حامل وطلقني زوجي - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

 
قديم 09-12-2009, 05:58 PM
  #1
البحر التركوازي
عضو جديد
تاريخ التسجيل: Dec 2009
المشاركات: 26
البحر التركوازي غير متصل  
حامل وطلقني زوجي


بسم الله الرحمن الرحيم

مشكلتي بدأت مع زوجي من أول شهرين على زواجنا. حيث كان يتركني وحيدة ولأنه طالب معظم وقته في البيت لكن لايريدني بقربه. أول كلمة جرحني فيها لمن قال " أحس إننا زي البهايم" وذلك لمن حبيت في يوم أنه يأتيني مرة تانية. بعد الوحدة اللي كنت فيها قررت إني أترك حبوب الحمل وحملت في ولدي.
نحن متزوجين تقريبا ٤ سنوات. انفصلنا فيها مرتين , مرة عشان دراسته ومرة عندما زرت أهلي في العيد وزوجي رفض يرجعني البيت وتركني عندهم ٥ شهور عشان يفكر إذا في فايدة أرجع أو لا. بصراحة كنت أحبه موت وأطير من الفرح لما يكلمني. بس بعد ما تركني عند أهله المرة الأولى وسافر كنت أتضايق من تدخل أهله في كل صغيرة وكبيرة بخصوص طفلي الأول. وبعد فترة من التحمل اشتكيتله بالتلفون. اليوم التالي اتصل وقال انت المفروض تحمدي ربك عليهم بدل ما تشتكي منهم. وتخدميهم بدل كونك عالة عليهم. على فكرة أهله ميسورين وعندهم بدل الشغالة اتنين . أنا حاولت جهدي أني أشيل حملي عنهم لأن على قول زوجي كنت ضيفة ثقيلة. من بعدها برد قلبي عليه.

في المرة التانية أكتشفت إن زوجي أمه قالبته ضدي وإن هو مو شايف مني خير من الأساس وهي كمان ما قصرت. المشكلة إن صح ما أحبه زي الأول لكن عرفت زوجي وبدأت أتعامل معاه على أساس إن عمري ما حكون زي أهله. سبب تركه لي عند أهلي كان يقول إني مهملة في بيتي وعنايتي لولدي ومقصرة معاه. المهم مو شايف مني حسنة. جيت أدور واسطة بيني وبينه لأني مهما شرحتله إن الشي ما صار كذا وأحاول أفهمه يقول لي ما تقدري تقنعيني بعكس اللي يقولوه أهلي. وكلمت أخته الكبيرة تتوسطلنا. ما أدري أيش قالت لكن اتصل علي بعدها وقال أنا قررت أفتحلك بيت. لأن هذا اللي أبوي اشترط عليه لأنه شاف إن أهله لهم يد كبير في مشاكلنا.

بعد المرة الثانية من انفصالنا مرت الحين ٦ شهور وصار الوضع أحسن . حملت بدون إرادتي وهو كرهني من وقتها تقريبا. كل ما شاف شي ما يعجبه يقول لولدي الله يعينك على أم زي هاذي. وكان يقول أبغ منك تشيلي عني وتشاركيني. هو قصده أتصل على العمال و أهتم في فرش البيت مع إني ما عندي لا سواق ولا سيارة.

سبب طلاقه لي إن في يوم كعادتي أخدت ولدي للموعد مع الطبيب و حاولت أتصل على زوجي عشان أقله اللي صاير. لكنه كان في اجتماع. فقابلت الطبيب وقال إن ولدي عنده لحمية ولازم عملية. وقعت على الورقة وعملنا موعد للعملية. زوجي لمن عرف إني وقعت زي ما كنت أعمل زمان لمن كان مسافر ثار وقفل الخط بوجهي. لمن جاء قال لما أموت توقعي إنت. ومن كتر ما هو زعلان طل فيني وقال لاعاد توقعي على شى بدوني. أنا ما صبرت. قلت أنت شكلك ما تدري إيش تريد مني. شوية تبغاني أشاركك في المسؤلية وشوية تزعل على توقيع شيل لحمية. الإجراء بسيط وما يحتاج الزعل هادا كله. قام قال جهزي نفسك تروحي بيت أهلك. قلتله ماني رايحة بجلس في بيتي معززة مكرمة.( لأن قبلها بأسبوع كمان قال ايش رأيك تروحي عند أهلك نرتاح من بعض. و أنا ما رديت. ) المهم طولت لساني وقلتله إنت مو رجال إنت بتحاول تتهرب من المسؤلية تجاهي وتجاه اللي في بطني. قال كل اللي بهرب منه هو لسانك..

والله أول مرة أقول كلام زي هادا. لكن زوجي أحسه استفزازي وكلامه أوامر مو تفاهم. بصراحة ندمت وأرسلتله رسائل اعتذار في الجوال. لكن ما يرد عليها ولمن يجي البيت يتأخر ولا يطل في وجهي.

اليوم التاني طبعا ما يكلمني حاولت أقول له إذا ما لك نفس تتكلم معاي طيب بس حددلي وقت نتكلم فيه. لآن زوجي من النوع اللي إذا تركته يجلس بالأسابيع ما يكلمني. وبعدين يقول إنت ما همك تكلميني. المهم , رفض حتى كدة و أصريت وبدأت أمازحه قال إن ما تركتيني الحين طلقتك وأنا عاندت قام قال إنت طالق وأنا ماني مصدقة.

أبوي زعل لمن عرف إني حامل لأنه كان يستنى الوقت المناسب ويطلقني منه. و بصراحة أنا مني عارفة ايش إعمل. أقول في نفسي أحاول أراضيه بس شكله مو راح يرضى. عندي ٧ شهور على ولادتي. إذا ما رضي من هنا لوقتها فما عندي حل. ما أريد أقول لعائلتي لأني إذا رجعت له ما بيسامحوه وفي الأخير أنا الغلطانة لآني حملت منه.

أشيروا علي جزاكم الله خير
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:57 PM.


images