شكرا cute baby على تغيير الاسم احنا فعلا كنا محتاجين تغيير الاسم و يا رب يكون فاتحة خير
راميا حبيبتى انا بخير الحمد لله و العيد جميل بس حاسة ذى ما اكون هاربانة من مصر عشان هم صاموا 30 يوم و هنا فى الكويت 29 بس فحاسة بتأنيب الضمير انى لازم اصوم انا كمان ذى اهلى
انا يا سيت الكل ان شاء الله حسافر فجر 2 نوفمبر بعد الايام عشان اشوف اهلى و بلدى و ان شاء الله الايام تجرى و خصوصا ان زوجى حيرجع للعمل بالدوام الكامل مش نصف دوام ذى رمضان و حرجع اقعد لوحدى فترة طويلة تانى بس ربنا يسهل و يهون الايام اللى فاضلة و يا رب اسافر فعلا ة انا حامل انا بقعد احلم انى مقولش لماما انى حامل و اقولها و انا شايفاها و تكون فرحتها فرحتين انها شافيتنى و انها اتطمنت عليا ربنا عنده العفو و ان شاء الله خير يا رب يا رب يا رب
و بالنسبة الى ختم القرآن انا كنت لسة بقول لزوجى يمكن اهم حاجة حصلتلى بانى بعيدة عن اهلى و الصحاب و اللمة هو التركيز اكتر فى قراة القرآن و يا رب تكون عادة عندى بقى مش فى رمضان بس ، كلام ربنا دا جميل قوى قوى و بيصبر
"و لنبلونكم بشئ من الخوف و الجوع و نقص من الاموال و الانفس و الثمرات و بشر الصابرين الذين اذا اصابتهم مصيبة قالوا انا لله و انا اليه راجعون اولئك عليهم صلوات من ربهم و رحمة و اولئك هم المهتدون"
يا رب اجعلنا جميعا من المهتدون ان شاء الله
ملوكة ربنا يطمنا عليكى و حلمى قريب برضو بقالها فترة مختفية
و اللى بجد نفسى اتطمن عليها اختنا سونيا يا رب يكون الحقن المجهرى نجح هذه المرة ان شاء الله
ربى لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة
التعديل الأخير تم بواسطة kokar_2001 ; 13-10-2007 الساعة 02:41 AM