السلام عليكم ورحمة الله وبركاته
لو سمحتم عايزة اعرف كده انا هعمل ذنب وحرام عليا ولا لا واية الادلة الشرعية سواء حرام ام حلال
والدي عنده منزل ملك وقال هيسيبه ليا ولاخواتي ورث وده كل اللي ليا ولاخواتي البنات واخويا لا الا اذا سعر البيت كان اعلي وكان لسة ليه باقي لانه خد فلوسه المهم احتجنا نبيع البيت واشترينا شقة لماما وبابا واهلي اتفقوا معايا انا واخواتي البنات انهم هيبيعوه ويشترو شقة يكتبوها باسمنا والباقي يتوزع علينا بالعدل احنا البنات ووافقنا علي الاساس ده بعد ما بعنا البيت اهلي اعطوا اخويا مبلغ كبير منه برغم انه خد حقه وقلنا عادي بس مياخدش اكتر لكن لسة كل شهر بياخد منهم مبلغ وكله من فلوس البيت واختي الصغيرة اعطوها مبلغ كبير جدا اضعاف اللي انا خدته قبل بيع البيت لاني كنت خدت مبلغ صغير لزواجي قبل البيت وقلنا هنخصمه من حقي اختي الاصغر خدت اضعافه بكتييييير بعدها اهلي مش اعطونا اي حاجة انا واختي الكبيرة ولما بنسال ليه يقولو بعدين اما ربنا يسهل انتو هتسامحونا فهل حرام لو قولتلهم انهم كده بيظلموا بيننا وبيفضلو اخواتي عننا لاني سمعت ان ده حرام واعتقد انهم عارفين انه حرام ولا انا واختي الكبيرة مالناش حق في اي حاجة برغم ان ده كل اللي باقي لينا وكان بابا سايبه لينا يتقسم علينا بالعدل وكان اتفاق انا مش عارفة لو كلمتهم هبقي عاقة ليهم وخايفة ياخدوا ذنب وبرده عايزه حقي ومتضايفة انهم دايما يفضلو اخواتي عننا
جزاكم الله كل خير

وعليكم السلام ورحمة الله وبركاته
تمنيت بداية لو كتبت السؤال بلغة أكثر فصاحة لتكون واضحة للجميع

وبالنسبة لسؤالك:

_ ما فعله والدك منذ البداية غير صواب إذ إن الله تعالى أرأف وأعلم حين قسم المواريث وأعطى كل ذي حق حقه ولو انتظر حتى توفاه الله بعد عمر طويل في طاعته وقُسم الإرث بينكم قسمة شرعية

_ ما فعله والدك يعد هبة من ماله وله أن يهب من يشاء بشرط العدل وإعطاء كل نفقته.

_ إذا كانت هذه العطايا لأخيك وأختك حسب ما يحتاجونه من نفقة واجبة عليه فلا بأس وفعله صحيح مقابل ألا يحرم المستغنيين ممن تلزمه نفقته

_ إذا لم يكن كذلك فهذا ظلم لا يجوز
ولك إخبارهم بالحسنى

وفقك الله

مبدئيا هو قال انها مش هبة هو قال ده ميراثكم اللي باقي لكم بعدي وهقسمه بالعدل وهو اعطاهم فوووق حاجتهم كتيييير وحرمنا انا واختي من حقوقنا برغم انهم اغنياء ومستواهم كويس واحنا وسط وهو قال هيوزع الميراث لانه لو كان سابه لبعد مماته كان هيبقي في مشاكل كبيرة من ناحية اخواته وهياخدو حقنا وكمان كنا محتاجين فلوس عشان زواج اختي
فكده تبقي هبة ولا لا انا بصراحة مش عارفة وهو مجهزش اختي الكبيره بريال حتي ولا اعطاها اي حاجة وانا ايام جهازي مش كان معاهم فلوس كفايه فمكملناش الجهاز وقالو بعدين والمفروض ان مفيش حد فينا ليه حق في نفقة مننا لاننا كلنا متزوجين واخويا له دخله وعنده بيته وبابا بيدفعله ايجاره