طبعا المسألة تختلف من شخص لآخر ولكن بالغالب بداية العشرين لا يحب تحمل المسؤوليات و يغلب الطيش
و لو لا الحاجة للجنس لما تزوج الرجال الا بعد سن الثلاثين, مسؤولية و مصاريف و التزام

رد الأخ صنارة ..
هو رد شاب يُمثل سن الحادي والعشرين ..
الزواج مو متعة وتهيء جسدي ، نهائيا !
المتعة ، من اسباب استقرار الحياة الزوجية
مثلها مثل ضرورة توفر العقل والدين والنضج
والاحترام ...... إلخ .
والحكم لك !

اذا تبين الدافع ، بطل العجب

والله يا أختي، غالبا في بداية سن العشرين.. التفكر يكون لكبح الشهوة...

لكن فيه شباب بسن العشرين، تلقينه يكرف من عمره 15 ونشأ في بيئة كلهم معتمدين على انفسهم

اذا كان هالشخص معتمد على نفسه من سن مبكرة، وراتبه كويس، وشخصيته قوية، وقبل ذلك دينه.. فما فيها شيء

اما اذا كان من الناس الي اهلهم يزوجونهم، ويصرفون عليهم... فالافضل عليها تنتضر، كون شخصيته مابعد تكون اقل شيء ربعها... وماراح يكون قادر على تحمل المسئولية او بالاصح... ماندري هل بيتحمها او لا ففيه مخاطرة كبيرة..

يعتمد على الشاب نفسه انا لي صديقين اخوان

الاول : من هو صغير هو اللي يجيب اغراض بيتهم ويودي خواته للمدارس والزيارات العائلية وابوه يرسله للسوبر ماركت من عمره 18 سنة وهو اللي يجيب الذبايح وهو اللي يمسك مصروف البيت اذا ابوه بيسافر تاهل نفسياً وتزوج بعمر 24 سنة وبالعكس يمر بيت اهله ويقضي لهم ولما تسأله يقول بيتي مافيه مسؤوليات كثيرة

الثاني : متزوج بسن 27 سنة ويعتبر متأخر من البداية اعتمادي على اخوه اخوي يجيب الاغراض واخوي يودي خواتي المهم انا ماني فاضي بطلع الاستراحه الخ الخ الخ وهذا فشل تماما في مسؤوليات بيته ويتحجج بكثرة المشاوير وان طلبات زوجته ما تخلص ولا تطري عليها المقاضي الا اذا بطلع الاستراحه واني يومياً لازم اجيب اغراض للبيت وانها سيئة ولما نشوف وش طالبه بنت الناس طالبة خبز وجبن وامور استهلاكها ضروري ويومي


وجلسته مع ابو البنت او اخوانها ماراح تبين تفكيره من ناحية المسؤوليات ابداً

مو علشان قال انا رجل اوزن حياتي صح واراجع نفسي قبل اتصرف واشوف وش الافضل لبيتي وزوجتي واطفالي صار شخص مسؤول هذا تعبير زيه زي اين قضيت اجازة الربيع

حتى البنت لاصارت ذربه بالكلام او رزينه وثقيله انها انسانه مسؤولة بس لحظتها علشان حاطين عينهم عليها ويراقبونها صارت نحلة ونبيها لولدنا

بالنهاية كلن يتزوج وماحدن جايه الا نصيبه وهنا يجي دور الاهل بعض الازواج صغار بالسن ولا تسمع ان بينهم مشاكل يحلونها بين بعض وتتقفل السالفة

وبعضهم جهله اما يتدخل اهل الولد او اهل البنت ويعقلونهم او يخلونهم يتطلقون وانتهت السالفة

اهم شئ لاترتكبون جريمة بحق المجتمع وتقولون نزوجه علشان يعقل او نزوجها علشان تعقل <<< ضياع مستقبل هالكلمة

معليش انت شايف سن 27 سن متأخر للزواج ولا كيف