السلام عليكم
انا بنت مملكة على رجل طيب وفيه صفات حلوة كثير تملكت عليه عن حب من الطفولة وهو ولد الجيران
صارت بينا مشكلة كبيرة كانت تودي الى الطلاق وسبب المشكلة من عنده مو من عندي وهو رجعني وقال انه يبيني ومن هالكلام غلط علي بعد المشكلة وانا قلت كل ال عندي النون ومايعلمون وغلطت اكثر لان الموقف اللي مرينا فيه كبير وكان كلامي قوي بشهادته وهو تاثر بالكلام واضح.. صرت ابي اضغط عليه واطلب منه طلبات تعجيزية عشان اشوف يبيني او لا كان يرفض طبعا الطلب اللي اطلبه وعادي مايطلق ويقولي لاتعديها

المشكله ان بعد هالمشكلة متغير 180 درجه ماصار يكلمني الا كل 10 ايام وبعض الاحيان توصل شهر !!!!! وقبل المشكلة ماكان ينام الا على صوتي
رسايل تكاد تكون معدومة بعد ماكان يصبح ويمسي علي ويطمئن عن حالي كل ثانية وهذا غير الغرامات والزيارات والهدايا اللي كل اسبوع

انا حاليا ودي اتطلق منه بالرغم ان امي تبيبني استمر معاه بس بحكم المجتمع اللي حنا فيه ومين بياخذك بعدين ومن هالكلام ماتدري انه يتجاهلني كل هالوقت بعد المشكلة اللي صار لها شهرين
و للاسف كل مابي ارسله رسالة الطلاق عشان كرامتي اتراجع وماعندي الشجاعه
اخواني يقولون تطلقي
وانا محتارة لان احنا بملكة ووصلنا لهمرحلة من الجفا اجل ايش بيصير بعد الزواج
رسلت له اطمئن عليه واتصلت ع امل يتغير يرد علي ع قد السوال وبس مايرجع يتواصل ابد
واحس انه يبيني انا اللي اطلب الطلاق لانه دايم يقول مابي اجرحك
وهو مايدري انه بهالتصرف يجرحني اككككككثثثثثر
قلتله يافلان لاتعاملني كذا انا هالتصرف يضايقني يتعذر باعذار سخيفه ونفسي اسكر بوجهه يوم يقولها لي لان كل اللي يقوله مسلمات دوام وشغل وخرابيط وهو اتوقع صار يعاقبني بذا الاهمال والتجاهل وانا صرت اتجاهله بعد
والله اني مكتئبة منه وماودي احد يجيب لي طاريه كرهني عيشتي
لانه مخليني بين وبين هو فالواقع زوجي ولاكن تصرفاته تقول بانه انسان غريب عني

انا احب اوجه رسالة للشباب اتقو الله في البنات الامانات اللي تترك بيتهم ودلعها وراحتها عشان خاطرك وتحبك بكل قلبها وتصبر عليك وتلقى كل هالجفا مشكلتنا البنات العاطفة هي اللي تذبحنا ودي لو اني انتزعها من قلبي وارميها
والطامة الكبرى زواجنا بعد شهر!!!
وش رايكم وش العمل المناسب ودي اسمع وجهة نظر الشباب بعد

هنا المشكلة

وأنا أوجه رسالة للبنات اتقي الله في ولد الناس

يتحملك ويتحمل رسايلك وكلامك وطلباتك التعجيزية عشان تختبريه وتبيه يرجع بكل بساطة


الرجال في الاخير انت ادرى فيه

تكلمي معه بكل وضوح وشوفي يمكن مانسى كل كلمة قلتيها وبسببها قد يكون نفر منك وربما يقول هذي نكدية

فرصتك عبري له عن حبك له اذا فعلا تحبيه وانك تبيه مو تعامليه بالمثل اللي يبي يسعى من قلب

اسمحيلي انا اشوفك غلطانة

__________________
يا رب خاتمة حســنة ، وزلفى ، وحسن مآب ..

مع ديم قال ايش تركت راحتي وبيتي ودلعي عشانك الا انتي اخدتيه عشان راحتك وطلباتك التعجيزيه وكلام مافيه احترام له وشلون تبي له نفس يكلمك ..

__________________
مضى مامضى والله على المقبلات يعين ..! وعسى الله يزينها على القلب لاشانت~

والمسكين دفع الي وراه ودونه ومديون عشر سنين قدام عشان تسمعينة النون وما يعلمون !!!!

سمعتيه النون ومايعلمون
وطلبتي طلبات تعجيزيه

هذا ما صنعتيه بنفسك وتحملي

انا ما ادافع عن أي شاب لكن المساكين كلهم يمرون بضغوط ماديه قبل الزواج بشكل رهيييب ومشغول فكرهم

والبنات فاضين يبون غزل ودلع ومكالمات وانا احبك وأموت فيك وخيالات مسلسلات تركيه

اتقو الله في الشباب إذا انكم مو قد مسؤولية الزواج هذه حياة وليست مسلسل تركي

لكن فيها حب وموده وعشق بس مستعجلين على كل شيء

الله يكتب لك الصالح ويوفقكم

صدمتيه تغلطين. و طلبات تعجيزية؟
اخوانك يدرون باللي قلتيه
على العموم ما نقدر نحكم لانك ما قلتي المشكلة اللي تعتبرينه اخطا فيها

طيب ليش يعلقني مادري هو يبيني او لاء
(امساك بمعروف او تسريح باحسان) اذا نفر او يشوفني نكدية من وجهة نظرك هل السبب ان زواج والسلام
بالرغم لو اني كتبت المشكلة راح تشوف الحق معي

لان المشكلة تتطلب ذلك ماكانت بسيطة اخي ...بكل بساطة

حسب ما ذكرتي انه ما يبي يجرحك ..

تفاهمي معه وهذا الافضل شوفي شو في خاطره ليش تغير
والافضل تلتقي فيه ببيتكم اذا يسمح الوضع

لان بعده بهالطريقة فيه شي

او يمكن ما يبي يطلق مايبي يتفشل ويظهر بصورة مش طبية قدام اهلك

كل شي وراك
قولي له ابيك تصارحني والافضل قبل مانصير في بيت واحد وتجي المشاكل اكبر
بيني له انك منزعجة من جفاءه

__________________
يا رب خاتمة حســنة ، وزلفى ، وحسن مآب ..

اذا ماكان في الفترة هاذي متى بيكون بعد درزن عيال!
اكيد كاانثى افكر بعاطفتي اكثر
معروف ان الانثى وفية لا عشقت تحب من قلب ورب وانها اكثر تضحية من الرجل وبرغم من غلطه معي سامحته ولا كأن شيء لم يكن لاكن هو ما سامح.