السلام عليكم
حقيقه متضايقه
ومو حابه اعكنن على نفسي وعلى غيري بهالشهر الفضيل
لكن متضايقه
وماعندي غيركم بعد الله تعالى
مشكلتي والي فعلا ازمه وماادري ليه هي ازمه
البيت والغرفه الي انا ساكنه فيها
دعواتكم لي بالزواج احس هذا الحل الوحيد بمشيئه الله انه يكون لي مكاني الخاص
خاصه العقار نار والاموال الي جمعتها ماتجيب ثلثه
واهلي رافضين اطلع واؤجر لوحدي وانا طبعا ادري هالموضوع مرفوض جمله وتفصيلا
طيب والعمل اشتكيت لاخوي قال امي وابوي كبار بالسن ولا تضايقينهم بهالمواضيع
غرفتي ضيقه جدا ولافي مجال لتغييرها اغرلضي اذا حطيتها بالمخزن اجي القاهم رامينها
واخر شي حاجه غاليه جدا خربوها علي
يعني لازم اجمع كل شي بعالغرفه وهي بالاساس ماتتحمل.
الشباك الي فيها ماينفتح لانه يطل على الجيران
ومخنوقه انا مخنوقه بهالغرفه
انا لا استحق اعيش بهالمكان
امكاناتي الماديه كويسه الحمدلله ومنصبي جيد بفضل الله
مااستحق هالوضع
اهلي مثل ماذكرت رافضين يبون يغيرون يشترون بيت
ماذا افعل
انا اصرخ ماذا افعل
محد بسمعني ولا احد مقدر نفسيتي الي تعبت
مخنوقه متضايقه وحاسه بقله حيله
طبعا غرفه اخوي المتزوج ماقدرت اخذها ابدا صارت دراما بسبتها
فماادري وش اسوي
وش تنصحوني
اتناسى واتعايش وانا منقرفه من الوضع
اصبر ويمكن تمر سنوات ثانيه
انفجر وازعل واكبر الموضوع يمكن يحسوا
كلمت اهلي اخواني اختي وبكيت وماتغير شي
اهرب من بيتهم يعني

يااختي فيه مجال تبنين فوق السطح ..!؟
المباني منخفضة التكاليف لاتكسير ولا صب خرسانه ولايحزنون عباره عن حوائط طابوق بسقف ساندوتش بانل ..!!!! وسهل وغير مكلف لو تعملي غرفه او غرفتين مع دورة مياه مخزن مكتبه الي تبينه والحمدلله...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

شكرا للرد اخ متواصع
مافي مجال لانهم بالسطح اصلا بانين غرف للشغالات ومخزن زي البنيان الجاهز الي تقول عنه
وهل البنيان ابدا مايصلح يبنون فوقه بعد
الحل انه تهدم اجزاء ويعاد بناؤها وهالمره جدا مستصعبينه
اخويا يقول بنعملها لكن يلعب علي ويهدي الوضع ليمن اسمت
وارجع انفجر من جديد

في مجال تفصلين شاليه او مايسمى صندقه او غرفة كيربي تفصال ويتم وضعها برافعه للسطح لو قياس 3٪3

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

سطحنا صغير مره مايجي ميه او ميه وخمسين متر ومشغول بالكامل بغرفة كيربي للشغالات وغرفة كيربي للمخزن
ممكن السطح خيار اذا نشيل الكيربي ونبني خرصانه لكن وين بيرحون الخدم و المخزن
واصلا ماراح يرضو
سؤالي اذا غرفة ارضيه كيربي هل يصير ابني فوقها غرفة ثانيه كيربي
مشكلة اهلي بنيهم عشوائي بانين غرف ارضيه وسقفها كيربي ويقولون مايصير نبني فوقها دور ثاني نخاف تطيح ، ولا راضين يهدو الكيربي الارضي لانهم عاملين بخساره كبيره جدا وديكورات وشغل متعوب عليه فماراح يهدوه لعيوني مثلا ، بس هذا مجال البنيان الوحيد الي اقدر عليه
الجهه الثانيه اخويا المتزوج والله يعينه بعد ماراح اضايقه بشقتهزيادوبك تكفيه
وعرفه اخويا المتزوج الي ماراح يتنازل عنها وانا ماابغاها

بين عشية وضحاها يبدل الله من حال إلى حال
أكثري من الاستغفار أختاه
إنشغلي بختم كتاب الله في رمضان
أكثري من الدعاء في السحود
يسر الله أمرك

__________________

أليس في صحبة المتقين طمأنينة ؟ !! لماذا نغالط أنفسنا ؟!!

اللهم امين
يارب يبدل حالي الى احسن منه حال
تعبت

سؤالي اهلي ماياثر فيهم الا المشاكل وتصعيد الامور والزن
يعني عندي حلين
يااسكت وانقمت بهالمكان عشان اكون انسانه باره باهلي ولا ازعلهم
او اتكلم واتمشكل واتطالب معاهم واصعد الموضوع بشكل كبير ساعتها بيريحون راسهم وينمكن يسوون الي بخاطري وارتاح من هالوضع ....لكن متاكده بتكون هناك خساير بشيلون علي ويزعلون علي ومو بعيد يقاطعوني
بصراحه مدري شسوي
مافي الا هالحلين وش تشيرون علي

ما راح يقاطعوك ولا شي
كلميي ابوك او اخوك واشرحي الامر بكل هدوء
والا خذي جزء من غرفة اخيك وضعي بعضا من اغراضك بطريقة منظمة كي لا تزعجه

متزوج وعنده بيته لما يجي يكفيه سريره
ذكرتيني بحماتي كل واحد من اولادها محتفظ بغرفته وعنده بيته
وانا وزوجي واولادي في غرفة
في يوم اخترت اقرب غرفة فرشت لاولادي فيها
زعلت في البداية
قلت لها يرضيك الغرف فارغة واحنا اربعة في الضيق
لم تجد ما تقله
مرات يجب ان نتصرف دون ان نتكلم مع من لا يفهمنا

مالومك بتصرفك الضيق بدون سبب سيء
والظلم اسواء
المشكله غرفته كلها كراكيب
هو مخليها زي المخزن لاعراضه وكتبه حتى ثلاجه فيها وينام فيها
ابدا مافيها مجال ينحط فيها شي
مع انه في حاجه بغرفتي بنقلها لغرفته بس بعد رمضان او برميها