السلام عليكم ورحمة الله
كانت بيني وبين زوجي مشاكل كثيرة
وكثير شرشحته وسبيته
يمكن المس اللي أعاني منه له دور
وفكرة ان زوجي مايحبني اللي استنتجتها من سماع كلام اللي حولي لها دور مع أن زوجي تقدم لي وهومعجب بي ومازال رغم كل اللي صار بيننا.. لكن للأسف كنت من اللي يتأثرون بكلام النساء..
يوم جلست أفكر في حياتنا شفت مواقف كثيره وكلام كثير من زوجي أن دل يدل على حبه الكبير لي
ياالله كان يقسم لي أنه يموت علي واني ملكه في قلبه وانه لوتفارقنا ماهوعايش بخيروراحه لكن انا كنت أكذبه وأصدق النساء
وهوصدق في كلمه يرددها أني مدلعه إيه نعم دلوعه وابي كل شي وابي أمشي على الراي اللي براسي ومابي له كلمه علي وابي إذا غلطت عليه مايزعل ولايعصب
حتى أنا أخطأت في حقه بأشياء كثيره وهو كان يعصصصب وينفجر ثم يسامح ويقلب صفحة أخطائي ويعاملني بكل حب ومع ذلك مايعجبني أنه أنفجر ووأزعل عليه وأطلب رضاوة ورغم ظروفه الماديه فهو يلبي طلباتي
واليوم أخطأت في حقه وجرحته جرح عميق عشان موضوع تافه مايسوى أني أسوي فيه كذا..توقعت منه الطلاق..لكن سامحني وفوق هذا لبى طلباتي وشروطي وراعى شعوري ودارى خاطري وقلب صفحة الماضي بكل مافيها ومد لي يده
وقررت أعوضه عن كل شي صدر مني
وقررت أعدل من تصرفاتي معه
لكن كيف أعوضه وكيف أبدا الصفحه الجديده..