبر معاك علي قله الصريفه
اما تاخذلك وحده متطلبه ومتعوده على الصرفيه راح تتعب معاها ..

توكل على الله واعف نفسك يعنيك الله من فضله

مشكور
مشكلتي ما املك سكن
وامي ربة منزل مطلقة من ابوي من زمان وعايشين على الايجار
حياتنا صعبة بس لي 6 شهور فكرة الزواج في راسي ما اقدر اشيلها

طيب و كيف وضع والدك المالي
اطلب منه المساعدة

__________________

انا مني صغير
عمري 24 علشان تخصصي الدراسي خمسة سنين مو اربعة وكمان سحبت سنة بسبب ظروفي
بقيلي سنة واتخرج

حصلت مشاكل بيني وبين ابوي واقسمت بعدها اني ما اخذ منه ولا ريال واصلا هو ما راح يعطيني انا اعرف