الله يدلك للخير
من معرفك يبدو انك راضية
لكن سؤال اتمنى ان تتفظلي بالاجابة عليه
ما الذي يجعلك راضية بوضعك هل تحبينه ويصعب عليك فراقه؟ ام ظروفك هي من تجبرك ؟

السنة الماضية كلمته وانا زعلانة قلت له بنحدد مهلة سنة نعيد الفحوصات ونحاول نتوصل لنتيجة مقنعة
واخذني معه العيادة وحجز موعد لنفسه
بس ماعرف بيستمر ولا بيوقف
مرات ازعل منه بسبب هالموضوع بس ما أحاول افتحه مراعاة لشعورنا احنا الاثنين
المستوى المادي لابأس يقدر يتعالج ولله الحمد

جميعا يالغلا
كان الاستقرار النفسي والأسري
أما الآن الاستقرار الأسري فقط
انا ما أحب التشتت والبهدلة ككل الناس طبعا
بس في داخلي خوف كبير أخاف تتغير حياتي للأسوأ

. الله يكتب لكم كل خير ويوفقك في مسعاك ويرزقك السعاده

حسيت من كلماتك انك وصلتي شيئا ما للتبلد وكانك بديتي تفكرين او ترضين بزواجه الثاني

زوجك اعتقد انه دايم يقنعك او انك مالك خلق للجدال و وافق هواه الموضوع، مو مقتنع بالحقن المجهري ولا جرب بس مقتنع بالزواج الثاني وقال فرصه وطلع لي سبب اتعلث فيه وواضح انه الفكره براسه واذا تزوج بعدين محد بيلومه وبيقلون بالعكس يجرب يمكن يرزقه الله الذريه وانت بتصيرين كانك مزهريه

عندك خلفيه عن مواصفات الزوجه الثانيه هل هو يبحث عن مواصفات معينه ؟ وماهي مواصفات الي خطبهن ؟ وكيف تعرف عليهم

كيف علاقتك مع اهله ؟

هل سبق طلعتي من بيتك او طلبتي الطلاق ؟او ما قد حصل

هل فكرت بوضعك بعد الطلاق وين بتكونين او هل انتي موظفه تقدرين تشيلين روحك ؟

فيه احتمالات كثيره ممكن تصير

لكن مادام للان هو ما تزوج انت تقدرين تسوين اشياء كثيره وممكن تقدرين تغيرين رايه


عندي حل في رايي بس حابه اقرا اجوبتك اول

[QUOTE=ميم نون;3505754]. الله يكتب لكم كل خير ويوفقك في مسعاك ويرزقك السعاده
جميعا آمين

حسيت من كلماتك انك وصلتي شيئا ما للتبلد وكانك بديتي تفكرين او ترضين بزواجه الثاني

زوجك اعتقد انه دايم يقنعك او انك مالك خلق للجدال و وافق هواه الموضوع، مو مقتنع بالحقن المجهري ولا جرب بس مقتنع بالزواج الثاني وقال فرصه وطلع لي سبب اتعلث فيه وواضح انه الفكره براسه واذا تزوج بعدين محد بيلومه وبيقلون بالعكس يجرب يمكن يرزقه الله الذريه وانت بتصيرين كانك مزهريه

عندك خلفيه عن مواصفات الزوجه الثانيه هل هو يبحث عن مواصفات معينه ؟
هههه وقعت مرة ع تلفونه وقريت رسالة مرسلها لخطابة
انه يريد اخلاق ودين وجمال
وماهي مواصفات الي خطبهن ؟ وكيف تعرف عليهم
اتوقع عن طريق خطابة
كيف علاقتك مع اهله ؟
ممتازة كأنهم اهلي

هل سبق طلعتي من بيتك او طلبتي الطلاق ؟او ما قد حصل

لا ولا مرة
هل فكرت بوضعك بعد الطلاق وين بتكونين او هل انتي موظفه تقدرين تشيلين روحك ؟

بكون في بيت أهلي وانا موظفة ولله الحمد

زوجك يبدو انه ينوي تطبيق كل الحلول بنظره في وقت واحد العلاج والزواج وهذا كله لاثبات رجولته وقدرته ع الانجاب ...اكثري من الحوقلة والاحتساب حبيبتي وربك يفرجها

بما انه يقول انه ما يستغني عنك

وحلفه لك انه ماراح يتزوج حاليا يعني يحبك ويحاول يداريك وما يبغى تروحين منه كان يقدر يحطك بالامر الواقع


زوجك يحتاج لصدمه تصحيه من احلام اليقظه الي هو يعيشها وايضا يخليه يفوق لنفسه ويتحمس فعلا للعلاج والوقت الحين مناسب لانه للان مالقى زوجه ولا خطب فعليا


رتبي وضعك في يوم خليك ضايق صدرك بس لا تقولين له ولاشي لكن خليه يحس انك متضايقه وحزينه من بكرا قولي له انك بتروحين لاهلك وتقعدين عندهم اسبوع يفضل قبل يوديك او ينزلك عندهم تبكين و يشوف انك حزينه بس لا تعطينه اي اجابه قولي بعدين اعلمك واذا نزلتي لاهلك روحي للحمام بسرعه ورتبي نفسك ونعنشي لا يشوفونك زعلانه لا تبلغينهم في اي شي بس قولي لهم مشتاقه لكم وحابه اجلس كم يوم عندكم


وقبل تنزلين من السياره سلمي زوجك رساله خطيه رساله بيدك توحي له انك خلاص ناويه الطلاق بس خلي فيها خط رجعه تبينه بس يحس انه فعلا بيفقدك ويخاف . لا تذكرين في الرساله كلمه طلاق او انفصال بشكل صريح ، لكن تعبرين فيها عن كل مشاعرك خصوصا انك كاتمه تراا فعلا بترتاحين وكيف يقابل تضحيتك وحبك له بنكران العشره ما حاول يتعالج لك وله مع ان الطب متطور كثير من هالناحيه بس ناوي يتزوج و يكسر قلبك الي كان دايم يراعيه. الرجال ما يفكرون كيف تحس زوجته اذا تزوج عليها يحسون الموضوع عادي بس تزعل شوي وترضى وحتى يحس باحساسك اكتبي بصياغتك كيف بيكون قلبه ومشاعره اذا تركتيه وصرتي حلال وزوجه رجل ثاني <<بيفور بس بيعرف فعلا احساسك وضحي انه احساسك اذا تزوج عليك بيكون نفس إحساسه اذا انتي صرتي حلال واحد ثاني

ووضحي له انك
تحبينه وودك يجيك اطفال منه وتصيرون اسره سعيده لكن هو الي يرغب ينهي حياتكم سوا بعدم جديته بالعلاج ويدور على الزواج الثاني

اذا نزلتي لاهلك قفلي جوالك ولاتفتحينه 3 ايام وحاولي ما تتواصلين معه تماما

اذا فتحتي جوالك ممكن تصير عده سيناريوات لكن الاغلب حس انه بيفقدك وبيحاول رجعك وقولي له انك عارفه عن مل خطوباته ولا تخلينه يقلب الطاوله عليك خليك مركزه بالموضوع بيحث ما يتشعب لاشياء ثانيه انه يوعدك ما يتزوج عليك ويتحمس للعلاجات

ممكن يزعل او يقول احسن جت منك << يمكن ما ادري بس حطي ببالك

يمكن اذا هو يحبك جدا جدا يطلقك عشان تجيبين عيال

لكن بما ان علاقتك مع اهله ممتازه تقدرين تتواصلين معه امه او ابوه تخبرينهم في كل تفاصيل المشكله و يحاولون يصلحون بينكم كتدخل منهم بدون ذكر انك تبينهم يتدخلون


فكري وضعي كل الاحتمالات واذا تقبلتي الاحتمالات الممكنه اقدمي على هالخطوه


.
.

مع فكرة ميم نون،،احس مشكلة زوجك انه حاطك بجيبه ويدري انك سمحه وردود فعلك هاديه عشان كذا بيتزوج وبكل انانيه وانتي محرومه من الضنا،،بس الهزه العنيفه بتصحيه وتكون له صفعه ترجعه لارض الواقع

مبروك علينا شهر رمضان الكريم
اللهم اعنا ع صيامه وقيامه

شكرا لكل من شاركني وأخذت من وقته وفكره

بالنسبة لزوجي ماينفع معه الصدمات وبيقلب الطاولة علي
وان شاء الله بشوف الي بيطلع منه بعد الشهر الكريم

ارجو إغلاق الموضوع