اختي فيه كثير من الناس يحرصون على الزواج لمجرد الزواج بس
ويضيعون عمرهم وفرصهم اللي ممكن تجيهم لو صبروا ولا رضوا باي واحد لمجرد لقب متزوجه
اختي اعتقد من ابسط الامور في الزواج السليم انك تنامين وانتي متطمنه ومانتي خايفه هذا ابسط شي
وحتى هذي انتي محرومه منها فـ بصراحه انا مدري وش اللي مخليك متمسكه فيه

الا اذا تبين تعدلين الوضع وهالشي يكون تشرطين عليه انه يغير الدكتور اللي يروح له ويبدا العلاج من جديد مع دكتور شاطر ولمستي فيه الجديه في الموضوع ساعتها نقولك اصبري وشوفي الوضع اذا تغير للاحسن زين اذا بقى على حاله لا والله يااختي اتركيه ولاتقولين فلانه وفلانه ماتزوجت والا جاها شايب لا هذا رزق من رب العالمين يمكن يجيك اللي ماكنتي تحلمين فيه
اما بقائك على وضعك الحين خطأ

عادي مريض نفسي الله يشفيه وبما انه يتناول ادوية تهدىء مافي مشكلة بس اذا رجعت حالته كلمي احد من اخوانه يوديه للطبيب الخاص فيه قد يكون الطبيب قلل الجرعه ... فيعطيه زيادة وترجع الامور طبيعية باذن الله .... حاولي ماتضغطين عليه هالفتره وارجعي ... انت سند له بهالدنيا

والله قد غير الدكتور ومانفع علاجه رجع للعلاج الاول مرضه شكله مزمن ولاادري وش بالضبط يقولي تعالي ماعاد احد بشكوك قلت لاجيت جاك الشك الله ييسر ماهو خيرا لي

الله يفرج همك ويرزقك من حيث لاتحتسبين

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

تخيلو ناقشته بمرضه وش مرضك قلت اخاف ينتقل للاولاد علمني وش مرضك ابيه يصارحني قال خلاص انا مجنون وقولي لبنتك انتي تركت ابوك عشانه مهبول وانتي طالق تعالي خوذي اغراضك انا من اول مو مرتاحه معه ومومرتاحه بالرجعه لانه اتعبني مرضه واخاف يجوني عيال فيهم مثل مرضه بس الشكوى مازعلت من مره بس مصدومه كل ذا باليل ماقلت لاحد الله يعين ويعوضني خيرا منه

الله يفرج همك ويعوضك باأحسن منه وربي يشفيه ويعافيه

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

كسر خاطري مررره ايش السؤال ياحلم مالك من اسمك نصيب .... اجل تيش مرضك . نوعية زوجك الله يشفيه ويعافيه من في مثل حالته او اي مريض يحتاج للاحتواء والتروي مو ضغط حبيبتي ..... الله يهون عليه ويشافيه ويخليبه بنته.

لما تحصلك مصيبة من مصائب الدنيا ، اول شي قولي انا لله و انا اليه راجعون ، اللهم اجرني في مصيبتي و اخلفني خيرا منها .
و احمدي ربك كثيرا قد ما تقدري بكل صدق ...
بعدين خلي نفسك تخضع لامر الله غصبا عنها ، يعني اجعليها ترضى بقضاء الله و قدره و اياك و السخط !
يعني لا تقولي ليش حظي مزفت و كلام زي كذا و العياذ بالله ...
اعلمي اختي ان هذا الطلاق ظاهره شر و تحته كنز عظيم ، يعني يوم تحصل مصيبة فوق طاقة الانسان و من غير ظلم او تعدي ، فتوقعي كل خير يجيك و انتظري العوض و المستقبل الطيب و الجميل من الله ..
و احذرك من سوء الظن في الله ، و التوقعات السيئة ، على العكس ، احسني الظن فربك غصبا عن الواقع او المجتمع و كلام الناس و العالم كله ، لا تقيسين نفسك باحد ابدا ، كل انسان يختلف عن الثاني حسب ايمانه ، و حسن ظنه فربه ، و اخلاقه ، و اخلاصه ، و عقيدته ...
اعتبري نفسك شخص مختلف عن الكون كله ، و خلي نظرتك للمستقبل كلها سعاده ، و اعملي على شق طريقك في هذه الحياة باجتهادك و اخذك بالاسباب و قبل هذا كله ، خلي علاقتك بربك قوية جدا ، حبيه ، تعلقي به ، اشكيله ، تواصلي معه فكل الوقت بالتسبيح و الاستغفار و التكبير .
ترا القوة و الفضل و النعيم من الله و الضعف و الفقر و الحزن من الشيطان ، فلا تضيعين الكنز الاول بمجرد تصديق وسوسة نفس و شيطان ( سوء ظن ) !
كوني قوية ، الطلاق احيانا يعتبر ولادة جديدة و فرج عظيم من الله ،لما يحصل في الحالات الصعبة جدا اللي ما لها حل الا الانفصال .

اسأل الله انه يحفظ اسر المسلمين من الشتات و الضياع و الدمار ، و اسأله سبحانه ان يتمتع كل اطفال المسلمين بالعيش وسط والدين طيبين صالحين ! امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يعوضك خير يا حلم
لكنك اخطاتي بسواله و ردة فعله متوقعة
اذا تعرفي اسم الطبيب اللي يتعالج عنده
ليه ما تروحي له و هو يشرح لك حالته و كيفية التعامل السليم معه
قدر الله و ماشاء فعل، اذا لك رغبة بالرجوع له لابد تستشيري و تراجعي الدكتور اللي يشرف على حالته .
اما اذا اخترتي الانفصال ما لك الا التسليم بقضاء الله

هو يقول ضغطتي علي وانا بعد مضغوطه احس انه غاشني مايبي يقولي وش فيه يمكن مرضه يورث وتكون حسبتي غير ويقولي انا احبك بس وش اسوي انا ادري انه مسكين وغصب عليه بس الحياه معه صعبه وقلق نفسي وممكن يسوي فيني شي لاتحمد عقباه بسبب مرضه هذا ؟ويقول تبين ترجعين
بكيفك الله يعين