مافيه اي تواصل مافيه الا خالتة وخالته ايام الزواج نكلمها وتقول لنا قلت له ورافض او وافق وبالأخير بطلع هو ماعنده علم هي اللي ترفض وتوافق من كيفها عشان كذا مستبعدة نكلمها
خلاص انا شلت موضوع المحكمة من راسي بنكلمة ودي لكن متى الوقت المناسب ؟ بعد الصك ولا الآن بصراحة حاليا الولد عنده حليب ل ثلاث ايام بالكثير والصرافة فاضية اخذ من اهلي وامشي الشهر هذا او نتصل فيه ؟ |
انا ماتوقعت شي ولا ابني احلام على هالنفقة او الكم ريال انا بس ابي يتحمل مصروف ولده لا اكثر ولا اقل سؤالي كان بسيط وحق من حقوق الولد اخذتوه على انه انتقام او اني قاعدة ابني امال علية
|
وش دخل الصك بالموضوع يا مشاعر
ما اعرف عن عاداتكم بس وش فيها ذا انتي ارسلتي له رسالة و خبرتيه ان مصروفه لا يكفي احتياجات ولده و انتي ما فيك تطلبي من امك الارملة و لا انتي موظفة حتى يشيل يده على مصروف ابنه . ارسلي رسالة رسمية و اذا سالك جاوبي جواب مختصر هذا ابنك و انتي اعلم باحتياجاته و هو الشئ اللي يجمعك بابوه لاخر يوم بعمرك |
نهائيا مافكرت انا أتواصل معاه لان بيطلع عني كلام في حال ارسلت له او كلمته شخصيا وانا شاريه راحتي من الكلام الفارغ
اقول لك وش دخل الصك في حال اني كلمته قبل الصك اخاف يتفسر انه رغبة مني بالرجوع او اي تكهنات انا في غناء عنها لان باقي كم يوم وتنتهي العدة ف انتظرها تنتهي ويخلص الصك ترى هالكلام مني انا لا عادات ولا شي لكن هذا تفكيري ماادري صح او غلط |
انتي اعلم به و بشخصيته .اذا شايفة انه ممكن يطلع عليك كلام خلاص لا ترسلي و خلي امك تكلمه .
اكرر كلامي انتي ما رح تكلميه عن غرض من اغراضك او شئ يخصك انتي و بس رح تكلميه عن ابنه و الكلام رح يكون رسمي و يتمحور حول ابنه حتى لو فسر كلامك رغبة بالرجوع ما فيها شئ و انتي بعدك بالعدة يعني زوجته الى ان تنتهي العدة و يصير غريب عليك . |
ماعندك خلفية عن الطلاق وسببه عشان تقولين تسعين للمحاكم والشكاوي والطلايب هالكلام فقط لاني ابيه يصرف على ولده؟ سؤال بسيط ليش دائما المرأه هي المذنبه ؟ عموما سؤالي كان واضح عن حق الولد ونفقته لا اكثر .. هل من العدل ان هو ينجب ويرمي طفله وامي الأرملة كبيرة السن او اخواني اللي كل واحد منهم عندة اطفال وزوجة والتزامات يصروفون على ولده ؟
|
يا أختي من الواجب على والدة يصرف علية هذا امر لا نختلف
علية ,وانا قدمة الصلح على النفقة لأنه لو صلح الحال صلح كل شي حقيقة لا اعلم ولا اريد ان اعلم عن سبب الطلاق لأنه سبب خاص بك وكان هدفي السعي لصلح اكثر من رفع القضايا بالمحاكم وجعل الجروح تنزف بغزارة لازلت مصر اذا انها مشاكل عادية مستثنى منها المخدرات وترك الصلاة والعلاقات النسائية والضرب فانا انصحك بالمبدرة من طرف اخيك مع وضع شروط ملائمة لك وله وعسى الله يصلح حالكم, ارجو ان الصورة اتضحت |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|