الله يعطيكم العافيه
الحين لها ثلاثه ايام السالفه ومي ماكلمت اخوي ولاهي راضيه تطالع فيه

والمشكله شايله بقلبها تقولي ماشفت شكل اخوك وهو طالع من غرفه الشغاله وصدمتي فيه والله خرجناها انا واخوي الكبير امس بالغلصب تغير جو لانها كابته نفسها ومحد عارف بالموضوع الا انا واخوي

انفجرررت بالسياره من البكاء وربي خايفه عليها مره تقول ماعلي في الشغاله اذا تازمت سفرناها علي بولدي يفكر بالحرام

وبالنسبه لاخوي الكبير الله يعطيه العافيه هو مدرس في التحفيظ وملتزم ويحاول يهدي امي يقولها كثير يصير ههالشي
وهو الى ناقش اخوي بللموضوع

الحين والله حزينه على اخوي جاء اخذني من الدوام ومايتكلم وراسه بالارض وطول الطريق ولاكلمه
وغير انه اختبارات نهائيه وراه مستقبل

اش رايكم افتح الموضوع معاه اذا صرنا لحالنا ولااطنشه

واش ممكن اقوله لو بفتح الموضوع؟؟
والله مره متأزمه

__________________

عليكم احتوائه ،،
لا تتركونه ،، الحاله النفسيه لاخوك ما راح تتعدل إلا إذا حسستوه
بقيمته بينكم ،، وان اللي صار ما يزيدكم به الا تمسك و قوه له ..

وامك ضروري تكلمه وتناقشه ،، و تحسسه بثقتها فيه وانه ،،
و تبين رضاها عنه ان يبعد عن الحرام ،،

وضروري ،، يتحاور عن اسباب هذا الفعل ...

مواقع إباحيه ،،
اصدقاء سوء
الشغاله لباسها غير محتشم
قنوات هابطه

وغير ذلك من الاسباب ..
و عليكم تقوية الوازع الديني لديه ،،

وهو ولله الحمد لسه في طور تعديل السلوك ..
وياليت تستشيري ،، الدكتور ابراهيم الخليفي ،، مستشار اسري
له موقع على تويتر ،، يستقبل الإستفسارات ..


اهم نقطه لدي ،، رضى امك عنه ومناقشتها له ،،
هو بيرتاح نفسياً وهي ايضاً بترتاح ،، وليكن بأسرع وقت
كفايه ،، عرف ان ما فعل امر كبير وخطير

واسألوا اخوك إن كان يتمنى سفر الخادمه بعد الذي حصل ..
يمكن يساعد ذلك في تحسن نفسيته والنسيان ،،
ويمنحه القوه ...

الله يهديه ويصلحه لما يحبه ويرضاه وذرياتنا وكل مسلم

__________________

اخت طموحى
شئ متوقع شاب فى مرحله المراهقه وشغاله رايحه جايه قدامه ..
نظام الشغالات ده مبحبوش انما انتم مضطرين ..
هو شاعر بالخجل وليس الندم .. بعد امتحاناته ماتخلص ممكن تقعدى تتكلمى معاه بس ياريت خارج المنزل بمكان مفتوح ..
الامور دى كان لازم حاتحصل مع الشغاله او مع غيرها .. كان زمان فى حاجه اسمها شرايط فيديو انما دلوقت شغالات ..
ربنا يستر علينا

الشغاله باقي ماسفرتوها ؟؟!!

غريبين انتوا بصراحه ,, مفروض اول شي تسوونه هو تسفير الشغالة هذا ولدكم مو احد ثاني

و لا احد يفتح معاه الموضوع الا امه و تحاول تعيد ثقته بنفسه و تقوله ان زعلي عليك بسبب

ان اللي سويته حرام و انا ماارضى عليك تسوي هالشي ,,

و لا انتي ولا اخوك تفتحين معاه الموضوع لانه مفروض ماتعرفون باللي صار لكن امك غلطت يوم علمتكم

و حاولي تتكلمون معاه انتي واخوك مثل قبل و لا تجيبون اي طاري للسالفة ,,

والله يعينكم

انا اخالف كلام البعض هنا
ليش تطبطبوا عليه و تتعاملوا كأن ما صار شيء
انا ما اقول افضحوه,بس مفروض اخوك الكبير بما انه عرف
يعطيه كم كلمة جامدة و يحسسه فعلا بخطأه
فمن قال ان هذا الشيء عادي و يحصل بين المراهقين و نصور الشيء كأنه خطأ بسيط
فقط لأنه صبي و ما بيتهك عرضه
لو فرضنا لو ان لاحدانا اخت رأها احدكم تقهقه مع رجل بالهاتف هل سنطبطب و نقول
ايوه تحصل كثير لا تكبروه الموضوع اكيد بتحس بخطأها
لابد من الكلام معه و تحسيسه بخطورة ما اقدم عليه و تذكيره بالله
فربما احدهم يخجل لانه فضح و ليس للاحساس بالذنب
موفقة و رفع الله عن امك الهم و الغم

__________________

فعلاً كلام أختنا المسداني صحيح
لازم يتعلم ان اللي سواه مو شوي وان هذا البيت محترم وفيه ناس تخاف الله
والشغاله سفروها وخليه هو يكد مكانها بعد ما تخلص اختباراته لين تجي وحده ثانية
وما أنصحك تتكلمين معاه في هالأمور أبداً
اتركي الموضوع لأمك واخوك الكبير أفضل بكثير
وشوفوا وش اللي أفسد اخلاقه.. صحبة سوء ... قنوات فضائية... مقاطع سيئة في جواله.. استخدام سيء للإنترنت.. وعالجوا المشكلة وراقبوه..

وإذا قدمتوا على وحده ثانية اطلبوا عمر كبير
وغرفتها أمك تقفلها بالليل
وفي النهار أخوانك موجودين ما تتجول أبداً
تغسل وتنظف وتشيل وتحط في الصباح والكل مداوم وأول مايرجعون تبتعد وتروح لقسم الغسيل
وتقعد تغسل وتكوي هناك لحد ما أحد يحتاجها
هذا نظام أمي مع الشغالات والوقت اللي أخواني في البيت تبعدها ولا يشوفون زولها و ما نشوفها أبداً وماتجي إلا وقت الحاجة

والله يصلحه ويهديه..

الواجب على أخوك الكبير يمسكه على جنب يسوي فيه الي يسوي
اهم شي يحس بغلطته وانه الشي مو عادي ويذكر بالله ويزيد عليه بالوعظ
أخوي بنفس عمره اكشفته أختي انه يدخن <<ماحد من اخواني سواها قبل مرفوض التدخين ..
وجت وقالت لي ,طبعاً هي صغيرة وجت تبكي منهارة ماتوقعته لانه شايفينه عاقل وتفكيره اكبرمن عمره.
نفس الشي وقت اختبارات قلت اتركيه بس يخلص امتحانات ونشوف له صرفه بس قلت لها قولي له
انه علمت فلانه وحسابك يوم تخلص امتحانات ,وصرنا نراقبه .
ويوم خلص امتحانات كل شوي يجي يقول لاختي قوليلها خليها تضربني تسوي الي تبي!!
تركته يتعذب علشان يحس بغلطته ومايوعدها مرة ثانية .
لين ماحسيته انه خلاص , مسكته على انفراد وشديت عليه بالكلام ,لين ماخليته يبكي.
وقلت له ترا الي سويته مو هين لازم تتوب الى الله منه تقوم تتوضا قدامي وتصلي ركعتين وتستغفر
وتحلف لي انه طول عمرك ماتدخل سيجارة وحدة فمك ,والحمدلله من بعدها تاب ..نقطه مهمه ماخبرت احد من اهلي على شان يحس بالثقة بيننا ..

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

عزيزتي المسداني ؛؛
وهل تتوقعين يا اختي شوفة امه منهاره بعد فضحه .
شئ بسيط ،، هذا اكبر عقاب له ،،


بعض المواقف و تسلسلها وشدة وقعها على النفس تحتم
تصرف يجبر الموقف ويصلحه و لا يشتته ..

الامر خطييير نفسياً وجسدياً إن كان على الام الضعيفه او على
الإبن المراهق ،،

فلذلك إحتواء مثل هذه المواقف خير علاج .. لمعالجة الحاله النفسيه وعدم تطورها
لما لا تحمد عقباه ..

لك كل الود

__________________

نعم احتواء الأم نفسيا مطلوب أكيد ,,
أما المواهق فبعد التأنيب و كلام الرجال و الموقف الآن صاار بارد
المفروض على طول اخوه يوريه العين الحمرا
و أنا ما قلت لا تحتويه نفسيا , لكن بعد التأنيب و التأنيب ليس تعذيب نفسي
و ما فعله ليس أمر غير مقصود ليستخدمو فقط معه الأحتواء
فأمه تستحي تكلمه و هي مو قادرة تطالع في وجهه و اخوه يقول بعدين!
لا كذا ما يصير , لازم تأنيب بكلمة رجال هذا أمر خطير , انتهاك عرض لا سمح الله
لو احدانا و العياذ بالله تعرضت لتحرش , لن ترضى أن تقول ,,ايييه والله شباب مسيكين تحصل كثير
ليش ما نحط نفسنا بدل هالشغالة , هي انسانة حالها من حالنا,,
و التأنيب عموما لا يدمر النفسية بل هو حل لأمور أعظم من كذا ,,
الحل
تأنيب و اشعاره بفداااحة ما كان سيقدم عليه لولا رحمة الله ثم احتواءه بمعاملته كرجل عليه ان يحسب خطواته أمام الله عز و جل مع مراقبته و معرفة نقطة ضعفة
فلازال في سن التربية,,,

__________________

المفروض اخوك الكبير كان مسكه على جمب واعطاه كفين عشان يفوق
وتتركوه فتره حاقرينه الين يحس بغلطته ويجي يعتذر من الوالده واخوك الكبير
بعدين وقتها اخوك الكبير ياخذه في مكان مفتوح ويكلمه بهدوء ويفهمه الصح من الغلط ..


الله ستر انه العامله المنزليه بنت حلال وصدته وطردته من غرفتها تخيلي لو كانت ما تعرف الحلال من الحرام كان الحين علوم بينهم بس ربي حماه .. ياليت كل العاملات المنزليات بنفس وعي عاملتكم المفروض تكبر بعينكم وما تسفروها لانها صانت ولدكم وما سمحتله بالحرام..


اختي اذا ما اخذتو موقف كبير من اللي عمله اخوكم رح يتكرر مع اي عامله منزليه جديده تجيكم وبعدها رح يتوسع النطاق ويروح لبنات بره لا سمح الله ..
استغرب من الاعضاء اللي يقول لا تكلموه بالموضوع وطبطبو عليه وعادي يحصل مع المراهقين لا مش عادي ابدا
و الجراه توصل انه يحاول مع العامله المنزليه هذا خطر ومؤشر لبدايه طريق غير جيد ..

__________________