السلام عليكم ورحمة الله وبركاته
بدخل في الموضوع على طول اخواني الرجال عطوني رأيكم وانصحوني ( اتمنى ماتعلقون على الحرام والحلال وكيف تكلمين غريب اعرف خطأي واتمنى من الله الغفران بسبب نيتي الحسنه)
تعرفت على رجل محترم وخلوق وعاقل وله مكانه اجتماعيه لا يستهان فيها من ثاني مكالمه بيننا قال لي بكل صراحه انا بتقدم لك وانتي بنت خلوقه واثنى علي لكن عطيني فرصه شهرين بس لين الاجازه لأن والده واخوه مبتعثين في البدايه اعترضت بعدها عطيته فرصه وكل يوم يزيد حبي له بعدها بفترة رجعوا ابوه واخوه للمنطقه اللي انا واهله ساكنين فيها كان وقت اجازتهم هو موظف بمنطقه ثانيه المهم جاء يشوف اهله وانتظرته يقول بتقدم لك وما تكلم ورجع من حيث ما اتى وسافر والده واخوه للخارج انا الان معه في علاقه حدود 9 اشهر بالضبط ولم يتكلم عني سألته عن مخططاته للاجازه وانصدمت اني كنت خارجها تماماً وماجاء في باله يخطبني ابداً
الله يعافيكم انا ابي افتح معه الموضوع وبنفس الوقت مستحيه منه ولا ادري كيف تكون وجهة نظره وكيف اقوله ماصارت 9 شهور وانت كنت تقول لي بس شهرين! ما اعرف ليش الانتظار وهو شخص مقتدر مادياً وعنده بيت ملك واهله متفتحين جدا ويبونه يتزوج اليوم قبل بكره انا مليت من الانتظار عطوني طريقه افاتحه بالموضوع ومستغربه منه بديت اشك فيه مع ان ماسوا شي لكن بسبب تأخيره

تم تعديل العنوان ليتناسب مع المضمون

مرحباً أختي

تقولين في بداية كلامك لا أحد يتكلم بالحلال والحرام ( لأنك ما ودك تحسين بجلد الذات )

ثم تقولين لأنك تعرفين خطاك ( هذا هو لب المشكلة والحل )

توقفي عن إستمرارك في الخطأ وأتركيه ولا عاد تتواصلي معاه .. فإن كان جاد فسوف يأتي بأسرع وقت ليخطبك .. وإن كان متلاعب فهناك إحدى إحتمالين :
1- يستمر بالكلام معك وتعشيمك بالإنتظار وسيضع لكِ أسباب جديدة
2- سيجدها فرصة أنك توقفتي عن التواصل معه وينسحب


أعانك الله

لستِ محتاجة لأن تفتحي الموضوع معه يا عزيزتي .. فالأمر واضح.

هو يعرف جيداً ما قاله سابقاً .. وسكوته الآن ليس سهواً .. وبالتأكيد هو لم يصَب بفقدان الذاكرة.

والرجل المحترم سيقدم عذراً ما ـ إن كان هناك عذر ـ دون أن تحتاجي لتذكيره أو لفت انتباهه.


وحتى إن قدم عذراً .. فكوني فطنة وتمعني .. فليس كل عذر هو عذر حقيقي.




نقطة أخيرة .. لا يوجد رجل عاقل يعلن رغبته في الزواج من فتاة من ثاني مكالمة.

__________________


اللهم طِيبَ الأثر .. وحُسْنَ الرحيل.

ما أظنه جاد بموضوع الزواج

__________________

اخوي شي طبيعي اكون حاسه بالغلط لكن تأنيبي لنفسي يكفيني شكرا لك

اوكي ماراح اتكلم عن الحلال والحرام

وانما راح اتكلم عن الذكاء والغباااااء ( السذااااجة)

بحكم اني رجل

اقول لكي وبالفم المليان

مايحصل الان منك لايمت للذكاء بصلة وانما يمت للجانب الآخر

واستفيدي من اراء وحكمة وخبرة من سبقوكي بالعمر والتجربة بمرااااحل (ردود اخواني واخواتي الاعضاء هنا)

كلمة اخيرة :

افيقي اخيتي من سباتك وغفلتك واخرجي من هذه العلاقة بأقل الأضرار

وبلاش سذااااااااجة

__________________

ليس الغريب ان يعدك بالخطبة ولم يفي بوعده ( هذا شي متوقع )

الغريب ان يعدك بالزواج وفعلا يتقدم لخطبتك ( هذا شي غير متوقع )

الرجل لا يرتبط بمن تتحدث معه على الهاتف خصوصا بالسعودية لأنه يكون عنده يقين انها كلمت احد قبله او بتكلم احد وهي على ذمته فهو ( لايثق بها ) وان وثق بها مؤقتا الوقت كفيل بإشعال نار وفتيل الشك

نصيحة لوجه الله قولي له تبي تخطب اهلا وسهلا ماتبي تخطب انت بطريق وانا بطريق ( ومن الان بيحاول يماطلك كم شهر ويجيب اعذار )

أنتي الآن في خيار إما علو ذاتك وكرامتها أو إهانتها
الإهانة إنك متعلقه فيه بغير وجه حق.

لو تمت خطبتك من شخص ثاني أحسن منه بكل شيء وتراه بيصير فجأة يمكن بكرا الليل!
وش بتسوين بترفضينه عشان اللي معلقك؟ والا بتوافقين وأنتي تحملين مشاعر للآخر؟

لازم تبتعدين لأنك ممكن تنخطبين فأي لحظة لرجل فيه الصفات المطلوبة وتتوهقين صدق.

الولد إذا كلم بنت ويبغاها تستمر معاه لازم يقول لها بخطبك وإلا بتحس بإستهتاره وتلاعبه، يمنيها بالأيام بعدين ينقطع ويرجع بعدين يقول لها ظروفي ما تسمح وكذا وبعدين ينفصلون وانفصال يكون جذري بس هي تحاول ترجع وهو خلاص يبين لها إنه متجاهلها، لأنه يبغى الفكه.

وخذيها مني الولد ما يرتاح إلا إذا أهله هم اللي عرضوا عليه البنت.

ونادر قليل يحصل العكس.

عزيزتي طلبتي النصح من الرجال ولكن لان لدي اخواني الشباب الله يحفظهم ف عندي لكِ نصيحة لوجه الله
الجدية الرجل هذا معك في شرق وكلامة في غرب
صدقيني غيررر جاااد
لاتتنظري ان تجرح كلامتك
الان ربما نصحنا لا يجدي معك نفعآ. وتعتبريه نوع من القسوة
لانك مستمتعة بالحب والعلاقة والانتظار والعياذ بالله
نصيحة تحرري من مشاعرك هذة سريعا واشتري قلبك منه قبل ان تصبحي سجينة حب وعلاقة مرضية
ولو فرضنا جاااد !! لووو
اقطعي علاقتك وهو يدل بيتكم ويعرف الاصول
اما مكالمات وخرابيط وترهقي تفكيرك انتي الخسرانه
هداكِ الله وارك الحق حقا
دعواتي لكِ ان يكتب لك الخير ويرضيكِ به🌸

__________________
لطف الله يغمرني🌸

سيناريو يتكرر كثيراً في أماكن مختلفة، يعد البنت ويأملها بالزواج وهي تبني طوابق من الاحلام الوردية لمستقبلها معه، وهو في قرارة نفس لن ولن يتزوجها!! وللأسف شباب ماعندهم لاذمة ولاضمير في وعودهم وجعل البنات تعيش على آمال كبيرة وهو في قرارة نفسه لن ولن يتزوجها.
أتمنى هذا السيناريو لاينطبق على حالتك، رغم أنه حسب وصفك أن النتيجة ككثير من الحالات لن يتم الزواج.

فقط أطرحي عليه فكرة أنه إما أن يتقدم أو يتم الانسحاب من قبلك.

__________________
ياصبحِ لاتِقبل !!
عط الليل من وقتك..