السلام عليكم

اخواني واخواتي

ماذا تضعون في درج السياره ؟

بأبدأ بنفسي

بما اني من عشاق الحلويات

فدائما موجود في الدرج والجيوب الخلفيه للسياره

(لبان (علكه) _حلاوه ليمونيه _حلاوة كفي_حلاوة نعناع)

طبعا كل ماأحد يركب سيارتنا لازم يفتح الدرج او يفتش الجيوب.

والأن دوركم ماذا تضعون في درج السياره؟ عشان استفيد


ربي يسعدكم ويفرج همكم وينولكم مرادكم ويسخرلكم ويوسع رزقكم

اختكم في الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

عطر واستمارة السياره بس العطر دايم يتبخر مع الشمس اذ عندك حل للمشكله هذي علمني

والله يا روح ، صراحة أحط بالدرج فواتير المحلات اللي يكون عليها لفظ الجلالة .. وأنقهر من اللي يجيك يحط دعايات لمحلاتهم وتلقينها معلقة على قزاز السيارة يكون فيها لفظ الجلالة !!!

صراحة درج السيارة أخر مكان أفكر إني أفتحه للأسف ..

__________________


آخر زيارة لك كانت: 05-08-2008 الساعة 05:04 AM < كم أنا مقصر يا أجمل منتدى

بالنسبه الي
طبعا درج سيارتي بحط فيه اوراق السيارة والرخصة والعطر الى احبه وايضا شريط القران الكريم اسمعه الصبح لما اروح الكلية

شكرا كتير على الموضوع وبالتوفيق أن شاء الله

__________________

والله انا اعتقد انه الدرج مال السيارة حق الملكية والاوراق المهمة وحتى اوراق البيمة وعزكم الله حتى اوراق الحوادث لانها وااايد مهمة

درج السيارة اول شي ..

1. قرآن كريم ( حجمه صغير)ما ادري احس اني لا سمح الله اقول ساعات يمكن فجأة احس بضيقه او لا سمح الله بيصير لي موقف واكيد راح احتاج فيه اني اقرأ القرآن ..والله انه هالإحساس دايما يرافقني عمري ما تنقلت بأي وسيله بر جو الا والقرآن او اوراق بها ادعيه واذكار في شنطتي .....سنين وانا على هالحال ..

2. اوراق تخص الوكالة اللي يكون مواعيد تشييك السيارة ..والدفتر الخاص بالسيارة ساعات اضطر استخدمه ان ما فهمت زر من الأزرار تخيلوا ..لأني من النوع ما ادقق بكل زر وشو وظيفته في السيارة من البداية ..

3. معطر للسيارة+ كريم واقي من الشمس .

4.اوراق المخالفات اللي تحرر مباشرة من شرطي المرور اخبيها من الوالد .!

5. واهم شي بعد في سيارتي وما اتحرك بدونها ابدا ابدا وممكن ارجع للبيت عشانها غرشة المااااااااي ..



شكرا لروح الغالي .......على موضوعك وتحياتي لك

الاستماره وعطر

العلك اخليه بالدرج الي جنب يدي
يعني افتحه واخذ واحد بدون ما يلاحظ الي جنبي ايش الي اخذته
خاصه اذا بدينا بالكلام


مقلب من ايام الثانويه
بس المقلب هذا ما اكلته انا

اخونا في الله يحب الثعابين
وكان معه ثعبان في جيبه ( اي وربي حاطه بجيبه)

وعملنا خطه ع واحد مننا (مسكين الولد الي حط فيها)

حط الثعبان في درج السياره

ويوم انا نبي نمشي حلفنا ع الولد انه يركب قدام ( مو اكبر واحد فينا بالعمر بس عشان المقلب)

مشينا شوي والسواق كان يمشي خفيف تحسبا للامر ......

قال للولد افتح الدرج وطلع كاسيت ( الولد في باله يختار كاسيت ع كيفه)

يوم انه فتح الدرج الا والثعبان قدامه ( يوومااااه)
من كثر صياحه حنا خفنا معه وحنا دارين بالثعبان ( اتوقع حتى درج سيارته لما يفتحه راح يكون حذر)

__________________

حاطة بدرج سيارتي الأوراق المتعلقة بالملكية والتأمين وووو..
وأيضا قفازات بيضاء أستخدمها عند القيادة نهارا حتى لا تحترق يدي من لهيب الشمس..
فقط..

اقتباس:

و أستماراة السياره (والرخصة عن قريب )

ببلغ عنك يالسيف الذهبي ان ما معك رخصة وعلى التوقيف مباااااشره



ذكرتوني بالغاليه ام الجمايل ( سيارتي ) بالورشه لها كم يوم

وانا هالحين مستاجر سياره


سيارتي فيه ثلاثه دروج

وفيها

عطرين

نظارة شمسية + طبيه " سبير "

قلم لتسجيل بعض الاشياء على الطاير

اشرطة كاسيت ( قران , دروس منوعه , قصيد )

اورارق من كل الاشكال والانواع ( اوراق السيارة , فواتير , اوراق بنوك , اوراق مراجعات حكومية مختلفه........ )





الاخت الفاضلة روح الغالي

السلام عليكم

مشكوره على الموضوع الخفيف و الانيق

__________________