سلام يا طباخات المنتدى

أنا بأسألكم عن مصقعة الباذنجان الأسود

صراحة يمكن تستغربو شوي من سؤالي

بس أبغ أعرف .....ممكن أطبخ المصقعة بدون ما أقلي الياذنجان ويشرب زيت ؟؟؟

يعني بإختصار أبغ المصقعة بدوووووون زيت !

لأني أحبها ويعجبني طعمها ولكنها كثيرة السعرات الحرارية

والأن وبحكم الرجيم (إللي طول ومو راضي ينتهي )أبغ أطبخها بطريقة تكون خفيفة على المعدة وبدون ما

أقلي الباذنجان

خلوني أعطيطك طريقتي إللي كنت أسويها (ما قبل الرجيم ) ويجنن طعمها وما تاخذ وقت وطريقتها سهلة

مرررررررة







في قدر متوسط المقاس ضعي (كله ني في ني )

شرايح بصل

شرايح طماطم

شرايح ثوم

أنصاف شرايح فلفل رومي

ملعقة صلصة

ملح وفلفل أسود أو (حبة ماجي )

وقليل من الماء حتى يغطي الخلطة

ضعيها جانبا

قطعي الباذنجان شرايح بعد تقشيرة (أقلام )وأقلية ونشفيه من الزيت وضعيه فوق الخلطة

طبعا ماراح يكون مغطى بالموية يعني الموية تحت مستواه

وإن أحببتي ضعي قوق الباذنجان المقلي ملعتين أو ثلاث من اللحم المفروم (يكون مستوي مع البصل والملح

والفلفل الأسود )

الأن أفتحي النار ربع ساعة حتى تتسبك الطبخة وتثخن المرقة وبالهنا والعافية

ولا تنسو تدعولي









أما الأن أنا أفكر في شوي الباذنجان على (عين البوتوجاز )زي ما نسويها للمتبل وبعدين أقشرها

وأقطعها وأضعها على الخلطة حتى تكون بدون قلي بس ما أعرف تخرب ولا لأ

ومرة جربت وقطعت الباذنجان شرايح ودهنتها بالزيت ودخلتها الفرن بس بصراحة ما عجبتني

أحس الباذنجان لما يكون مشوي على النار أطيب من الفرن

أنتظر أرائكم وإتراحاتكم

موفقين .....................بارك الله فيكم

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

الله يعطيكي العافية

قرأت إللي في الرابط كله وأعجبتني الطريقة جدا

راح أسويها عادي يعني بدون ما أغمسها بالزبت

وأخليها تستوي على الصلصة عااااادي يعني

أشكرك أختي ليتني أسلي

وبارك الله فيكي وجعلك من سكان الفردوس الأعلى يااااااااااااااااب

أقلي الباذنجان وبعدها حطيه في الشاخوله واغسليه بالماء يروح الزيت منه ولايبقى الا القليل من الزيت وبكذا تكون اقل دسم.

__________________
لااله الا الله

هلا بك يا سموالاميره
اذا تبغي المصقعه ما تشرب زيت
لا تقلي البدنجان في زيت عميق
يعني خففي الزيت شويه في القلي
وبعد قلي البدنجان ضعيه في مصفاه
هذي طريقتي في عمل المصقعه
وبالعافيه على قلبك حبيبتي

ياغاليه انا بقولك طريقتي في المصقعه بااقل سعرات حراريه
لاني متلك احبها كثيررررررر

اول شي اكشن اللحمه المفروم مع بصل وصلصه وثوم وبهارات وقليل من الخل يعطيها نكهه حلوه يبعد زنخت اللحمه والدجاج ..وبعد ماتستوي اللحمه تقطعي مربعات صغيره فلفل رومي
ِ
بعدين تقطعي البدنجان شرايحه وتوزعيهم في صينيه بايركس وتحطي 3 ملاعق زيت زيتون عليهم وتقلبي الشرايح بزيت الزيتون بحيث تكون كل شريحه على الجهتين فيها الزيت
وتحطيها بالفرن راح تاخد وقت شوي يعني ثلث ساعه او نص ساعه وبعد ماتستوي وزعي شرايح البدنجان في الصينيه اللي حتطبخي فيها المصقعه وحطي فوقها اللحمه ودخليها الفرن لحد ماتتسبك مع بعض

وان شالله تنفعك لاني متعوده اعمل البدنجان بالفرن وكمان حلوه هطريقة مع الزهره تتقطع قطع صغيره وتنشوي بالفرن مع قليل من زيت الزيتون


والف عافيه

ممكن تعمليها نى فى نى كلها وتحطيها فى الفرن

__________________

بسم الله الرحمن الرحيم

انا عرفت معلومة من شيف انجليزي

بيقول ان حبه الباذنجان تقطع بالطول و ليس بالعرض

اي ان تقطيعها بالطول لا يجعل الباذنجان يشرب الزيت ( انا جربتها و شعرت بفرق )

و يقلي في طاسة تيفال ممسوحة زيت

و بعدين ممكن تحطيه في مصفي و اتركيه ساعة مثلا

ان في بعض الاحيان اترك الباذنجان المقلي في الصفاية لثاني يوم حتي اتخلص من الزيت نهائي


المشكلة ان اي وسيلة تتبع غير القلي لا تعطي الطعم الاصلي اللي الواحد بيكون متعود عليه

و ده اللي بيشعرك بالفرق

اتمني ان اكون افدتك


تحياتي

__________________

يعطيك الف عافية

__________________

لا انا اسمع انا زيت الزيتون لما يحمى على النار يصير

من زيت غير مشبع الى زيت مشبع


انا يوم كنت اسوي رجيم ماكنت اقليه ولا احط قطرت زيت



بس بدال ماتغلينه انا احطه بوسط الفرن عدل واذا نضج نص نضجه او تقريبا نضج

اطلعه من الفرن واقطعه بالطول بس اهم شيء لاتخلينه يذوب في الفرن ماتقدرين تقطعينه


وتكون عندي حمسة لحم المفروم بالبصل والطماطم طبعا مبهره


اصف الباذنجان بصنيه طبعا فيه مسحه خفيفه خفيفه جدا زيت

واصف فوقه بطاطس مقطع شرائح مسلوق مملح

وفوقه احط خلطه الحم المفروم

بتقولين شلون ينضج

بعد ماتصفين هذي المقادير راح يكون عندك طماطم طبيعي مطحون بالخلاط مع شوية ماي وتقدرين تضفين له شوية قليل على حسب الطلب صلصة طماطم نص ملعقه وسط وتسكبينه فوق المقادير الاولى وتدخلينه بالفرن لين يتشرب عصير الطماطم وتحسين انه نضج

انشاء الله اكون افدتك ممكن اسلوبي مو واضح وطولت عليك بس ابي اعلمك كيف ماتستخدمين الزيت


وامي ماتقلي الباذنجان تصدقين تحمره بس بصينيه كبيره على الفرن

من فوق تقلب فيه كنه فلية سمك او بيضه مكسوه ويطلع طعمه يجنن


صحيح بالزيت المقلي الذ بس بطريقه الماما اخف واحلى