منذ عقد قرآني لم يتواصل معي خطيبي - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

إضافة رد
قديم 24-05-2015, 09:44 PM
  #1
حبق
عضو نشيط جدا
تاريخ التسجيل: May 2015
المشاركات: 246
حبق غير متصل  
Lightbulb منذ عقد قرآني لم يتواصل معي خطيبي

السلام عليكم ورحمة الله وبركاته
اتمنى من الله ان كلكم بخير
اولا : انا فعلا اعجبت بمنتداكم مع اني مقاطعه المنتديات من فترة طويله جدا
ثانيا: انا جدا محتاره في وضعي وابي منكم المشوره .. بصراحه الكل يحسبني قويه ومو مهتمه بالموضوع .. وانا منقهره مره

انا ولله الحمد من اسبوع تم عقد قراني .. وزوجي اعتقد والله اعلم ( مما وصلني) انه خجول .. يعني الحمدلله حمدا كثيرا

بس امه عجوز كبيره الله يحفظها ..
ولذلك التواصل معه مباشره من الرجال بينه وبين ابوي الله يحفظه ..
في ملكتي جا مع اخوه سلم علي مصافحه و جلسنا مع بعض وجايب الشبكه ولا لبسني اياها ولا فكر حتى .. زين قعدنا 10 دقايق او اقل وفي عجل وسلام وطلع .. حكينا بعدة مواضيع وللاسف ماكمل موضوعه لان اخوه معه ومستعجل .. الحمدلله تراني مبسوطه من هالصفه لحد الحين ..

و بس طلع لا اخذ رقمي ولا شي .. ومن وقتها معاد سمعت عنه خبر !!
حتى لما سالته عن شي قال بعد الزواج نرتب امورنا ونتفاهم

بعد اسبوع من ملكتي وانا مافتحت حتى الشبكه مالها طعم بدون ما يلبسك اياها خطيبك والرهبه اللي تصير وما الى هنالك من ذكريات ..

خليتها مكانها وقلت لاهلي بسوي شبكه وهو بيلبسني وبصور .. غصب يعني ابي ذكريات ابي احس اني فعلا عروس

والكل يسالني متى زواجك متى شبكتك متى وماكلمك وين دبلتك لدرجه فكرت اشتري لنفسي دبله

وعشان اضبط اموري لازم يكون بيني وبينه تواصل .. عشان اعرفه وما اخاف منه ومن مستقبلي معه و اعرف منهو زوجي .. ماعرف الا اسمه وعمره ووظيفته ..

عن نفسي مستحيل انا اتصل وخاصه انه خجول مع انه طالب وحده جريئه .. بس انا كا انثى احس صعبه ابدا ..حتى الجرئه بحدود .. مابي العب دور مو دوري احس هالخطوه من واجب الرجل


افكر احطه عند الامر الواقع و اخلي ابوي الله يحفظه يدق عليه ويقول اختر يوم مناسب عشان الشبكه ..

ويجي ويلبسني واصور ونقطع كيك حفلة كيذا صغيره ماطلبت كثير

اختي تقول استني واختي الثانيه تقول عادي لازم تعرفينه وخاصه اني بتغرب معه ببعد عن اهلي (((

انا قالوني عورني من التفكير حتى اجهز نفسي ما بديت وانسى اني عروس

ليه يا رجل ما تكلم زوجتك هاه !!
حتى اخواته ماعرفهم لان كل وحده بمنطقه

طيب تتوقعون انا استعجلت ! مالي الا اسبوع ! يمكن يدق !

بس الكل يسال ليه ماكلمك ليه ماخذ رقمك .. انا خلوني اذكر وجهه حتى دبله بيدي مافيه عشان تذكرني اذا نسيت

يعني 2015 احس مافيه احد ما يكلم خطيبته على الاقل نتفق على شهر عسل وين وكيف وليش

شورو علي وش الحل مابي اروح له ملطا لا شبكه ولا ذكريات البنات اللي انخطبو معي اقل شي لبسها الشبكه بيده .. ودبله و قطعو كيك وصورو .. والثانيه كلمها بعد يومين و اتفقو على الشبكه .. وشهر العسل اهم شي ماشاءالله الله يوفقهم ويسعدهم
وانا مزهريه تردد مدري مدري مدري .. وبعدين !

هذي سالفتي
اللهم بارك لنا في شعبان وبلغنا رمضان ونحن في اتم وافضل حال والحمدلله على كل حال وصل الله وسلم على نبينا محمد








تم تعديل العنوان ليتناسب مع المضمون

التعديل الأخير تم بواسطة حوراء الحسين ; 24-05-2015 الساعة 11:59 PM
رد مع اقتباس
قديم 24-05-2015, 11:56 PM
  #2
حوراء الحسين
كبار شخصيات المنتدى
تاريخ التسجيل: Jan 2009
المشاركات: 1,349
حوراء الحسين غير متصل  
رد: عروس مع وقف التنفيذ

حليلك ي عروس ،، ماخذة الأمور ع عجل


توك اسبوع بس ،، انتظري والله يوفقك
__________________




ربِ هب لي من لدنك ذرية طيبة أنك سميع الدعاء
رد مع اقتباس
قديم 25-05-2015, 06:50 AM
  #3
رائحة البخور
عضو المنتدى الفخري [ وسام العطاء الماسي ]
تاريخ التسجيل: Jul 2014
المشاركات: 2,301
رائحة البخور غير متصل  
رد: منذ عقد قرآني لم يتواصل معي خطيبي

الف مبروك الله يتمم لك علي خير

اطلعي اختي علي مفضلة المقبلين علي الزواج :

http://www.66n.com/forums/showthread.php?t=259760

اقرائي فقرة لقاءات ومكالمات فترة الملكة راح تستفيدي من تجارب الاخوات والحلول الي قدمها الاعضاء
__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .



هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة

هديتنا للمقبلين والمقبلات علي الزواج

مفضلة المقبلين على الزواج 2014
رد مع اقتباس
قديم 25-05-2015, 07:26 AM
  #4
حبق
عضو نشيط جدا
تاريخ التسجيل: May 2015
المشاركات: 246
حبق غير متصل  
رد: عروس مع وقف التنفيذ

اقتباس:
المشاركة الأصلية كتبت بواسطة حوراء الحسين مشاهدة المشاركة
حليلك ي عروس ،، ماخذة الأمور ع عجل


توك اسبوع بس ،، انتظري والله يوفقك
مرحبا حوراء
صح مالي الا اسبوع لكن لان زواجي قريب ف ماخذه الامور على عجل
ويمكن كبروها الناس براسي لان الكل يسال ومستغرب .. وينصدمون

شكرا على مرورك الله يسعدك

التعديل الأخير تم بواسطة حبق ; 25-05-2015 الساعة 07:27 AM
رد مع اقتباس
قديم 25-05-2015, 09:35 PM
  #5
عطر الفجر
عضو نشيط جدا
تاريخ التسجيل: Oct 2013
المشاركات: 362
عطر الفجر غير متصل  
رد: منذ عقد قرآني لم يتواصل معي خطيبي

طيب ممتاز اتصلوا عليه واتفقوا على يوم الشبكة .. هذي الاصول .. الملكة بعدين الشبكة وتتكفل فيها العروس طبعا فطبيعي المبادرة من عندكم خاصة انه جايب لك الطقم وماتخافين تحرجينه لو كان ما جاب

الله يوفقك ويسعدك يارب
رد مع اقتباس
قديم 26-05-2015, 05:21 AM
  #6
الفارس 14
عضو نشيط جدا
تاريخ التسجيل: May 2015
المشاركات: 328
الفارس 14 غير متصل  
رد: منذ عقد قرآني لم يتواصل معي خطيبي

ماشااء الله الف الف مبروووووك ...
والله يجمع بينكم على خير ..
اختي انا ارى انه ليس عيبا اذا لم يتصل فيك مع اني اتوقع انه راح يتصل فيك على الاسابيع القادمة..
بحكم انه مثل مجتمعكم ]... فلا تستعجلي ...وحتى لو ما اتصل لا يعتبر مقياسا له انه ليس بالرجل الذي تريدينه بعد الزواج ..
قد يكون افضل من مئة الف رجل ... !!

عموما لا تكبري الموضوع اكبر من حجمه ...وقلي الحمدلله انه جاتك شبكة ...غيرك ما يعرف شي اسمه شبكة ^_^
وفقك الله ..
رد مع اقتباس
قديم 26-05-2015, 07:06 AM
  #7
قطرة الندى 7
عضو المنتدى الفخري
تاريخ التسجيل: Dec 2014
المشاركات: 2,020
قطرة الندى 7 غير متصل  
رد: منذ عقد قرآني لم يتواصل معي خطيبي

السلام عليكم ورحمة الله
ألف مبروك والله يتمم عليك بخير ويكتب لك السعادة والهناء ...
ما دام أمه امرأة مسنة و وأخواته بعيدات ، ممكن يكون ما يعرف بهذه الأمور
لذلك ليس هناك حرج من أن يكلمه والدك ويقول له أنك ترغبين بعمل حفلة الشبكة ويلبسك إياها ...
وبالآخر هي أمور شكلية ، المهم في الآخر يكون ابن حلال يحفظك ويصونك ..
حفظك الله ورعاك
__________________
رد مع اقتباس
قديم 26-05-2015, 07:14 AM
  #8
أم خالد.
عضو مميز
تاريخ التسجيل: Oct 2011
المشاركات: 3,950
أم خالد. غير متصل  
رد: عروس مع وقف التنفيذ

اقتباس:
المشاركة الأصلية كتبت بواسطة حبق مشاهدة المشاركة
مرحبا حوراء
صح مالي الا اسبوع لكن لان زواجي قريب ف ماخذه الامور على عجل
ويمكن كبروها الناس براسي لان الكل يسال ومستغرب .. وينصدمون

شكرا على مرورك الله يسعدك
ليش تعطينهم مجال !
مو كل شي ينقال حتى لو كانو مقربين
هذي فترة حساسه و اغلب اللي يسألون من فضول خذيها مني
__________________

الوعي هو الملاذ ..


أستغفر الله العظيم ؛
( الفردوس غايتي )
رد مع اقتباس
قديم 26-05-2015, 07:56 AM
  #9
حبق
عضو نشيط جدا
تاريخ التسجيل: May 2015
المشاركات: 246
حبق غير متصل  
رد: منذ عقد قرآني لم يتواصل معي خطيبي

اقتباس:
المشاركة الأصلية كتبت بواسطة عطر الفجر مشاهدة المشاركة
طيب ممتاز اتصلوا عليه واتفقوا على يوم الشبكة .. هذي الاصول .. الملكة بعدين الشبكة وتتكفل فيها العروس طبعا فطبيعي المبادرة من عندكم خاصة انه جايب لك الطقم وماتخافين تحرجينه لو كان ما جاب

الله يوفقك ويسعدك يارب
ان شاءالله هذا اللي بيصير ..
بس ودي اشوف اهله اتعرف عليهم ..
انا متخوفه ما يجي احد معه بس

الله يسعدك يارب

التعديل الأخير تم بواسطة حبق ; 26-05-2015 الساعة 07:58 AM
رد مع اقتباس
قديم 26-05-2015, 09:33 AM
  #10
حبق
عضو نشيط جدا
تاريخ التسجيل: May 2015
المشاركات: 246
حبق غير متصل  
رد: منذ عقد قرآني لم يتواصل معي خطيبي

اقتباس:
المشاركة الأصلية كتبت بواسطة الفارس 14 مشاهدة المشاركة
ماشااء الله الف الف مبروووووك ...
والله يجمع بينكم على خير ..
اختي انا ارى انه ليس عيبا اذا لم يتصل فيك مع اني اتوقع انه راح يتصل فيك على الاسابيع القادمة..
بحكم انه مثل مجتمعكم ]... فلا تستعجلي ...وحتى لو ما اتصل لا يعتبر مقياسا له انه ليس بالرجل الذي تريدينه بعد الزواج ..
قد يكون افضل من مئة الف رجل ... !!

عموما لا تكبري الموضوع اكبر من حجمه ...وقلي الحمدلله انه جاتك شبكة ...غيرك ما يعرف شي اسمه شبكة ^_^
وفقك الله ..
الله يبارك فيك الله يسعدك على هالكلام يارب
انا صح عتبانه على انه ماكلمني بس الوحده ودها تحس باهتمامه لو مجرد سؤال وكيف شعوره بعد الملكه وش هدفه كيف تفكيره.. بس مو مشكله .. و بعد احترت كيف اتفق معه او مع اهله والوقت اللي يناسبهم وعلى اشياء ودي تكون ذكرى حلوه بينا .. بس دامه مادق هين بصدمه بمزاجي .. وعلى فكره هو في مجتمع متفتح اكثر من مجتمعي فعشان كذا مستغربه
وبصراحه انا معه بروح بعيد عن اهلي ف طبيعي اتخوف من هالشخص اللي ماعرف الا ملامحه وبديت انساها .. الله يسخره ويجعله صالح والف الحمدلله
.. مره ثانيه الله يسعدك
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:44 PM.


images