السلام عليكم ورحمة الله وبركاته ..
عزيزتي اتمنى ان تساعديني في مشكلتي .. ماعرفت بصراحه ايش اسي ..
وهل الي انا اسويه صح اوغلط .. ماصرت افرق بينهم ..


بداية انا متزوجه من سنتين تقريبا .. عمري 22 سنه وعندي ولد عمره سنه و 3 شهور
عشت مع زوجي لمدة سنه ونصف .. وايامنا كانت كلها مشاكل .. من فترة الملكه واحنا بمشاكل .. وكانت ماما تقولي هذا يخليكي تبكي وانت في الملكه ما اعرف ايش حيعمل فيكي بعد الزواج ..

سمعت من البنات ان فترة الملكه احلى فترة بين الزوجين وكلها دلع ورومانسيه وهدايا ..
وانا للأمانه ماشفت منها ولا حاجه .. فكنت اتضايق من زوجي من هذي الناحيه فكنت استحي اني اواجهه لأنه لسا شخص غريب عليا ولنا فترة بسيطه عرفنا بعض .. اسلوبه جاف معايا مايهتم ابدا ابدا لزعلي .. واذا زعلت يجلس بالأيام والاسابيع مايكلمني حتى لو هو غلطان .. واذا انا راضيته مايرضى بسرعه يجلس لأياام ..
صبرت على جفافه مع اني كأي بنت تحتاج تسمع كلام حب وغزل وتشوف هجايا من زوجها ..
صبرت وقلت يمكن بعد الزواج راح يفهمني وافهمه ويمكن هو طبيعته كذا واحاول اغير ذا الطبع فيه بعد الزواج .. تزوجت وسائت الأمور .. زادت المشاكل ..
مافي وظيفه مافي اكمال دراسه >> مع اني كنت شارطه هدا الشرط في عقد الزواج وانا واهلي مهتمين لموضوع الوظيفه والدراسه بشكل كبير لأن هو المستقبل بإذن الله ..
اي كلمه انا اقولها سواء عجبتك او لا تسمعيها وتعملي كل شي اقوله لكي .. البت انا أأثثه وانت ماتعملي شي فيه .. ذوقي انا الي يمشي في البيت << مع انه يحب ذوقي وواثق فيه .
لو جبتي اي حاجه ف البيت من غير ماتعلميني قبل تشتريه ياويلك ..
افتكر مرا شفت حاجه عجبتني في الانستغرام فطلبتها من تاجره .. ( اواني ضيافه )
ف لما قلتله انا طلبت كذا وكذا عصب وليش تشتري ؟ ليش ماتقوليلي ؟ قلتله انا علمتك اهو يعني هذا بيتي كمان يحقلي انا اشتري ..
وهو يروح ويشتري قطع ثاث للبيت وتحف بدون مايعلمني >> كأنه هو المرأه والرجل بنفس الوقت
وانا الخادمه فقط اهتم بنظافة البيت والظبخ ..
كل كبيره وصغيره يتدخل فيها حتى في خصوصياتي .. يأمرني فيها ..
تعبت من اسلوب التسلط وحاولت اقوله يبطل هذا الاسلوب لكن مافي فايده ..
اوقات تصير بيننا مشاكل اقوم اشيل ملابسي واتصل على السواق واروح لأهلي >> لانه يرفض يوديني لهم اذا زعلت ..
واذا رحت ماحاول يراضيني او يقل لي ارجعي للبيت او اسمع منه كلمه حلوه ..
تقريبا 4 مرات اروح وهو يطنش ولا يهتم ويقول بعد ماتطيحي الي براسك حترجعي ..
لكن اخر مرا ومشكله حصلت مامسكت اعصابي وقلت حخرج من البيت بلا رجعه وراح اخليه يهتم
فقدت اعصابي وقمت بتخريب اثاث البيت ورحت لأهلي ..
وهنا تفاصيل المشكله الأخيره الي حصلت
http://www.66n.com/forums/showthread.php?t=258120
..

الان بعد ماخرجت من البيت لي تقريبا 5 او 6 شهور عند اهلي .. وطبعا بعد ماخربت اثاث البيت جاو تكلم وكبرت المشكله ..
خلال ذي الفتره الي انا فيها عند اهلي راجعت نفسي وعدت حساباتي .. لاحظت اني فعلا كنت غلطانه بحاجات .. غلطت اول شي بأسلوبي اني ارجع لأهلي لما ازعل ..
غلطت بأني قمت بتخريب الاثاث .. غلطت بأني امنعه بطريقه غلط من السفر ..
لكن الى الان هو ماحس بأغلاطه .. ماحس بإحياجاتي له .. ابى اهتمام حب .. عدم تسلط حريه بسيطه للتنفس اكمل دراسي او اتوظف عشان اشوف حياتي والله جلست البيت تقتتتتل ..

نفسي اننا نرجع لبعض .. لكن هو ماتغير .. مازال قااسي جددا وجااف ولا يريد الرجعه ولا يريد الطلاق كمان ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك