ممكن اتجاوبين على سؤالي

تحبين زوجك ؟

احسك نكدية

وش يساعدك بالشغل من الرجال ومن المراة

ماسكة على الحبة عليه مافي هدوء دايم هجوم

وين الالفاظ اللحلوة لما تخاصمتو عند العمل تراددين ما كانك عروس

الرجال له هيبته اذا فقدها خلاص ما راح تشوفين منه الا سواد وجه

الرسول عليه الصلاة والسلام استعاذ من قهر الرجال


والله اذا استمر اسلوبك حتى لو تطلقتي وتزوجتي ما راح تتوفقين


انت في بيئة غير عن بيئتك لازم تتكيفين فيها وتصبرين وتعودين زوجك
على نمط الحياة الافضل والاسلوب والعادات وش تحبين وش تكرهين ووش يحب ووش يكره

نظامك نظام عمل ولو ما ذكرتي انك موظفة كان اقولك هذه موظفة


انسى الطلاق واصلحي من حالك الرجال ما يمشون بالعناد حتى الصلاة سحب عليها

وانتكس و اشياء مالها داعي اكتبها


الله يصلح الحال


ع بالك الطلاق سهل

ما اشوف فيها شيء لو ساعد الزوج زوجته
لا يعني ان استأنث..بيته يحافظ معها على نظافته
اثنينهم راجعين من العمل جواعى و صايمين
لا يمس رجولته العمل..حتى هو قال طيب
بس لما اتأخرت دقيقة..عصب و عند عن التنظيف..والنظافة من الإيمان
..كان فعلا مو لازم ترد عليه بغلظة
هذا بس نقطة التنبيه على حوارها معه
بالعكس عوديه انه يساعدك في التنظيف بما انك موظفة
مافيها شي

__________________

اشكركم كلكم ع ودودكم وتفاعلكم معي الله يجزاكم خير

لكن لدخولي بالجوال اجد صعوبة ف الرد ع كل واحد
برد بشكل عام للكل اعجبتني بعض الردود المنطقيه وتايدني
وكثير لاموني واعتبروني شريكة ف الغلط
انا اعترف ان فيني اغلاط واغلاطي يمكن كبيرة بالنسبه لشخصية مثل زوجي
لاني انا انسانه ماعرف احتوي ولا اعرف اجامل ولا اعرف الف وادور
وهذه طباع زوجي مايحب الصراحة يعشق المجامله ولايحب الكلام يكتم في قلبه
انا ماقصرت مع زوجي ف حقه الشرعي بالعكس كما ذكرت سابقا كنت سبب لمتعته
عشان كذا ارد لكل الي استنكرو ما اثر ع انوثتي اقول لا لاني عارفه مالي دخل بالي قاعد يسويه
لاني شفته يتهرب مني عمدا علاقتنا الخاصة اول الزواج كان جدا جيدا ممكن نمارس مرتين وثلاث مرات ف اليوم
الى ان بعدين هو بدا يتهرب ويقول اتعبتيني ومرات يقول كنت اسمع الموظفات كسولات بس انتي لا ومرات يقول
كنت اسمع البنات يجيهم التهابات ويكرهو الجنس يعني كل شي سمعه من الناس مالقاه فيني بعده صار ينفرد
بنفسه وانا متاكده ان كسل وانانيه مافي شي من ناحيتي..
البس وارتب نفسي وبيتي يوميا وكل شي فيني يسر بعكسه هو يقعد بالبجامه طول اليوم وكنت اكلمه باللين اني يرتب حاله
مستقله جدا في حياتي معاه يعني ما انكد عليه ولا اشكي له مع اني موطفه بس ما قد حكيت له مشاكل شغلي ولا ايش يصادفني
لاني جربت ف البدايه ولقيته مو كفو يحمل علي الغلط ويتفاعل مع القصه ضدي وكله يعصب وف النهايه نتهاوش
لان كل واحد يبي يقنع الثاني بوجهه نظره
مشكلته هو يشوف اني انا ما افهم شي وهو يتكلم ف اشياء حتى لو مو حاضرها ويقول هي كدا
وانا من اقول معلومة يقولي من قالك لدرجة ف اشياء بديهيه يقولي فيها من قالك ويجادلني لين نتخاصم
لذلك صرت اسكت وما اكلمه كثير صرت انقل له بس المواقف الطريفه
انا مرحة احب الضحك والفرفششه مني نكديه ابدا
ترتيب البيت والشغل والاشياء هذه عمري ماتوقعت انها حتكون محور نقاشي
انا طلبي لمساعدته لي من باب المودة عارفه انه شغلي لكن هو قاعد
وانا قاعده احضر لي وله وتعبانه ومداومة وصايمه
ذوقيا مو حلوة في حقه ياخي حتى لو شغاله بتجي تقولها وش اساعدك
انا لو هو قاعد يسوي شغله مالي دخل فيها مثل تصليح كهربا اوقف جنبه واحاول اساعده بالي اقدر عليه
الموضوع عندي ودي ومن باب الذوق والمحبه مو اجباري لكنه وللاسف عديم الذوق وعديم المروؤة
انا عاًرفه اول سنة لازم فيها اختلافات لكن انا زوزجي كيف راح نفهم بعض واحنا ف كل نقاش نتهاوش!
في كل شي بلا استثناء والمشكلة منه مايحب يتفق معي حتى ف اشياء منطقيه
حاولت اتكلم عن الطبيعيه عن الحياة العامه مايتفق معي ابدا لو يقول شي مو منطقي افضل انه يوافقني
وطول وقته صار ع الجوال والتلفزيون اقعد معاه يرد عليه بعد ساعه
وهو اصلا ماقاعد يشوف شي مهم بس يتهرب يتهرب مني كثير
يتهرب من الكلام معي يفضل نكون ف جمعه ع انو نكون انا وياه لوحدنا
اقوله نطلع نتمشى يقولي وش رايك ناخذ اهلي او اهلك اقوله احنا تونا عرسان
لاحقين ع الجمعات خلينا ننبسط انا وانت بس لكن يتهرب احس ما احب ينفرد معي الا بوجود شي
التلفزيون اساسي والجوال اساسي
ماعرفت كيف اوصل له واتفق مع الاخ رعد المكي اني انا القائد الفعلي لكن هذا شي متعب برضو
كوني ابطن كل الكلام والافكار الي ابيه داخل كلام عشان حضرته مايفهم انها افكاري
مشكلتنا شخصياتنا جدا مختلفه انا اتعبني ذكائي الي مخليني اكتشفت كل شي فيه
وهو يتهرب دائما من اي احد يفهمه اقولكم موقف
فتحت التلفزيون ع برنامج يتكلم عن ذوقايات دينيه منها الشكر والسلام كلام عن الذوق
هو مو قادر يسمع هالكلام كل شوي يقولي غيري اقوله خليني اسمع
يقولي هالكلام انتي ماتطبقينه ليش تسمعيه
قلت اسمعه اليوم بكرا اطبقه مايمنع
يقول غيري بس انت وين ووين هذا الكلام
قلتله تقصد نفسك صح
قال اي انا ما اطبقه بس غيري خلاص
قلتله انا اذا ما اطبقه عندي الشجاعه اسمعه بس انت حتى ماعندك الشجاعه تسمعه لانه يحسسك بالنقص للي فيك
عشان كذا تتهرب منه
قام يضحك بسخريااء وانا عارفه اني قلت الي هو حاي فيه بس يمكن اسلوبي غلط
وقيسو ع هذا للمثال كل كلامنا انا صريحة وهو يحاول يخفي
زوجي الله يصلحه فيه جهل جهل كبيرر مع عناد وتكبر كل مشاكلنا بسبب جهله
والمشكله الاعظم انه يشوف الناس كلهم جهله واغبياء وخصوصا المراه وبالاخص زوجته الي هي انا
كم مرة بعد كم خلاف اوضح له كم نظرته هذه تؤلمني وانا كنت انتظر شريك حياتي يفتخر فيني مو يحقر مني
اقوله انت كنت تبي وحدة جاهله عشان تتفسلف عليها ليش اخترتني
اصارحه كثير وكل كلامي يجي ف الصميم بعدين يقولي انتي لسانك وسخ وكلامك قوي وجارح
اقوله انت الي كلامك وسخ انا عمري ماسبيت يقول اي ماتسبين لكن كلام قوي ومو زين
انا اعترف ان زوجي طيب وع نياته
عاش طفولة قاسيه لانه كان شقي ومفرط ف الحركة ف كان تحت الضرب والتوبيخ دائما ف ظل جهل اسرته ف للتعامل
مع الططفل الشقي ووجود اب ومربي شرقي قاسي لايفهم غير لغه الضرب والتسفيه
اثر هذا ع قدرته ف الفهم الصحيح لان كل شي كان يتلقاه بالضرب والعنف
ونتج عنه قساوة مو طبيعيه زوجي قاسي جدا لو راني اموت امامه ما رواني شربة ماء يراني اموت الم
وتعب وصداع ولا يكترث ابدا واكتشفت ان ضميره لا يؤنبه ولا يفكر كثير
سوف اسكت الى بعد العيد لكن كما اسلفت زوجي لا يفكر ابدا ولن يحدث شيئا
كيف اتصرررف
للي سالتني تحبيه سؤالك صعب انا اتوقع لو عاملني كويس بحبه وبموت فيه لكن زوجي اشعر ان يخاف من الشخص الي يحبه
لدلك يحاول قد مايقدر مايخليني احبه
وانا شخصيه لا اتعلق بحب سريعا
كان ف مواقف كثيرة اشعرتني بحب معه وتوصلت لمرحلة الغيرة عليه
فرح كثيرا اني ااحبه واغار عليه لكن سرعان ما اتعمد بتجاهل حبي وغيرتي ف سحبت مشاعري
انا اريد ان اسعد بعائلة وبيت دافئ جيد لكن زوجي يضطرني ان افكر ف الانفصال مليون مرة
ووخصوصا انه غير متمسك بي وف اول خلاف فضل الهروب من علاقتنا
فكرت اعطيه فرصه لين ست شهور لاني خايفه المواقف الجميلة تكثر بينا ويصعب ع نفسي نسيانها
واحيانا افكر ان احمل وارزق بطفل لاني نفسي بطفل اقلها يكون ثمرة حياتي ف حال لم اتزوج بعد طلاقي

تراك قاسية وردودك جافة
وعندك حب سيطرة موب طبيعي
الرجال نفر منك من فضاضتك
يبي لك سنين عشان تغيرين
عمري ما وقفت ضد امرءة تكتب مشكلتها
بس انت الخطء فيك واضح
ما ابي لك الا الخير

كان في بالي شغله وكنت اقول لا غلطانه بس بعد ردك الاخير تاكدت ان الي افكر فيه صح
باختصار مشكلتك انتي لاتملكين اي احترام داخلي بنفسك لزوجك
( ممكن السبب انك انجيرتي عليه او اختلاف البيئه والعائله او اي سبب اخر)
عدم احترامك له بعقلك وداخلك( ماتكلم هنا عن الحب ابداً اتكلم عن الاحترام المتبادل بين الاشخاص) عدم احترامك واضح جداً جداً في ردود افعالك تصرفاتك اشارات جسدك ربما مو في الكلام غالباً لانك تتحكمي في الكلام لكنالافعال وتعابير الجسد والنضرات والتواصل النفسي والحسي( الانفعالي) يستحيل ان تتحكمي فيه فيصل كلماتفكرين فيه لزوجك من خلال هذي الاشارات
وهو رجل تاتي ردود افعاله قويه جداً حتى لايشعر بانه مهان او في موقف ضعيف
ولو سئلتك ان ترجعي بذاكره لبداية زواجك الا ان من صاحب الاراء المنطقيه او الصحيحه المتحكم بافعاله الاكثر كسباً لنقاش لقربه من المنطقيه والصح الناقد بصمت الموجهه بدون ان يشعر بافعال وليس اقوال سيكون انتي وهو تشتت امام شخصيتك الناقده عليه
حبيبتي لااقول هذا الكلام لالومك او اقول انتي السبب ربما الضروف المحيطه هي السبب لكن حبيبتي حبيت ابين لك هذه النقطه واسئل الله عز وجل ان ييسر امرك

شكرا ع صراحتك
وماجبتي شي جديد ان ذكرت ان فيني عيوب واني ماعرف احتوي وصريحة وانا يبغالي ع كلامك سنين عشان اتغير اجل هو كم يبي له يتغير
انا ماطرحت مشكلتي عشان يوجه لي انتقادات انا طرحت مشكلتي اريد حل وهل الطلاق هو الحل اما انتظر الى بعد العيد؟؟!!

لا اختي العزيزة انا احترم زوجي واكن له احترام كبير بالعكس
لكن هو من يستفزني بالكلام دائما كلامه اسلوبه يخلوني ارد بقساوة
ماترك لي مجال غير هذا الاسلوب
اما عن حركاتي ربما هي طبع فيني وكل من راني يقيمني اني مغرورة ومتكبرة لكني عكس ذلك
وكل من يعرفني عن قرب يغير رايه فيني
لكن زوجي مستفز جدا تخيلي شخص فقط يسفه فيك انت ماتعرفي ومين قالك
واسكتي بس ومن هالكلام وانتي قاعده تتكلمي بكل اذب واحترام طبيعي راح تقلبي طريقه كلامك
وتكلميه بنفس طريقته عشان يفهمك
احيانا عشان بس يستوعب وش يسوي فيني اعيد له سيناريو كلامنا وارفع من درجة صوتي نفس كلامه يعصب يقول انا ماقلت كذا

حبيبتي ارجعي لكلامي انا قلت تحترمينه بالكلام لانك قادره ع التحكم بالكلام لكن ماتحترمينه بردود افعالك باشارة جسدك بلغة التواصل بينكم
حبيبتي اقسم بالله احنا مو ضدك احنا نحاول ندور حل بوجهة نظر محايده
احنا طرف محايد مانعرفك ولانعرف زوجك
نحكم بكل حياديه
اذا من خلال الكتابه يعني بدون نبرة صوت وبدون تعابير الجسد واضح للجميع انك ماتكننين له بداخلك اي احترام حتى لو انكرتي فمبالك برجل يجلس امامك ؟؟ مليون في الميه بيكون حس هذا الاحساس ووصل له وهو سبب رداة افعاله ونفعاليته وتصرفاته
حبيبتي انتي قلتي تعترفين انك عندك اخطاء ومن فينا الكامل جميعنا خطائون
راجعي نفسك قبل تردين قولي ربما هم صادقون ربما انا في مرحلة بحث عن حلول ربما هذا هو الحل

الحل بايدج

بكمل اشغالي وافتح الابةوب وارد عليج
لكن موضوع الطلاق شيليه من راسج
انتي الخسرانه
بعدعا بيتزوج الرجال وةبتعرف المراة الجديدة كيف تتعامل معاه وبتكسبه
زوجج محترم ولاتفطرين فيه
انتي خفي عناد و ذكاااء
هذا يمشب فمجال العمل أما مع الزوج لاااااا ... مستحيل تلاقي رجال ينفع معه هالاسلوب
حطمتي الرجال
كلامم فوي جدا جدا .. لو حد بمكان زوجج كان رد عليج واهانج

لي عووودة