الســلآم عليكــم...

ودي اطرح مشكلتي الي محيرتني’’ومعيشتني جو حزيــن |

مشكلتي مع زوجي

المشكله من اليوم الثاني من رمضآن

وانا وزوجي ساكنين في مدينه بحكم عمله واهلي واهله بمدينه,,

المهم جينا للمدينه الي فيها اهالينا وقعدت انا عند اهلي وهو عند اهلوه.,وجا لمي لبيت اهلي علشان ياخذني زياره لبيت اهله
وهنا حصلت المشكله كنت في الصاله بيتهم وام زوجي مو موجوده طالعه وبترجع

وجالسه انا وزوجي وابو زوجي ودق تلفون الثابت ورد احد اخوان زوجي الصغار,,وقال دكتوره تبي امي ورد زوجي وبابتسامه وضحك واخرتها طلعت بنت عموه الكبيره بالسسن شوي تستهبل وهو كان معي بالسياره سكت ولا كلمه كأنه سامع شي عني ,,

ونا قمت من الصاله رحت للمجلس بحكم جوالي نسيته بالمجلس..
ورحت ارسلت مسج قلت ليش انت اسلوبك معي من جيتنا للمدينه هذي انت رسمي معي وقت ردتك للتلفون مبسوط ليش كذآ؟ انا تعبت من هالاسلوب

ومن هالكلام..

ودخل علي المجلس لحالنا قال انتي مو راضيه يعني قلت مو مسأله كذا؟قال يلا بيت اهلك..ونا انفجعت ونا كنت ناويه بقعد مع اموه بساعدها بالمطبخ ..

ودخلت السياره وهو يهاوش يقول انتي اخر همي قلت وش تفهم امك قال تفهمها طردهـ قلت ليش.,
ونا استغربت من طريقته المفاجئه..
وقلت مابيك توصلني وطلعت من السيارهـ قلت مابيك توصلني..حركتي غبيه حسيت اني اغبى وحده بالعالم آآه بس وش ينفع الندم..

بعدها كلم ابوي قاله كل شي انواع السب فيني,, بصراحه اشياء بيننا تصير مثل الغيره تصير كل المتزوجين عادي واشياء محلوله وخالصه..كل شي.. ماخلا شي فيني

وقال ابرجعك لبيتنا ابوك بياخذك.. وهاوشني قدام اخوانه الصغار خلانى ما اسوى..وقدام امه وابوه قال اني سفيهه واني واني ونا كنت ساكته بس بأخرها ضغط علي بكلامه قالي ليش سكته قولي
قلت انت مو واثق من نفسك ولا رجولتك تقول لابوي كلام تافهه عني وتسبني وتفسر الامور ع كيفك..
>الكلمه هذي قويـــه> بس قلتها غصب عني > آآه بس
وقلت بعد انا كلمه قويه ثانيه قلت خلاص دامه مايبيني انا بعد مابيه ابيه يطلقني,,

ووداني للبيت ابوي ابو زوجي مع ام زوجي.. ونا بالسياره بحاله لا يعلم فيها الا الله

احس اني بكابوس واستقبلني ابوي آآه بس ابوي ماصدق خبر قالي انتي وانتي طبعا انا ماودي احكي بأي شي..

وبعدها بأيام دق ابو زوجي ع ابوي وقاله بنتك فيها وفيها والي تسويه مو سوايآ ناس عاقلين..

وابوي قال البنت معصبه ماعندها خبره بالحياه وان شالله تعقل.. ومهما كان ترى البنت تبيه..

وسكرت السالفه
بعدها بكم يوم حاولت ادق ع زوجي ابتفاهم معاه ويحطلي مشغول ومايرد علي ابدآ

ودي اعرف وش تاليتها ابوي ماعطاني وجه يقول ليش تبيني اترجاهم خلاص الي قلته انك تبينه ونك اخطيتي والولد اخطا انه يجمع عليك مشاكل ومايحلها بنفس الوقت..

وبعدها خليت وحده من خالاتي تدق ع امه قالتلها انا البنت غلطانه ون بعد هو غلطان بس مهما كان بينهم ولد ماله داعي السالفه تكبر من هالكلام.

قالت ام زوجي وبأن زوجي راح للمدينه الي احنا ساكنين فيها,, لحاله,,

قالت ام زوجي ان حنا نحاول فيه بس مصر ع كلامه..

وقالت ان شالله بعشر الاواخر برمضان بتنحل الامور اذا جا

وقلت انا يلا ابصبر وش تاليتها وكنت بحاله نفسيه الله يعلم بها نحفت مرررره وشهيتي مسكره
اغلب اللحظات ابكي اذا تذكرت ايامي معاه واخرتها قبل جيتنا للمدينه كنا في الطياره سمن ع عسل,,

وبعدها دقيت ع خالتي ام زوجي قلت ابي ولدك >زوجي ابيه يجيب لي اغراض من شقتي ضروريه

قالت بيجيبهم بس الي فهمته منها الاغراض كلها,,

وقلت شكله ناويها نيه..ونصدمت وقعدت افكر فيه وبأيآآمي معاهـ

تعبت تعبت مــــــرهـ

الاقيها من التفكير ولا من ابوي اذا شافني انواع السب فيني وني فاشله بحياتي ونا ماحترم زوجي ولا اهله واني واني قدام خواتي.. واذا طلعت مكان يحاسبني قال اذا مافيه زوجك الحين انا.. وانتي عنيده مو عاقله آآه بس,,

وجت الفاجعه الكبرى وقت جيته العصر اول ايام الاجازه دق ع ابوي قاله جبت العفش

وجاب العفش كـــــــــــــلــــــــه وقاله ابوي ادخل نتفاهم قال لا ماراح ادخل بيتك وقال ابوي لازم اعرف الاسباب
وقاله اشياء تافهه تحصل بكل بيت مافيه ولا مشكله تهز بالشرف والاخلاق يقول اني اسأله وين يروح وين يجي بالله هذي مشكله انا اذا دقيت عليه اقوله يجيب غرض انا عجزت اتذكر ان هذا الامر يزعجه..

واشياء والله مدري منين جابها؟؟

ويقول بنتك مابيها تكشخ لي ابيها بأخلاقها بنتك ماتربت ؟؟ ليش انا مدخله دشير ببيتي ولا ايش..
وربي النعمه اني شاطره ببيتي اغسل واكوي وانظف اتحدى يوم مايلاقي البيت نظيف يوووووووه واذا جوني ناس من اهله احطهم فوق راسي ولا عندي شغاله انواع الكرف قسم بالله اتعب تعب موب صاحي..
ابيض دايم وجهه حتى اصدقائه ماقول زي بنات ابي شغاله موقته حتى ونا حاآآآمل آآآه بس من الكرف قعدت يومين مامشي وجاني نزيف وقت جيت اهله,,

يعني من وين جاب كلمه ماتربيت؟؟علشان كلمه بلحظه غضب.. انا طبعي عصبي بس ع نياتي واهله يشهدون دايم يقولون ع نياتي.. قلبي ابيض مو خبيث..

آآآ هـ بس

وجا لمي ابوي قالي هالكلام مره ثانيه بس بلهجه قويه ليش تسوين كذآ تفشلين الرجال قدام اهله وليش انتي يقول عنك انك شكاكه وغياره ودايم مبرطمه..

فعلا انا جتني فتره نفسيتي مو مره علشان الحبوب منع الحمل بس تركتها بعدين عادي..

وبعدها كل ماشوف اغراضي اتعب نفسيآآ واتذكر استقراري السابق البعيد عن وجع الرآآس من ابوي وكلام الناس الحين اني متهاوشه مع زوجي وقاعده ببيت اهلي اتعب زيآآده

وقال لبوي ان فيه امور تصير بعد العيد

ونا طول وقتي بالعيد اهوجس والناس مبسوطه

بعدها جدتي الي مربيتني ونا صغيره قالت لي وش فيك وعلمتها بعدها دقت ع ام زوجي وقالت لها قال ام زوجي مو صاير الا الخير..

وقالت لي جدتي انهم بيأدبونك كيف تأديب وكل شي يخصني جابه حتى رقم بأسمه فصله.. وجاب جواز السفر وبطاقه المستشفى.العسكري.. الي تخصني

واخذو ولدي بعد العيد وجابوه من بكرى جابه ابوه كنت فبيت جدتي دق ع ابوي وابوي كان مسافر وجابه وجاب اغراض حقت ثلاثه شهور حفايظ وحليب وفلوس بالشنطه واغراض لي ببيت اهله..

انا الحين ماعرف مصيري احس اني معلقه او انتظر المفاجئه..انا تعبآآنه ماقدر اعيش عند ابوي هنا الله يعيني ع تعليقاته لي اذا رحت ولا جيت

ولا ببيت جدتي اذا جو خالاتي الكبار الي مايدرون يدورن شي علشان ينشرونه لفلانه وعلانه الاعداء الي مايبون لي الخير

تعبآآنــــــــه انا كيف بيكون اعدائي اذا عرفو مصيبتي الي ماخذت عيالهم وزعلو مني اني اخذت الغريب

الله يعيني ع نظرآآتهـــم بس

احس الدعوه مطوله تأديبيآآ ولا ايـــش تعبآآنه سآآعدوني ؟؟

بصراحة قرأت مشكلتك..لكن هذه اول مشكلة تواجهني بالمنتدى ولا استوعبها

فيها غموض كثير

لكن اسأل الله العظيم ان يفرج همك وان يعيد إليك زوجك وان يجمعكم تحت سقف واحد

آمين

انتـــــــــــي اختي ؟!

يعني لو ماآدري ان اختي مادخلت النت اليوم ابـد كان اقول انتي ؟؟!!


نفس الي صااااااااار مع اختي تمااااااااااااااااما


وجاب اغراضها كلها كل شي يخصصصصصها وسمعنا انه بس بيأـدبها ..

طلع تزوج عليها وسكن زوجته الجديده ببيت اختي وعلى فراشـها ؟!

اقـولك شي ؟ واقوله لأختـي ولنفسي ولكل بنت ...

اذا وحده تبي تتزوج وجا احـد خطبها تفكـر مليوووووون مره انها داخله على حياة زوجيـه ياااااااااتحاول تحافظ على بيتها وتصبر وماتسوي اشياء تندم عليها بعدين او تريح بالها وتقعد ببيت اهلها ؟؟؟


ياااااختـي انا عندي انتقادات على اسلـوبك ؟

مو دايم شي اسمه نظافه وترتيب يهم الزوج ؟؟ صح انه من الأساااسيات بس بـعد تظل البشاشه والروح المرحه والأسلوب الـزين يهمه ..


اختـي مالك غير الدعــــــــــاء وانصحك تهدين الوضع حالياااااااااا

ولاتقعدين تتخبطين وتدورين من يكلم اهل زوجـك وكل شوي مرسله اهلك او جدتك تتصل

خلاص ياقلبي اثقلي ... وخلي الي يصير يصير ...

لاتقعديـن تدمرين ذاتك ونفسيتك وهالناس اصلا يتعمـدون هالشي يبون يقهرونك بالعربــــــــي ؟!

عالعمـوم .. انصحك تروحين لأبـوووك وتفهمينه وضعك وتقولين كل شي مضايقك من زوجـك ومعاملته ...

على الأقـل اكسبيه بصفك .. اختي سوت كـذا على انه احنـا من داخلنا عارفين انه عصبيتها واسلوبها هو الي خلى زوجها يهجججججججججج منها ... بس هو بالنهايه كان له طرف في مشاكلهم ...

على الأقل كسبة ابـوي وكان ضدها صار معاها وبصفـها .. تماااااااما ...

وسلامتـك ~

__________________
{ احبــــ ـــكم بلا استثنـاء ~

انا مافهمت على ايش تهاوشتوا اصلا ....

يعني انتي غرتي من بنت عمه عشان اتصلت وله ايش بالضبط ....
ياليت توضحين اكثر ؟؟؟؟

الله يعينك على مابلاك أختي ,,


الرجال هذا شكله يدورها من الله ,,


أو إنه حسااااااس جداً وتفاجأ من أسلوبك معاه خاصة إنها أول مرة ,,,


وبصراحة أنتِ غلطتي لما جلستي تحاولين تكلمينه ,, لو جلستي فترة عند أبوك


ممكن هو اللي يكلمك ...

بس خلاص أختي ,,,

أتوكلي على الله ,, ومايصير إلا اللي الله كاتب ,,

" الله المستعان مادري الناس كيف صار تفكيرهم !! أخذين الدنيا لعبة ,, تنفك الحياة عشان موضوع


تاااااااااااااااافة جداً "

اهدي حبيبتي واكيد ما راح يصير الا كل خير،،
ولو اني ما فهمت السبب الرئيسي لخصامكم،س حسيت في تصرفاتك انك متسرعة جدا،،بس بعدين بتندمييين

بس مو بكل الاوقات بينفع الندم،،فاحذري من تسرعك حذرا شدييييدا...
حبيبتي يعني كان ضروري انك ترسليله مسج وتناقشيه ف بييييت اهله،،مهما كانت معاملته جافة هناك،،،
فاولا اغلب الرجال يحبون يسوون حالهم مو مهتمين بالزوجة قدام الاهل حتى ما يقولو انه خاتم في اصبعها وانها بتتحكم فيه ووووووو.....
ثانيا حتى لو ما كانت هادي عادته ،بعمرك ما تناقشيه وانت فبيت اهله او اهلك او اقاربكم،،
ليش ما عندك صبر تكليه بهدوء فبيتكم،ولا حدا يدرى وش للي بينكم؟؟؟

كان المشكل ما كبر،ولا وداك لبيت اهلك ولا جابلك عفشك..
وثاني شي كلامك المهييين قدام اهله،،،يا حبيبتي يآا عمري مهما قال لك قدامهم ما تردي..اسأل مجرب
ومهما يبينولك انك على حق وابنهم غلط ،،،و الله والله بالاخير ما راح يكونو الا بصف ابنهم صدقيني...


انا ارى ان تسرعك بالكلام و التصرفات هو سبب كل شئ،،
الله يفرجها عليك يا حبيبتي و ان شاء الله اذا زوجك يحبك و الله ما راح يهدا حتى يرجعك،،
مهما كنت راح تظلي ام اولاده

ولي رجعة حتى اقولك ما تسوين،لكن لآآآآ تنسي الاستغفار وسورة البقرة ليييييل نهار
و الله عن تجربة شخصية ومشاكل اضعآآآآف للي عندك و الحمد لله داومت عليها وتغير كل شئ للاحسن

مع تحياتي

__________________
استغفر الله لي و للمؤمنين و المومنين ,, الأحياء منهم و الأموات الى يوم الدين

مافهمت اختي الموقف و المكالمة اللي كلمتها بنت عمه الكبيرة و ليش الضحك و ليش الزعل
ممكن توضحي الموقف اكثر

عزيزتي انا اللي فهمته

انك انسانه غيورة مرة وشكلك تسأليه عن كل شي بطريقه توضحي له انك شاكه فيه

فزوجك تحمل تحمل بعدها انفجر

لي صديقة تغار على زوجها غيرة قويه على اتفه الاسباب

لما اغلطها واقول لها مايصير تقول غصب عني وزوجها يتضايق بس الحمدلله عايشين

بس الناس ماهم سوا ممكن زوجك ماتحمل

بالنسبة لك وانتي في بيت اهلك لا تتصلي على اهله ولا تسألي فيه

لأنه موحلوة في حقك خلاص ما قلتوه كافي

وزوجك بالغ في ردت فعله الله يصلح الحال

نصيحة مني كأخت انك تصبري وطنشي الى ان يجي بنفسه وان ما جا والعياذ بالله ما تكوني اهنتي نفسك

واكثري الاستغفار بالليل والنهار وان شاء الله ترجعي وتسعدي مع زوجك

وكل واحد يغير طباعه السيئه اللي الطرف الاخر يكرهها

الله يفرج همك ويسعدك ويردك لزوجك عاجل ليس آجل

اختي الفاضله دنيتي تعب

موضوعك غامض وغير مترابط وحلقات عديده مفقوده من كلامك وغارق جدا بالعاميه
تتحدثين معنا وكأننا على علم سابق بوضعك
كما ان لديك ازمة لغه , فالمذكر مؤنث والعكس صحيح والمفرد جمع والعكس صحيح

كنت اتمنى مساعدتك ولكني لم افهم منه شيئا
ما استطعت فهمه من موضوعك , اسمك المستعار وان لك اعداء

مشكورين حبايبي ع تفاعلكم وشوركم لي؟؟

بس دلـــوني وش اسوي الحين احس رآآسي يوجعني من الهم كل ما انسى اذا تذكرته يضيق صدري لاني احبه احلى لحظات عمري عشتها معآآهـ

اكثر الناس يقولون لي لا تربطين نفسك معها دام اهانكـ وتكلم كلام انك ماتربيتي وعيا يدخل بيت ابوك رافض تماما عيب بحق ابوك خلاااااص اتركيـــــــه ربي يرزقك غيره ياما حرييييييم رزقو برجال احسن من رجاجيلم الي قبل..

بس انا مآآتخيــــــل ابد ابد خاصه معي ولد ماودي يتشتت لأني مجربه..

تعبت والله تعبت احس ماني رآآسيه ع شي واضح وبآآين

شفت ابوي اليوم كلمته وسلمت عليه الي قالي ان زوجي دق عليه بخصوص وقت يرجع ولدي وقت كان عندهم وسولف معه انه يصيد وانه كاشت وبس وماكلمني عن وش صار بوضعي

تعبت والي فهمته من جدتي انه يأدبني؟؟

كيف يأدبني هل انتم تعرفون او مريتو او من خبرتكم حركات التأديب هذي..؟

انا مليـــت من الانتظآآر ع الفاضي وابوي سلبي مايحي يترجى احد ولا يتفاعل معي !!

ولا ودي اهين نفسي زيآآدهـ خلاص سويت الي علي!!

والي قاهرني رقمي الي كل يعرفه من اهله فصله.. فصل مؤقت..!!

شيرو علي وش تتوقعون نهآآآيتهآآ؟؟

لاحول ولا قوه الا بالله