خطيبي ابرد من الاسكيمو (رجل الرجال, البليغ)اغيثوني - منتدى عالم الأسرة والمجتمع
logo

الملاحظات

ساعدني لطلب مساعدة أحد الأعضاء في حل المشاكل الزوجية والاجتماعية

موضوع مغلق
قديم 17-11-2012, 09:50 AM
  #1
بنت جده2013
عضو جديد
تاريخ التسجيل: Nov 2012
المشاركات: 17
بنت جده2013 غير متصل  
خطيبي ابرد من الاسكيمو (رجل الرجال, البليغ)اغيثوني

السلام عليكم ورحمه الله وبركاته
انعقد قراني قبل اربعه اشهر وبحكم دراستي بعد شهر من العقد سافرت لبلد دراستي وخطيبي ببلدي
المتعارف عليه عندنا اتصال كل يوم بين المخطوبين للتعارف والتقارب وانا والله في اربعه شهور ثلاثه اتصالات كل واحد اقل من دقيقتين
خطيبي مايسال ولا يتصل
اكلمه على برنامج الوتس اب وان جاوب رغم تواجده المستمر يرد كلمتين ورسميه
عن اوارق الدراسه وعن الاجازات الي طلبها بالدوام
لايسال عن حالي ولا اخباري
حاولت وصارحتو كم مره اني صبرت ومنيت نفسي بالحلال
وابغى احد يسال عني
ايش الفايده من فتره الملكه مدام مابيننا اتصال وتفاهم ؟
كيف اعرف تفكيرو ؟
الرجال كل مره يقول انا وحداني ومااتعودت على احد
وبعد الزواج انتي شكليني
وبعدها يقطع لو شهر مااسال عنو مايقولي كلمه
دايما عدرو الدوام ومشغول مع انو دايما يقولي نايم من بدري طول يومي نوم وزهق
ماقد جبر خاطري بمدح او كلمه حلوه
مااحس اني انثى قدام رجال
يقولي الحب يجي بعدين
يعني ماحبيتك
وربي انها كسره نفس
ماحبيتني ع الاقل مافي مشاعر ؟ مافي اعجاب مافي ود حنيه علي؟ اقل الايمان مافي غريزه تخلي الرجال يدور ورا الحرمه ويسال عنها ؟
انا واثقه من نفسي واني اعجب اي رجال طبيعي لكن دا الانسان فيه شي
وقت ماكنت بالبلد طلعت معاه كم مره ونجلس برا البيت بالساعات مافي اي قرب مني
اقصاها مسكه يد
ماني مشفوحه او وحده قليله حيا لكن ابغى احس ان دا الانسان رغبان فيا
وربي اكبر جريمه بحق الانثى ان زوجها مايحسسها ب انوثتها
كارهتو وحاقده عليه
صارحتو اكتر من مره رسلت لو مواضيع لرفق الرسول صلي الله عليه وسلم بزوجاته
حتى صور ودلع لي رسلتلو لكن ولا كلمه
مغبوووووووووووووووونه وفي قلبي غصه لو واحد مهتم اقل شي يحسسني انو يحاول يهتم
لكن دا الانسان ابدا مافي اي محاوله
متشبع مالو رغبه بالحريم ليش يتزوج ؟
مكتفي داتيا ليش يرتبط ويعلق بنات الناس
والله اكتر من مره يقولي بننام بغرف غير ولما اسالو من جدك يقول لا امزح معاك
ماادري مزح او تلميح
مااشك انو من جد لانو مكتفي مالو رغبه بالحريم
عمرو فوق التلاتين ومقتدر ماليا كان يقدر يتزوج من عشر سنين
سالتو ليش مااتزوجت من زمان يقول احب الوحده
وليش اتزوجتني طيب يقول سنه الحياه ولو اني زعلان اني مفارق العزوبيه
وكم مره يقول زعلان بفارق العزوبيه
ليش اتزوجت طيب ليش تربطني
مااطاردو ولا اجري وراه ولا اتصل على تلفونو
كل اسبوعين تلاته اكلمو محادثه قصيره عالوتس اب ويحطمني ويمشي
شكيت انو لوطي
لانو كم مره يجيب بمزح انو راح يتزوج واحد من الرجال
ويقول لو شالوكي الشرطه راح اتزوج اخوكي
واول مره قابلتو يقول اخوكي مره محترم واخلاق لو اني بنت بوافق عليه
ومره رسل لي مقطع رقص لجنس ثالث
..
الكل يمدح اخلاقو
وهدوءو وسمعتو جدا ممتازه بين الناس
واهلي ميتين عليه
ودا الي كاسر ظهري راح يقولو الرجال مايعيبو شي وانتي مدلعه
مو حاسين بالنار الي شابه في ضلوعي ..
اعدارو مره يقول انا استحي
مره يقول مضغوط بالدوام ( الي مضغوط بالدوام مايقدر مره بالاسبوع يكلم زوجتو .. واقل الايمان ببرنامج الوتس اب الي متصل فيه طول الوقت )
مره يقول الحب مايجي بسرعه
مره يقول بعد الزواج راح تشوفي انسان ثاني
احترت وابغى اتخد قرار
زواجي بعد كم اسبوع
وانا كل مالي اكره الرجال من افعالو وتطنيشو وردود فعلو
مايحبني ليش اتزوجو طيب ؟
يبغى يعيش وحداني ليش ارتبط فيه واصير ثقيله عليه؟
مالو رغبه بالنساء هنا الموت وكسر الظهر
الي عندو اي حل اي شي يساعدني في مصيبتي لايتردد ويكسب فيا ثواب
قديم 17-11-2012, 12:39 PM
  #2
البليغ
عضو المنتدى الفخري
تاريخ التسجيل: Dec 2010
المشاركات: 5,761
البليغ غير متصل  
رد : خطيبي ابرد من الاسكيمو (رجل الرجال, البليغ)اغيثوني

أختي الكريمة/ بنت جدة
-شكراً على ثقتك بارك الله فيك.
-ربما في قسم المقبلين على الزواج تجدين أكثر من إجابة مفيدة.
-لكن لا بأس سأجيبك بما أستطيع بعد توفيق الله على شكل نقاط:
1) أرى أن يتم إرسال أحد إخوانك الرجال الثقة العاقل الحكيم الكتوم للسؤال عن الرجل بشكل جيد.
2)دعي الأمور تسير بشكل طبيعي.. وقومي بتركه الآن لمدة 3 أيام.. ثم أرسلي له رسالة عبري فيها عن احتياجك النفسي والعاطفي له.. ثم اسأليه قائلة: هل أنا أحرجتك أو أثقلتُ عليك؟ هل لديك قناعة بمسألة الزواج؟
ثم انتظري الإجابة..
بعدها اصبري يوماً أو يومين ثم أرسلي له رسالة هذا نصها (حدد لي وقتاً للاتصال عليك لأنني أرغب الحديث معك بشأن أمورنا وخططنا المستقبلية بعد الزواج).. ثم انتظري أمره.. فإن حصل الاتصال فجعلي الحديث معه عقلانياً بحتاً عن المستقبل وتكوين أنفسكما.
4) مرة أخرى طبقي الخطوة رقم 1 بشكل عاجل وسري.
قديم 17-11-2012, 02:04 PM
  #3
البليغ
عضو المنتدى الفخري
تاريخ التسجيل: Dec 2010
المشاركات: 5,761
البليغ غير متصل  
رد : خطيبي ابرد من الاسكيمو (رجل الرجال, البليغ)اغيثوني

ملاحظة:
لا تنسِ نفسك من صلاة الاستخارة وأدائها.
قديم 17-11-2012, 06:18 PM
  #4
بنت جده2013
عضو جديد
تاريخ التسجيل: Nov 2012
المشاركات: 17
بنت جده2013 غير متصل  
رد : خطيبي ابرد من الاسكيمو (رجل الرجال, البليغ)اغيثوني

1-اهلي ماخلو احد ماسالو عندو عنو والكل يمدح فيه ولي قريب صارت لو مشكله قبل كم سنه
وكان خطيبي الانسان الي حلها (طبيعه وظيفتو ) قريبي يوم العقد اتفاجأ انو شاف خطيبي وجلس يمدح فيه وفي اخلاقو وطبعو وتواضعو مع الناس ويقول يوم شفتو اتمنيت عندي بنتها وازوجها له
الشي الي قارص قلبي وابغى اعرف عنو ابدا ماينقال بين الناس ومو معروف لو كان صحيح لاسمح الله
بالعكس بيكون بينو وبين شلتو الي معاهم وكل مين يخبي ويغطي عن الثاني
ولا اقدر اخلي احد من اخواني اسالو عن نقطه معينه زي دي واقول دور عنها يمكن اظلم الرجال ويكون كل الي قلتو من وسوسه ابليس ووقتها كيف نظره اخويا له ؟
سألت صديقتي وقالت قريبها يقدر يجيب لي معلومات لانو بنفس الوظيفه (الاثنين ضباط بنفس القسم)
ولي ثلاثه شهور اجري وراها ابغاها تسأل عنو
جاتني فتره شكيت انو متزوج وممكن دا سبب بعدو انو مايكلمني
وطلبت اخويا يسال عنو وطلع برينت من الاحوال وطلع ماقد عقد على غيري
واخويا جلس يقول ان كل العساكر جافيين ومايتواصلو مع زوجاتهم وكل اصحابو نفس الطبع
ويقول انو خطيبي خجول( وهوا فعلا خجول مره ويوم الملكه كان يتنافض )
مره كان معايا بالسياره وجاب سيره ليله الدخله وماكنت منتبه سالتو يعيد الكلام قام نزل راسو وقال خلاص استحي انا ( ملامح وجهو ماانسى من جد حسستني اني مع بنت صغيره وعدراء )
لما سافرت ودعني بالمطار من غير حتى مايمسك يدي وهو شاف قبلو اهلي كيف حظنوني وودعوني ومشيوللبيت عشان يخلو مجال بيننا ( لما وصلت قلت لو كنت اتمنى حضنك قبل مااسافر او ع الاقل مسكه يد قال مو بيدي اخجل من الناس
انا انسانه خجوله جدا رغم وظيفتي بالمستشفى من سنين وبعدها ابتعاثي سنين لكن لليوم مااقدر اتكلم مع رجال واحط عيني بعينو وكنت احس اني بموت من الخجل مع زوج المستقبل
لكن هدا الانسان قلب الايه واضطريت انا اطلع عن خجلي واحاول اتفاهم معاه ودا الشي مخليني احقد عليه اكتر لاني المفروض اكون البنت والخجوله والمتمنعه مو العكس
انا استخرت عليه اكتر من مره ولسا استخير
وقت ماخطبني رحت للحرم مرتين واستخرت
وطول الوقت ادعي يارب ادا كان الي في بالي صحيح يبعدو عني
ايش اقول ل اهلي واشتكي ؟
اقولهم ان الرجال مايقرب مني واحنا برا البيت مايحاول يسرق بوسه مني او حضن او شي يحسسني انو رغبان فيا ؟
اادعيلي الله يخليك
وابغى خطوات اكتر وشي يساعدني
قديم 17-11-2012, 06:25 PM
  #5
البليغ
عضو المنتدى الفخري
تاريخ التسجيل: Dec 2010
المشاركات: 5,761
البليغ غير متصل  
رد : خطيبي ابرد من الاسكيمو (رجل الرجال, البليغ)اغيثوني

-فهمتِ عليك.. لكن لا حاجة للتصريح ببعض الألفاظ بارك الله فيك.
-سأجيبك على ما كتبته فيما بعد إن شاء الله.
قديم 19-11-2012, 04:53 AM
  #6
بنت جده2013
عضو جديد
تاريخ التسجيل: Nov 2012
المشاركات: 17
بنت جده2013 غير متصل  
رد : خطيبي ابرد من الاسكيمو (رجل الرجال, البليغ)اغيثوني

ب انتظارك اخي وجزاك الله خير الجزاء
اي شخص حكيم وصاحب رأي سديد يساعدني ب اي شي ولكم الدعاء
قديم 17-01-2013, 10:56 AM
  #7
مارد الجنوب
نائب المدير العام
تاريخ التسجيل: Jul 2011
المشاركات: 11,718
مارد الجنوب غير متصل  
رد : خطيبي ابرد من الاسكيمو (رجل الرجال, البليغ)اغيثوني

يمنع فتح موضوعين بنفس المحتوى :::يغلق
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 10:35 PM.


images