logo

الملاحظات

عيادة الاسرة الإجابة على الإستشارات الطبية العامة

إضافة رد
قديم 12-05-2018, 09:54 PM
  #1
Ali96x
عضو جديد
تاريخ التسجيل: May 2018
المشاركات: 1
Ali96x غير متصل  
رجعت للعادة السريه بعد عامين

السلام عليكم
انا عندي ٢١ سنة من حوالى ١٠ سنين وانا كنت بشوف الافلام الاباحيه وبمارس العاده السريه وده طبعا مش حب فيها لاكن بسبب ضيق النفس والوحده
دايما ببقى لوحدى البيت مفهوش غير امى وابى وبيناموا بدرى
كان عندى اخ ومات من حوالى ٨ سنين وكان هو صديقى والبيت كان مختلف جدا
دلوقتى البيت على طول مظلم وكئيب ومفيش حد اتكلم معاه لا اخ ولا اخت و وامى وابى ناس كبيره فى السن


من سنتين بالظبط اتكلمت مع بنت كانت زميله ليا فى الابتدأئى انا كنت بحبها جدا فتكلمت معاها بحسن نيه وهى البنت الوحيده اللى اتكلمت معاها ومش قاصد اى شر بس هى ردت بانه مينفعش الكلام بينا وانا احترمت ده جدا طبعا
ومن ساعتها وانا بطلت العاده السريه والافلام الاباحيه وقربت اكتر من ربنا بنيه انه يجعل البنت دى من نصيبى
والبنت دى كانت السبب فى انى اختم القرآن لاول مره فى حياتى وانا عندى ٢١ سنه!

بس رجعت للافلام الاباحيه بعد حوالى سنه من الفتره دى ودايما كنت بحاول ابطلها وأقرأ عنها واشوف فديوهات عن حرمتها لحد مكانت السبب فى انى ارجع تانى للعاده السريه انهارده بعد سنتين من التوقف عنها

رجعت تانى وقلبى كله حسره وقهر
محدش حاسس باللى فى قلبى لو اى حد شافنى بيلاقينى بضحك يحس انى معنديش مشاكل وعايش فى جنه
بس انا عمرى مضحكت من قلبى من بعد موت اخويا مفيش حد يعرف اللى فى قلبى وقد ايه هو اسود ومظلم

انا بوجهين بس مش مع الناس مع نفسى وجه دايما بيضحك متصدر للناس ووجه كلها كره وظلمه ويأس وقلة حيلة انا بس اللى عارفه وحاسس بيه وهو الحقيقى للاسف

عايش فى بيت كله مشاكل وكئيب و مظلم ومفهوش بهجه امى على طول بتعيط على اخويا وابى بيتمنى الموت وانا بسمع ده كله وكاتم جوه قلبى
محدش يعرف جوايا ايه ودايما مفكرين ان الموضوع مش على بالى بس هما ميعرفوش جوايا ايه ولا اخويا بالنسبالى كان ايه.. مفيش حد اتسند عليه بعده دايما مكسور ومبضحكش من قلبى
حاسس بضيق نفس كبير جدا فبعد سنتين من العاده السريه ارجعلها تانى.. قرفان وكاره نفسى وقد ايه انا غبى انى اعمل حاجه زى دى

كلامى قليل جدا فى البيت وابى معلمنيش حاجه خالص حتى القرأن اللى الأطفال كلها بتتعلمه وهى صغيره محدش علمهولى
عندى ٢١ سنه ومش حافظ الا شوية سور من جزء عم اللى بصلى بيها ودى حاجه بستعر منها

لسه طالب والبيت فيه مشاكل كتير مينفعش اتقدملها وبصوم وبتوب وبرجع برضو

انا حاسس بقهر كبير جدا وبعيط وعلى طول مخنوق وعصبى ومفيش حد حاسس بى او عارف اللى جوايا

انا مش قانط من رحمة ربنا واعوذ بالله بس انا حرفيا مدمر وقلبى اسود ومش متخيل ان بعد السنتين دول رجعت تانى بكل سهوله كده

مش عارف انا ليه كده ليه مش عادى زى اى شاب
نفسى فى توبه نصوحه بجد مرجعش بعدها لاى حاجه من الحاجات دى

انا بصلى بس للأسف صلاتى بدون خشوع وعلى طول بنسى عدد الركعات اللى صليتها
بقرأ قران والله ودايما بتوب بس برجع برضو انا جوايا خير بس هى دى الحاجه الوحيده السيئه اللى عندى
هى دى نقطة ضعفى

استغفرك ربى واتوب اليك
رد مع اقتباس
قديم 14-05-2018, 01:30 AM
  #2
Neat Man
كبار شخصيات المنتدى
 الصورة الرمزية Neat Man
تاريخ التسجيل: May 2011
المشاركات: 4,584
Neat Man غير متصل  
رد: رجعت للعادة السريه بعد عام

كل ده عشان العادة السرية!!
انتا بتشتكي من العادة السرية ولا من مشاكلة عائلية!؟
يابني ماتخفش، وعملك للعادة السرية لايعني أنك انسان سيء أو منافق أو أبو وجهين زي مابتقول حضرتك
بص يافندم، نسبة الناس اللي بتمارس العادة السرية عاااااااالية جداً، وبالنسبة لي أعتبر أن ممارستها للإنسان هو أمر طبيعي فالجنس هو حاجة مثلها مثل أي أمر في الحياة، ويتفاوت الناس في السيطرة عليه من شخص لآخر وبدرجات مختلفة، وهناك من يدرب نفسه بوسائل مختلفة بمحاولة الابتعاد عن التفكير أو الاستثارة، وإن حدث فلا غرابة، بل الغرابة لمن يشنع ويقلل من حجم حاجة فطرية غرسها ربنا في الإنسان.
المهم عليك أن تضع قناعة أن العادة السرية لاااتناقض أبداً إيمانك أو عباداتك أو صلاح نيتك، واعبد ربك، وحتى لو أعتبرناها خطأ كبير، فإننا في النهاية بشر طبيعتنا الخطأ، ولكن المجتمع شنع من أمر العادة (رغم أنه يمارسها بقوة) حتى بدت للإنسان أنها جريمة.
النقاط المهمة التي يجب أن تنتبه لها ياصديقي هي التالي:
لاتفرط كثيراً بالعادة السرية حتى تصبح أدماناً فتكون هي مأوى متعتك، فيجب أن يكون متعك وقضاء شهوتك مع زوجتك حينما تتزوج وليس العادة السرية.
حاول الابتعاد عنها، والابتعاد عن المثيرات، أو قصد ذلك بالاختلاء لوحدك والتفكير بالجنس وبالفتايات أو مشاهدة الأفلام الاباحية
لاتلجأ لها إلا عن الضرورة والحاجة الملحة.
لما تلجأ إليها وتفرغ منها، لاتنزعج، قم واغتسل وغير ملابس وتعطر واخرج للحديقة بس ماتبوصش بوجيه الستات
لاتربط نهائياً مسألة ممارسة العادة بالشك بنفسك أنك منافق أو أبو وجهين، دي مالهاش دخل بدي.
أخيراً استمع وشاهد طرح الدكتور طارق الحبيب حول موضوع العادة السرية
وربنا يوفقك، ويصلحك ويصلح عائلتك، ويجمعكم دائماً على مائدة الحب والرخاء والاستقرار والوئام.
__________________
“يحتار عقلي ويسأل دائماً ولكن قلبي كان يبقى دائماً إلى جانب الإيمان، لحظات سعادتي كانت تلك التي يتوافق فيها عقلي وقلبي.”
علي عزت بيجوفيتش
رد مع اقتباس
إضافة رد

مواقع النشر

الكلمات الدليلية
العاده السريه

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:13 PM.


images