مساءكم خير ..
مع بدايه كل اسبوع تتجدد معاناتي
اليوم جتنى مشكله جديده مع الوالد الله يهديه ..
سبق تكلمت انى افكر بالاستقاله و اقدم اجازه اول ولكن الظاهر ان الاجاز
بتاخذ وقت طويل و قالوا لى اكمل الترم و اخذها السنه الجايه ..بس انا مافينى انتظر
بحجة وااهيه وهى ان مافيه بديل ..< المديره ابدت تمسك كبير فينى
وان اجازتى راح توثر على سير العمل ..
ماعلينا مو هذا الموضوع ..
الموضوع انى الاسبوع اللى راح غبته الا يوم
جاء الوالد اليوم على غير عادة يعنى مايجى الا لشيء كبير ..
فقال لى ليش مقدمه اجازه ؟ وكان زعلاان جدا < ماعلمته انى بستقيل
قلت عشان ارتاح وانا تعبانه و كدا .. قال ايش متعبك مريضه ؟
جيبي تقرير من المستشفى
شرحت له الوضع و معنننند على رايه .. انفعلت انا وقلت له كافي انى سمعت كلامك
اول بالدراسه و دخلت تربية ومادخلت مجال صحى زى اخوي
هو ماغصبنى وقتها لكن انا سمعت كلامه مابغى ازعله رغم ان نسبتى وقتها كانت جدااا عاليه وكنت متفوقه بمواد العلمى
و لكن دخلت مسار ادبي .. " ارضاء له ..
قلت غصبت نفسي على الدراسه و الحين مابغى اغصب نفسي على التدريس ..
قال طيب و تدريسي لك و شهادتك ..
وانا ماعلمتك ودرستك عشان تجلسي بالبيت .. هذا مستقبلك
وكثير بنات يتمنون وظيفتك .. تضاايق جدا وقام يتكلم و يقول انتى بس تعاندينى
"عشان هو اول ماجاء تعيينى رفض اروح منطقه بعيده بس انا اصريت ورحت "
واليوم يقول لما قلت لك خلاص اشتغلى و جيتى المدينه ، بتعاندينى وتقولي مابغى ادرس ..^_^
ويقول انا شارط على الرجال وظيفتك و ماتتركينها ..
انا صراحه ماعندى استعداد و بتركها لكن ابغاه يرضى و مايزعل و يشيل بخاطره
لان ان زعل بيذكرنى فيها للابد ، و بعد مانى ناقصه انا توتر علاقتنا زياده .،
و ظلم ابراهيم ^-^ يقول اكيد هو ماثر عليك عاطل و بتصيرين مثله ..
استغليت انا الحجه وقلت ايوا صح هو يبغى اجلس بالبيت واهتم فيه وبالاولاد..
على بالى بيقول خلاص اسمعى كلامه ^_^
بس قال اهااا هو قايل لك كذا .. بسيطه انا اكلمه لك < تورطت
الان كيف اقنعه وايش العمل ؟!!
للمعلوميه هو مو مستفيد من شغلي شي ويقول كله لك ومستقبلك
ولا ياخذ منى ولا ريال ولا يعرف اصلا كم راتبي ولا عمره سالنى عنه ..
لكن فيه اصرار عجيب انى ما استقيل ولا حتى اخذ اجازه ..

تم تعديل العنوان ليتناسب مع المضمون

انا مستغربة منك
تعرفين هنا الوظايف محدودة
و المعلمة وظيفة مميزة وفرصة لن تتكرر لك ان تركتيها
مناسبة للمتزوجة ام العيال
يكفي طول ااجازاتها
لا جاك بكره عيال اجازتك معاهم
مش مثل الوظايف الثانية شهر و مو باي وقت
والدك معه حق
وانتي بتفرطين فيها هل انتي عندك دخل ضامنته مدى الحياة
يكفي انها غير مختلطة ومعه حق ما يبي لك الاختلاط

وظيفه متميزه في السابق اما الان بالعكس ..

شوفي نفسك اذا انتي قويه وقادره على المواجهه اصري على استقالتك ، بشرط تتحملين جميع التبعات المستقبليه ، واذا ماانتي قدها بالمره اسمعي كلام ابوك دائماً الصواب عندهم وان كانوا قساة بعض الشي ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اقدر استقيل و اواجه لكن انا مابغى ازعله و يصير شد وجذب و مشاكل
عاد هو مرره عنادي ..

ابوك يبغى مصلحتك ومالومه
على قولتك لاهو مستفيد ولا شي
لو ان لك بديل قلنا اتركي الوظيفه
لكن بوضعك صعبه

منين بتصرفي
حتى لو تزوجتي ماتدري وش بيصير
ماكذب من قال الوظيفه امان

الرزق بيد الله ..
اهم شي الراحه النفسيه ..
ان كانت النفسيه تعبانه نفقد المتعة بكل شي ..

مرحباً أختي

سأقول رأيي والله أعلم



1- إذا فعلاً نفسك عايفة وظيفة التدريس ولا تريدينها تماماً .. فأرجوك أن تصري على تركها .. ليس من أجلك ولكن من أجل الطالبات التي ليس لهن ذنب في أن يبتلشوا في معلمة كارهه لوظيفتها وقد ينعكس ذلك عليهن .. ونحن كأهالي نعاني من بعض معلمات بناتنا وإنعكاس نفسياتهم عليهن .. ولو أننا لم نمسك أنفسنا ونتغاضي لدعينا عليهن

2- كلام والدك في مجملة صحيح من ناحية إختيار مستقبلك ولا تضعي اللوم عليه في أنك تنازلتي في بداية قبولك للأدبي من باب البر به .. ثم تعودين لتلوميه بأنه كان السبب في تغير مسار حياتك ورغباتك .. وطالما أنه كان عندك مبدء البر من البداية إذاً فألتزمي بهذا المبدء وليس مرة بر ومرة لوم

3- حزنتي على إبراهيم عندما توقع والدك أنه أثر عليك وأعتبرتيه ظلم .. ولم تعتبري أنك ظلمتي إبراهيم عندما تقولي لوالدك أنه بالفعل طلب منك ذلك

أخيراً
أنتِ بين أمرين :
إما ترضين بما كتب الله لكِ وتبقين في وظيفتك
وإما أن تصري على كلامك سواء تطلبي الإجازة والإستقالة أو حتى لو تتغيبي حتى يصدر قرار فصلك



أعانك الله

فعلا هو يا ارضى بالقدر ..
او فعلا استقيل لكن للاسف ان بغيتهم يفصلونك مايفصلونك ..
ابراهيم جد طلمته ^_^ لكن عاد جت بحسن نية ..
انا مالومه لكن اوضح له انى عانيت بسببه وهانا اعانى من جديد ..!

زعل جداا و كلمنى معصب و قال تتبلين علي
حاولت اشرح له و قلت انى مو قاصده و انا كنت اى شى اسويه احطه
على اخوى فلان و تعودت و قال انا مانى اخوك وهذا تبلي ظلم
بحل مشكلتى وجبت مشكله ثانيه حسبي الله ..