كيف اعامل زوجي بعد ما ..؟؟ - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
أدوات الموضوع
انواع عرض الموضوع
قديم 25-12-2007, 11:04 AM
  #1
عربيية وبس
عضو دائم
تاريخ التسجيل: Aug 2007
المشاركات: 62
عربيية وبس غير متصل  
icon40 كيف اعامل زوجي بعد ما ..؟؟

السلام عليكم ورحمة الله وبركاته

الصراحة ماني عارفة كيف ادخل في الموضوع

في البداية انا متزوجة ليا سنتين الحمد لله وربنا رزقني خلالها ببنوتة حلوة الله يخليها وانا وزوجي كنا عايشين من احسمن ما يكون الحمد لله لكن بدات المشكلة معايا من بعد ولادة بنتي الله يحفظها

بحكم اني كنت لسه ادرس وما خلصت دراستي وجات البنوته وشاء ربي اني اقعد عند اهلي طول فترة الدراسة وبعد مامر شهر على دا الحال زوجي طفش وزهق من الحال دا واتغير عليا مرررة كتير .. احيانا كنت اعذره واحيانا كنت ازعل منه
لانو ما وافق اننا نستقدم على خدامة ولا وافق انو يودي ويجيب بنتي عند ماما >>كلنا في نفس المدينة
المهم مشينا على دا الحال الين عدت ال8 شهور اللي باقية من دراستي وخلصت الحمد لله
واستقرينا في البيت ...
في البيت زوجي ما عاد هوا االلي اول من جد حسيت انو الفترة اللي قعدناها بعيدين عن بعض اثرت فيه ... اتغير 180 درجة
عذرته .. ةقلت يابنت هادي ضريبة الدراسة حقتك استحمليه وفي نفس الوقت حسسيه بالفرق وانتي معاه بالبيت
مشيت الايام والحال زي الحال .. والله مو مدحا في نفسي لكن كنت اسويله تقريبا كل اللي يبغاه وحتى اساله ايش عاد باقي ما سويته ..
لكم الحال هو الحال ..يمكن تقولوا ايش هو الحال ..انا اقلكم
تخيلوا هو لساته يدرس ..الله يوفقه .. يخرج من 8 الصباح وما يرجع غير 5او 6 بعد العصر... يتغدى ..يقعد عالتافزيون الين المغرب وينام ..ويدقها نووووووووووووووووووم الين 1او 2 الليل ..
انا اكون وقتها خلاص مهلوكة من الضحى صاحية مع بنتي وشغل البيت
طبعا يتخلل اليوم كلام عادي .. كيفك ؟؟كيف الدراسة ؟؟..الخ ما في ابدا اي تعبير عاطفي بيننا ولو بشكل بسيط
احيانا اقول تعبان ماله خلق واحيانا لما يزودها انقهر منه
لكن الادهى والامر انو لما تجي نهاية الاسبوع طبعا يوم لاهلي وهو ما يحضر ويوم لاهله يقعد شويا معاهم وبعدين يخرج مع اصحابه والجمعة يا خروج مع اصحابه يا مذاكرة اذا في اختبار..وانا وبنتي فين رحنا ماادري..
اسبوع ورا اسبوع وانا الحال ماني طايقته ومرة اكلمه بالطيب ومرة بعتاب ومرة بزعل وبرضه ما في فايدة ...
وجات فترة زوجي بدأ يتغير بزيادة خرجاته كترت وسط الاسبوع .. ما عاد يذاكر ويهتم زي اول .. مكالماته كترت ..العادة يتكلم قدامي صار لما يجيه اتصاليقوم يخج بره البيت .. جلسته عالنت كترت مرررررة وشويا شويا صار يقولي ,, اهلك ما وحشوكي خليني اوديكي عندهم <<الكلام داوسط الاسبوع ..من تفاهتي اقول طيب ويودينا ويخلينا باليوم والاتنين ونفس الشي لما نروح عند اهله
الين جا رمضان واحنا عالحال دا يمكن ما قعدنا مع بعض في البيت الا10
في يوم من يوم ماصحي وهو متنرفز وزعلان وخلقه ضيقحتى على بنته .. عدى الاول وجا التاني وهو على الحال دا
رحنا نمنا ببيت اهله وفي اللي جا وقالي يا ... ابغى اقولك على شي يزعل اذا بتزعلي ما اقول اذا ما بتزعل راح اقول .. وانا مسكينة يا عيني احسبه يمزح وقلت له عادي قوا اصلا انا ما ازعل من حبيبي..
وياليته ما قالي تخيلوا ايش...
قالي الصراحة انا اتعرفت على وحدة في منتدى وكونت معاها علاقة من فترة ومن يومين طلبت مني اني اتقدملها واتزوجها ..
تخيلوا ايش صار فيا انا ما عاد قدرت اتكلم ولا كلمة .. دارت الدنيا بيا ورجعت وجلست ابكيابكي كتير وهوا جا يحضني قمت من جنبه ونمت مكان تاني.. هو سابني ورجع نام ..
طبعا شي طبيعي مني انه يلاقي جفا مني لاني كرهته والله كرهته واكيد اي وحدة في مكاني تكرهه
المهم من تاني يوم من بعد ما قالي على عملته السودةبدأ يخاصم ويزعق ليش انتيتعامليني كدا .. ساعتها انا ماخليت في قلبي شي من تقصيره معايا من اول ولا ممن خيانته ليا ..
تخيلوا ايش كان رده ..<<انا غلطان انيقلتلك انا وثقت فيكي وحسبت انك راح تسامحيني وتقدري صراحتي معاكي ..
ولا حتى كلمة اسف ما سمعتها منه
بالله عليكم ما يحق لي انيازعل ولا لأ..
حاليا لاميوا رجعت لمجاريها ورجع الحال زي ما هوا لكن انا ما عاد صرت اصبر عليه في شي صرت اعاتمه .. اتذمرمنه .. ما اطيق اجلس معاه فبي البيت كتير يوم والتاني واقله وديني عند اهلي ..ماادري
احيانا لما اجلس مع نفسي اقول لال يا بنت انتي غلطانه كدا انتي تبعديه عنك بزيادة كدا وارجع اعدل في نفسي واحيانا لكا نجلس مع بض جلسه صراحة زيما يقولوا اطلبه انو يعتذر على خيانته ليا .. يقولي انا ما سويت شي غلط ودا ما يعتبر خيانه وانا ما راح اعتذر .. انا مررررةة انقهر منه وارجع اجافيه بزيادة ..

قولولي ايش الحل معاه ... والله طفشت وزهقت
قديم 25-12-2007, 11:22 AM
  #2
جويرية22
عضو متألق
 الصورة الرمزية جويرية22
تاريخ التسجيل: Apr 2007
المشاركات: 2,616
جويرية22 غير متصل  
طيب لما انتي تمشي و تسبيله البيت حيرجع يكلم صاحبته دي تاني

اعتبري نفسك مسمعتيش حاجة

و اهي حاجة و عدت

و بعدين هو لو واخد الموضوع بجد مكنش قالك

وخلي في توقعاتك انه ممكن يكون مبطلش كلام معاها

و ممكن يكون مش بعدك هو السبب

ممكن يكون هو من قبل الجواز و اخد علي الرغي بتاع النت ده


وسعي بالك يا اختي عشان تعيشي
قديم 25-12-2007, 11:30 AM
  #3
عربيية وبس
عضو دائم
تاريخ التسجيل: Aug 2007
المشاركات: 62
عربيية وبس غير متصل  
والله يا اخت جويريه ما عاد اعرف شي هولسه يكلمها ولا لأ

لكن من ناحية انو من قبل الزواج له سوابق ما اعتقد

لانو من قبل الزواج ما كان يعرف في الكمبيوتر شي ولا النت ولا شي والدليل انو كان يطلب مني اي شي انا اسويه

وانا اللي علمته حبه حبه الين ما عمل عملته السودا

عموما مشكوره وما قصرتي ..
قديم 25-12-2007, 11:54 AM
  #4
لولـو ستايل
عضو نشيط جدا
تاريخ التسجيل: Jul 2007
المشاركات: 702
لولـو ستايل غير متصل  
اصلا ليش قالك انه متعرف على وحده يعني مافهمنا وش الغرض من كذا

وش القصد حبيبتي انا اعرف انه لو براسه شي فعلا مراح يقولك وبيسويه ولانه فعلا عرف غلطته قالك علشان ما تبقين متحيره من تصرفاته وثق فيك وقالك حس انك على نياتك ومالك ذنب واعترفلك المفروض تعدينها وتحتوينه ولاتتركين فرصه لبنات الحرام ياخذون زوجك منك هذا اولا

وثانيا .. ابيك تفكرين بذكاء فالنفرض انه تعرف على وحده بالانترنت وتبغاه يتزوجها وسوت علاقه معه و و و و الخ تفتكرين انه ينظرلها بنظره احترام فنهايه ياشاطره راح يستحقرها وحده تسوي علاقات ومكالمات من ورى اهلها لا وكمان تتطلب منه زواج وارتباط تبينه يحطك انتي وهي بمكانه وحده بنهايه راح ينظرها نظره استحقار
لكن اتوقع هي فتره فراغه يوم كنتي غايبه عنه استغلها بالانترنت وهى املت فتره فرااغه وانجذب لها لكن بنهايه هي الخسرانه وانتي الرابحه ومستحيل اي رجل في وقتنا هذا يفضل وحده تعرف عليها بشكل هذا وعن طريق النت على زوجته وعياله ومرده لك فنصيحه لاتعطينها فرصه ولا لغيرها تضيع زوجك منك
وبعدين في شي ملاحظته الناحيه الدينيه وينها من زوجك حاولي تعمقينه من الناحيه الدينيه اكثر كيف ينام من بعد المغرب الين 2 طيب فتره الصلووات مايصلي هل تفوته بعض الصلوات ؟؟
صدقيني لو جبتيه من ناحيه الدين راح يستحي على دمه وكمان بخصوص انه اعترف لك انا اشوف تنسين الموضوع تماااااااااااااااااما وتبدين معه صفحه جديده كفايه انه اعترف لك وترجعين طبيعيه اما ناحيه انك منتي مقصره معاه فااحب اقولك الزوج يبي الناحيه العاطفيه والرومنسيه تعطينه تحبينه من القلب تحسسينه انك مشتاقه له مو تسوين شي بدون نفس ترا لو ترك هذة البنت وانتي استمريتي بنفس الطريقه راح يشوف غيرها وغيرها ويامكثرهن بنات الحرام
الله يفرج همك يارب

التعديل الأخير تم بواسطة لولـو ستايل ; 25-12-2007 الساعة 11:59 AM
قديم 25-12-2007, 11:56 AM
  #5
عناديه
عضو نشيط جدا
تاريخ التسجيل: May 2007
المشاركات: 309
عناديه غير متصل  
قومي في الثلث الاخير من الليل وادعي ربك ان يجعل حياتكم سعيده بدون منغصات ويبعد عنكم الشيطان
قديم 25-12-2007, 12:02 PM
  #6
mashamesho
عضو مميز
 الصورة الرمزية mashamesho
تاريخ التسجيل: Dec 2006
المشاركات: 1,121
mashamesho غير متصل  
بصي يا عيوني اةلا انتي ليكي حق تتقهري بس انا لاحظت كتير ان فتره الحمل والولاده خاصه في اول الزواج بتبعد الازواج عن الزوجات شويه لانهم بيلاقو الحال غير الي هم متوقعينو خاصه انتي كان زايد عليكي الدراسه كمان وانتي كنتي بعيده عنه
والراجل لا يستحمل غيبه زوجته عنه مده طويله واذا لقي واحده تانيه تسد الفراغ دا يبقي حظك وحش زي ما حصل معاكي
خدي جوزك في حضنك ومتسمحيش لواده تانيه تاخده منك ولا من بيته اتكلمي معاه وقوليله انك سامحتيه بس علي شرط خدي منه وعد انه هيقطع علاقتعا بيها نهائيا ويعود لبيته وزوجته وبنته من جديد ولا تتركي البيت ابدا حتي لو هو طلب منك لا تعطي الشيطان فرصه لان الثانيه لن تتركه بسهوله جاهدي حتي تكسبي الحرب ولا تنسي الدعاء
واسأل الله العظيم رب العرش الكريم ان يهديه لكي ويرده ردا جميلا ويجعلك في عينه احسن النساء
وطمنينا علي اخبارك وعملتي ايه معاه وان شاء الله خير
قديم 25-12-2007, 12:35 PM
  #7
abuaziz
عضو مثالي
تاريخ التسجيل: Sep 2007
المشاركات: 641
abuaziz غير متصل  
بسم الله
اختي الكريمة
تحليلي الشخصي كرجل أن زوجك لو كان يبي يكمل معاها ما كان قال لك
تعرفين ليش قال لك؟ لسببين:
الاول: هو حس بخطأه وأنه تمادى كثير وأراد أن يتوب وصارحك ليبدأ مع نفسه على الاقل على بياض
الثاني: أراد أن يحفزك لتجتهدي أكثر لتعوضيه عن الفراغ النفسي واللذة التي كان يحصلها من معاكسته
طيب هذا توقعه ولكن ماذا حصل
أنت لم تسامحيه واستمر الوضع القديم الذي كان يتمنى نسيانه ماثلا أمامه في كل لحظة يراك فيها
ثم أنه بدلا من أن يعوض عن اللذة المحرمة المفقودة وجد نفسه في وضع أسوأ مما كان
وفي هذه الحالة فالخطر من أن يكون الوضع الحالي مبررا مناسبا لزوجك ليعود الى ما كان عليه
وكل ذلك بيدك
اختي الكريمة
الحل بيدك أنت وحدك بعد الله طبعا فزوجك الان مثل المريض الذي يحاول ان يتشافى من مرضه فهل ستوفرين له البيئة الصحية المناسبة وتبينين له أ ن الحلال أجمل الف مرة من الحرام
أم انك ستملئين جو البيت بميكروبات الشك والغيرة الزعل والنفس الشينة فتجعلينه يتحسر ألف مرة على ايام الغزل والدلع والدلال قي الحرام
شدي الهمة وضعي مصلحتك أنت وابنتك أولا أمام عينيك وحافظي على بيتك وزوجك واغنيه بالحلال عن الحرام وتأكدي أن الرجل اذا أشبع عاطفيا وجنسيا فلن ينظر الى غيرك ولا تنتظري منه المبادرة فاذا لم تستظيعي أنت أيتها الانثى أن تشيعي جو الحب والرومانسية في البيت فلا تحلمي أن يقوم الرجل بذلك ولا بعد قرن
ولتستطيعي أن توطني نفسك على ذلك تعاملي مع زوجك على أنه مريض ويحتاج مساعدة وليس خائن يستحق العقاب
وفقك الله وأعانك
__________________
ما حرّك داواك
قديم 25-12-2007, 01:37 PM
  #8
أميرات
كبار شخصيات المنتدى
تاريخ التسجيل: Jul 2007
المشاركات: 5,090
أميرات غير متصل  
اختي سامحي زوجك وافتحي معه صفحه جديده ..

اهم شي تكون لغة الحوار والمصارحه موجوده بينكم لتذوب كل خلافاتكم .

وربي يسعدك ..
قديم 25-12-2007, 02:10 PM
  #9
لذة عشق
عضو نشيط جدا
 الصورة الرمزية لذة عشق
تاريخ التسجيل: May 2007
المشاركات: 479
لذة عشق غير متصل  
كان الله في عونك

من وجهة نظري يمكن خبرك عشان يحطك امام الصوره يعني راح يتزوج
اجلسي معاه وصارحيه عن سبب انه خبرك وش الهدف

طبعا هذي وجهة نظر اما النوايا الله اعلم بها

الله يصلح حالك ويسخر لك زوجك ويهديه
قديم 25-12-2007, 02:18 PM
  #10
أم اليمان
عضو نشيط جدا
تاريخ التسجيل: Oct 2005
المشاركات: 509
أم اليمان غير متصل  
وعليكم السلام ورحمة الله وبركاته

أختي الحبيبة ..

إخبار زوجك بقصته مع تلك الفتاة لك يثبت حسن نيته

وأنه يريد أن يصلح اللي فات ..

عليكما أن تفتحا صفحة جديدة

إجلسا مع بعضكما جلسة مصارحة وصلح

من دون صراخ ولا عتاب عنيف ..

تناقشا بالماضي لكي تستفيدون من أخطاءكم

اسمعي منه .. ماذا ينقصه؟

ولليستمع لك .. ماذا ينقصك؟

أفعلا ما تريناه مناسب لحياتكم ولسعادتكم

وعليكما أيضا بالدعاء وقيام الليل سويا
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:31 PM.


images