والي يخوف بصراحه شدة اَهلها بخصوص تواصلك معها !!
الشرع معك والعرف معك من إِيش خايفين وانت زوجها ع سنة الله ورسوله

والله يااختي ماتركت شي ، حاولت بشتى الطرق اتواصل معها ، حاولت وحاولت وحاولت لكن ماحولك احد !
ولو شفت وضعها كذا استمر حتى بعد الزواج ، فاللي حلل الزواج حلل الطلاق .



تنقط علي والله
واذا اختي كلمتها وقالت يافلانه بغض النظر انه اخوي ترى هو زوجك ، وانتي مقصره معه ، تدرين وش تقول ؟
تقول: انا سألت ذاك اليوم عنه ( قبل شهر ونص تقريباً ) ،، كثر الله خيرها

والله يعين.

انا مع راي صاحبة السعاادة
هذي عشرة ومن حقك تتكلم معها ووتتعرف على اسلوبها لان مثل ماقلت تحديد الزواج مطول لظروف مو بيدك
واحسم الموضوع بعد الاستخارة وانتبه من المسكنات
مثل بعد الزواج اكيد بتهتم واكيد بتتغير الفترة الي بينكم سنتين ومن رااي كافيه انك تقرر
استمرار او ترك
وبتات خلق الله كثير
كلامي مو تحريض بس والله عن تجربة ومعاناة مع اخوي والحين نبيه نستخيير ويقرر

يعني مهر وهدايا وتعب عشان كلمه حلوة او يعطيك العافية حبيبي مافي
او على الاقل الله يخليك او الله يعافيك
ولايجي احد يقول البنات مايفهمن بالعكس عتدهم وعي واطلاع واذا حبت يعني حبت
واذا عادات وخرابيط بالعكس احيانا يكون كبت العادات دافع للحب العفوي والتعلق


الحين البنات يتمنن اهتمام وحب وستر من انسان يقدرها ويحبها وماتتتردد انها تعشقه
لكن اعذرني خطيتك تقهرر وتمن عليك الاتصال والسؤال
الله المستعان والله يعينك وووافينا بالاخبار
واتا اتمنى ان يؤلف الله بينكم ويقذف في قلبها حبك
والله يكتب لك الي فية الخيير

__________________
مازلت عالقة بين الطفولة والنضج تارة طفلة اشاغب وتارة انثى رزينة

صراحه زوجتك تفتقد للذكاء اول مره اشوف احد يكلم خطيبته تروح تعلم امها صراحه استغربت يعني اذا مره ماتبي تكلمك تقلك مقدر اكلمك او تعلم اختك اما تعلم امها شي عجيب صراحه بختصر عليك اسئل اختك اذا هي كذا اسلوبها مع الكل بارده وماتهتم لشيء ذي على نياتها اما اذا مع الناس تهرج عادي وليست بارده اذا مغصوبه عليك

كم باقي على الزواج ؟

طيب اسال اختك اذا هي ...باارده مع الجميع
ليه هي صديقتها ..ما اهو المشترك بينكم ؟؟؟
هل هي كتومه ..في حالها ...عشان كذا شجعتني اخطبها ..؟
ما هو الشي اللي تشوفينه زين حقي عشان تكون زوجتي ؟؟
هل اهلها كتحكمين فيها كثير في التعامل ومتحفظه ..وتتعامل مع عدد معين فقط من الناس ؟

اختي سمو الورد اشكرك على شعورك الطيب
انتي قلتي كلمه اعجبتني ، وهي ( هذي عشرة ) يعني بنعيش إذا قدر الله سنواااااااات كثيرة ، وبطبيعة البشر بشكل عام يحبوا يروا اهتمام الناس فيهم ، فما بالك فيما بين زوج وزوجته!؟
وخذيها مني ومن كثييييير من الرجال وانا رجل واعرف تفكير الرجال ، الرجل الذي لايجد من زوجته الاهتمام الذي يحتويه فلن يرتاح مهما طبخت له ومهما فعلت ، طالما انه لا يأخذ منها اي معنى للعواطف فهذا يعتبر قنبلة موقوته وتنفجر بالقريب ، فالرجل عند دخوله على زوجته لاول مره يرى جمالها ولا يهتم لعواطفها ، وبعدها يرى عواطفها ولا يهتم لجمالها اذا كانت معه حنونه وعاطفيه .



صحيح يااخي الفاضل ، انا استغربت جداً من ردة فعلها !
يعني المخارج كثيرة وسهله واقل ضرر اذا ماتبي تتكلم معي ، لكن هي ذهبت لأسوءها !!
وبالنسبة لبرودها ، انا اشوفها بحسابها بتويتر تتغزل بصديقاتها كثيراً ، وعندي علم يقين بذلك !
وليست باردة بطبيعتها ، لانها لو باردة بطبيعتها فأنا اعذرها ( لانك تغير جبال من مكانها ولا تغير طباع ) !



لم احد للآن لظروف



لا ليست كتومه ، وليست باردة ، بالعكس تسولف مع صديقاتها يابعد قلبي ، الله لايحرمني منك ، انا مقدر اعيش بدون ، حياتي ضايعه بدون فلانه وفلانه !!

وبالنسبة لاهلها ، فهي على كلامها تقول ان اهلها مشددين عليها ..
واعتقد ان كلام غير صحيح

لان لو كان كلامها صحيح ، على الاقل تسأل اختي !

ياناس بإختصار واضح وصريح ماأشعر منها ولا يالله يالله وبعد إعادة النظر 5% اهتمامها وايضا من باب رفع الحرج !

الجديد :

اليوم كلمت والدتها :
قلت: السلام عليكم
قالت: وعليكم السلام
قلت: انت مانعه فلانه ترد علي
قالت: إيه
قلت: طيب ليه ؟!!

قالت: انا بنام اكلمك شوي !
قلت: بيذن العصر وين تنامين ؟!
قالت : مانمت من البارح
قلت: طيب بس الموضوع بيني وبينك وابي الكلام من راسك لراسي .
قالت: طيب

... وبعد فترة انا اللي كلمتها ولا هي ماعندها نيه

قلت: ليه ماخذه الموضوع بحساسية ؟
قالت: هلا ، مساء الخير
قلت: انا احسب المشكلة من بنتك وتوي اعرف انه منك، يافلانه ترى ماهي طلابه هي !
والموضوع عادي وانتي مسويتها سالفه !
ثم سحبت علي ماترد !!

.. وسحبتي علي للحين ماردت ..

قامت والدتها بالرد علي وناقشتني في الأمر ،، ويالله يالله اقتنعت ، ولكن لست متيقن اذا بتستر على تدخلها بشؤون بنتها ولا بتسحب نفسها ؟ مااعلم .

نشوف وضع البنت الآن بعد مارفع عنها الحظر ، والله يكتب اللي فيه الخير .

شو بتسوي اذا ما تواصلت معك واستمرت على ماهي عليه

__________________
وهل من مصير اخر ؟