اعمل ايه دلونى اخواتى في الله؟؟!!!! - منتدى عالم الأسرة والمجتمع
logo

الملاحظات

المقبلين على الزواج مواضيع تهم المقبلين على الزواج من الرجال والنساء

 
قديم 19-05-2008, 01:08 PM
  #1
kindelybaby85
عضو جديد
تاريخ التسجيل: Mar 2008
المشاركات: 26
kindelybaby85 غير متصل  
icon40 اعمل ايه دلونى اخواتى في الله؟؟!!!!

السلام عليكم ورحمة الله وبركاته وحشتونى كتير اخواتى واخاونى ف الله
كيف حالكم اجمعين اللهم جعل السعد بابكم والفرح مبتغاكم ورزقكم من الخير ما لا تحتسبوا عليه ياااااااااارب لناولكم اجمعين ان شاء الله
اتتزكروننى ؟؟انا ......وفرحى كمان شهر ان شاء الله انا الى اصيبت بورم حميد بالصدر يارب تتزكروننى
انامحتاجة لكم اوى بجد
مش عارفة اعمل ايه بالضبط؟ولا ارضى مين؟وازاى اكبر دماغى زى ما بيقولوا لى ومبقاش حساسة اوى واخد كل حاجة على صدرى ؟اخبرونى من المخطأ اا ولا اهلى ولا خطيبى؟من بالضبط
انا مخطوبة من شهر 1 ف نهايته بصراحة انا باحب خطيبى اوى باحبه لانى فعلا لاقيت معاه الحب والحنينة والامان والاخلاص والوفاء والامانة والخوف عليا لاقيت فيه كل حاجة كنت باحلم بها.
بجدصدقونى لما بابكى رغم انه مش جمبى بس باحس به وهوبيحضنى ويضمنى اوى ويطبطب عليا
لما باتعب بالاقيه جمبى وهومش جمبى بس باحس به اوى
لما بافرح بالاقيه فرحان معاى ولما باحزن باحس انه بيموت جواه ف كل لحظة انا بعيدة عنه فيها
انا وهو قربيبن ف السن من بعض بنا سنة واحدة بس بجدهوكل حاجة ليا
بس كل مدى يحصل مشكلة "اهلى"؟
بابا شوية الاقيه مبسوط اوى وبيبقى عاوز يجيب لى نجمة من السما وشوية الاقيه يزعق ويشخط فيا كتير اوى
بابا بيقول على طول كلام وحش عن خطيبى وانا مش باقدر اسمع الكلام ده واسكت يقول انه بخيل ومش عارفة يفرح بنتنا بهدية وهوجاى زى بقيت زميلاتها بيقول انه مش عارفة كلام بجد مش عاوزة افتكره
ان جه خطيبي يزورنى عادىكلنا بنقعد كلنا مع بعض بس ساعات ابقى محتاجة اتكلم معاه لوحدى او يتكلم ف حاجة محرجين نتكلم فيها وسط الاهل مشمعنى كده انى اختلى به لالا لانى عارفة انه مينفعشى لانه لم يكتب كتابى بعد بس هما مرة يدونى فرصة للجلوس معه والتفاهم باى شىء يخص الزواج والبيت والاسرة وخلافه وشوية لاء
وان اتصل بالتليفون ممكن يطول معاى وبنفتح باى موضوع هام يخصنا بابا يزعل ويزعق ليا "انتم بتكلموا بالساعة بتقولوا ايه؟هو مش بيكفيه انه بيجى من وقت للتانى للزيارة"وهكذا...
ان طلب نخرج سوا بابا يعملها مشكلة ويقول"وافرضى خادك الشقة هناك اصل شقة الزوجية بمنطقة قريبة لمنطقتي وان كان فيه خروج او شراء لاى شىء بتم بهالمنقة الي بسكن فيها واه لو خطيبي قال نخرج بتبقى مشكلة مش لخطيبي لاء لانه مش موجود انا الى ف المقدمة انا الى قدام بابا يزعق وكأنه مش واثق فىولا واثق بخطيبى"
طيب ازاى امال وافق على الخطوبة ليه؟؟؟
كم مرة بابا يزعق ليا ويشخط وانا حساسة جدا ومش باحب حد يزعق لى لانى بابكى باستمرار وللاسف محدش بيحس بيا
بابا جهز لى مطبخى والحمد لله جهزه على قدر استطاعته وانا والله لم اتدخل ف شىء من تجهيزاتى يعنى مش عاوزة احس انى باطلب حاجات فوق قدر المستطاع
بسيب بابا يجيب الى هو عاوزة وشايفه انه يناسبنى حتى اللبس ماما تجيبه لى وانا مش باختار غير اللون بس
حاجات كتيرة اوى نفسى اجيبها بس للاسف مش باقدر اقول هات علشان مكلفهوش
وماما كل شوية تقولى معتيش تكتبى لكى حاجة ناقصة كفاية ان باباكى جاب لكى الاساسا والحاجت التانية يبقى جوزك يكلمها لكى
لسه اخاوتك البنات واخاوتك الاولاد عاوزين زيك
باحس انى تقيلة اوى عليهم
صدقونى لو قلت لكم ان فيه حاجات ناقصة لى ف الملابس بس مش قادرة اجيبها ولاقيت بابا امبارح بيقولى اختك عندها لبس مشعاوزها خديه يابنتى بدل ما اشترى
حسيت بالاهانة
ابقى عروسة وحاجات عندى اتلبست ومن اخاوتى
وكأنى مش بنتهم
انامقدرة التكاليف والغلا بس مش توصل لدرجة انى اخد لبس من اخواتى لبسوها هما قبلى واخدها بحجة انى كأنى اشتريتها واخدها لشقتى
مش هيجى لى عين البسها ولو لبستها مش هاحس بحلوتها ف جسمى لانها مش بتاعتى ومش جديدة
حاسة انى مظلومة اوى هنا ف البيت لانى اول واحدة اتخطب ف البيت والتحكمات زايدة اوى معاى ف الدراسة والتخرج حتى فالخطوبة كمان والجواز
حاسة انى اخواتى هيخدوا حقهم من بابا تالت ومتلت
لان خلاص بابا جرب فيا وعرف ولو فيه حاجة كانت ناقصة عندى هيكملها لاخواتى
اخاوتى لهم نصيب اكبر كتر منى لانهم كمان يعرفوا يقولوا اه ولاء
لكن انا لاء انا على طول مطاطية راسى اقول اه وخلاص الى انت عاوزة يابابا مش بادخل ف حاجتى بتاعتى مقدرشى قول راىء لانى مقدرشى اقف قدام بابا وارفض له طلب او اقول لاء
علشان كده محمدخطيبى حتى زميلاتى يقولوا لى انى جبانة وماليش شخصية قدام حد من اهلى
بس انا باعمل كده مش علشان خوف وجبن زى ما بيقولوا لى لالاء
انا باعمل كده لانى واثقة ف ربنا ان هيصبرنى واه هيجازينى خير على تحملى هذا وانه مش هيسبنى لوحدى وهيدينى على قد نيتى وانه هيعوضنى كل الخير يارب
وكون ان بابا متهم خطيبى بالبخل هو يمكن شايف كده بس انا دايما اقول يمكن مش معاه فلوس يمكن خايف يجيب لى زى ما حصل مع خطيبته الاولى وبعدين الموضوع انتهى والى جابه راح يمكنوالدته ماعطتش له فلوس
اصله والده متوفى وامه ماسكة هى الفلوس لحدما يتزوج هوله اخت واحدة بس
فيمكن امه مش بتدى له فلوسوزى ما هى قالت لى قبل كده بتدى له على قد المصروف فقط
ممكن يتحرج يجيب منها ويقول لها علشان اشترى هدية لانجى
بس انا مش عاوزة هدايا ولا لبس ولا اى حاجةانا عاوزاة راجل يحافظ عليا ويخاف عليا ويحتوينى ويحيبنى بجد يواخلاص وبصدق
بس اهلى مش عاوزين يفهموا كده
مجبش لكى ليه زى زميلتك الى خطيبها جاب لها كزا وكزا هى مش احسن منك
بس انا عمرى ما بصيت لحد ومبصتش على حاجة مش بتاعتى
انا على طول راضية بالى قسمه لى ربنا ولوهو بخيل زى ما بيقولوا انا هاصبر واكيد ربنا هيعوضنى خير كتير اوى لانى عمرى ماطمعت وعلى طول راضية باى حاجة وباقل حاجة
والحمد لله على كل حال
يعنى تايهة بجد اوى
وكل حاجة كانت بحصل بينى وبين اهلى على طول باحكيها لخطيبي لانى مش باعرف اخبى وبيبان عليا بسرعة ف صوتى او شكلى وهو الوةحيد الى بيسمع لى وبيفهمنى
وبيستحمل كل حاجة بتحصل علشان هو شارينى اوى بجد وبيحبنى ومش قادر يتنازل عنى بعد ما لاقانى
وربنا يسهل الفترة دى ان شاء الله
كمان فيه مشكلة انا اتعودت انا وحدى انى لما اسلم على حدكبير بالسن ابوس اليد
ولما كنت بابوس يد جده وجدته بابا بيعملها مشكلة ازاى ابقى معاى كلية مرموقة خريجة بامتياز ومن الاوائل وانحنى وابوس اليد
انا عودت نفسى على كده بس هو بيزعق لى وبيعملها الف مشكلة ومشكلة
ايه العمل؟؟
لوجه ف يوم جده عندنا ابوس ايده ولا لاء؟
اسمع كلام بابا ولا ابوس والى يحصل يحصل
اناوالله متواضعة جدا وراضية والحمد لله ومش متكبرة بس كل ده بيجى على راسى انا
وانا بجد مش باستحمل اى حاجة
اعمل ايه قولوا لى؟؟
ارضى اهلى ازاى؟؟
وازاى اجيب الى نفسى فيه واتكلم واختار زى اى عروسة وف نفس الوقت يكون اهلى مقتنعين بده؟
ازااى اكبر دماغى ومبقاش حساسة زيادة عن الزوم؟؟
اعمل ايه ؟؟
انا بالجأ الى الله ف كل حاجة ف السراء والضراء وباحمده والحمد لله
بس ايه الحل؟؟
اخواتى ساعات بيجى عليا وقت اتكلم مع خطيبى بالموت وانى ممكن اموت باى وقت
ساعات اقوله انا لما اموت انت هتعمل ايه؟؟
انت هتتجوز عليا؟
ولوجبت اولاد ومت وانا باولد انت هتجوز وتجيب لهم ام؟
انت هتخلص لى وتحبنى زى ما باحبك ولا لاء؟
لواناربنا مقدرشى لى انى اخلف هتسبنى ولا لاء؟
هتتجوز علا ولا لاء؟
ساعات كتير بيجى لى هواجس غريبة بتتعبنى وبتنكد عليا حياتى وحياة خطيبى لانه مش قادر يستحمل يسمع منى كلامى دى وتشائمى واكتئبى
انا على طول حاطة بدماغى الموت باى وقت ودماغى مشغول على طول بالفكرة دى
وبقيت افكر فيه ف خطيبى هيعمل ايه لو سبته او لقدر الله لو هو راح منى
وبابكى كتير اوى
ايه لحال؟
انا تعبانة اوى من كل حاجة
كونى انى ابقى راضية باقل حاجة وباحمد ربنا مش عاجب والدى ووالدتى؟
كونى انى ابقى بافكركتير ف ياتى ومستقبلى مع زوجى مش عاجب حد؟
يقولوا لى اطلبى منه يجيب لكى هدايا زى زميلاتك وخطابهم بس انا مأدرشى اعمل كده؟
لنى مش هاحمل حد فوق طاقته
وفنفس الوقت هو لو شايف انه هيعمل لى حاجة ويجيب لى حاجة تبقى من نفسه
بس كلمة ف الله هو شارينى اوى اوى بجد ومستعد يعمل اى حاجة ترضينى بس نبقى مع بعض علىطول
وانا باحبه بجد ومستعده اعمل اى حاجة علشان يبقى معايا على طول
اقول ايه بس
انصحونى ايه احال؟
واعمل ايه مع اهلى؟
وازاى امسك نفسى وماادافعشى عن خطيبى لما بابا يجى يتكلم عليه كلمة وحشة؟
لودافعت يبقى محمد هو السبب وهوالى خلانى اعص اهلى وضحك عليا بكلمتين ولو سكت بابقى مش مرتاحة وضميرى تعبان لانى سمعت حاجة غلط مش بحقه
وده هيقى جوزى يعنى كرامته من كرامتى
اعمل ايه افيدونى بالله عليكم



الاشراف : يمنع ذكر الاسماء والمناطق

التعديل الأخير تم بواسطة !!حنيين!! ; 19-05-2008 الساعة 04:04 PM
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:08 PM.


images