السلام عليكم ورحمة الله وبركاته
بدخل بمشكلتي علا طول واعتذر لاني بكتبها بالعاميه
اولا اتمنى تدعون لي ان الله يفرج همي ويرد لي زوجي ردا جميلا لعل منكم مستجاب الدعوه
انا متزوجه من 10 سنوات ولدي ثلاث اطفال انا وزوجي نحب بعض ومرتاحين وزوجي جدا طيب وكريم ومايقصر بشي ابدا علي او علا بيته او اطفاله لكنه عصبي شوي وكثير الزعل ومايرضى بسرعه وغيووور وكثير تصير مشاكل بسبب غيرته
وصارت مشاكل كبيره وصغيره لكنه ماتوصل نتخلى عن بعض. مرت فترات تعبت فيها ووقف معاي ووداني لرقاه ومشايخ وقالو حسد وعين وتعالجت الحمدالله لكن مازالت هناك بعض المشاكل الي تنغص علينا انا اشوفها بسببه وهو يشوفها بسببي واخر مشكله قبل شهرين وانحلت وعدت ورجعنا طبيعي ودايما يقول احنا مانستغني عن بعض ابداوزوجي معي طبيعي وكل شي تمام لكن لاحظت قبل سفري لاهلي اجازه انه تغير تقريبا ثلاث اسابيع من قبل السفر بس صامت ومايجلس كثير ومايحاول يتكلم كثير معي كثير ويتهرب ومشغول وكان عنده طغط عمل وانا مانتبهت ماكان فيه شي واضح لي بس اشوفه تعبان وماينام كويس احيان تجيه كوابيس
في يوم السفر تجهزنا وودانا المطار وسلم علي وعلا اولادي وسافرنا جلست يومين ماكلم ولااتصل ولاشي اليوم الثالث اتصلت عليه جواله مغلق ارسلت مايرد كررت اتصالاتي مايرد ابدا مغلق
حاولت اتصل باهله بتطمن عليه مايردون
كان هو عنده مهمه عمل ثلاث شهور ومظغووط جدا ومجهز اغراضه عشان يروح لمنطقه ثانيه نفس الاسبوع اللي سافرت فيه قلت يمكن سافر وماعنده ارسال ماقدرت اتوصل. لشي لا له ولا اهله
جلست اسبوع منقطع عني باخر يوم جتني رساله
يقول انا زواجي الاسبوع الجاي وانت لك اللي يرضيك وتراي كلمت اخوك بخصوص نقل مدارس الاولاد والاغراض. انصدمت انهرت صعقت حاولت اتصل مغلققق رجعت ادق علا اهله ماردوو علي
ارسلت كلمني بس فهمني رد علي مارد ابدا
عدا الاسبوع وسمعت خبر زواجه وانه تزوج زواج مختصر تواصلت مع صديقاتي اللي بنفس منطقتي واكدو الخبر الكل منصدم محد متوقع زوجي يتزوج علي انا طبعا تعبت جدا مريت بايام عصيبه زواجه وهروبه وتغيير رقمه وارساله لاغراضي وملفات عيالي كل شي جا فجاءه
شفت صور زواجه بالانستقرام بحسابات اهله طبعا شكله غير مو زوجي اللي اعرفه وجهه تعبان مو شكل عريس حزنت عليه وانا تعبانه منه
تعبانه مذهوله خذلني خدعني ماعرف كيف وليه ومتى ووشلون ومين ماعرف اي شي والى الان ماعرف عن زوجي شي ومازال. جواله مغلق وماتواصل معي ولا مع اهلي انا ماني معترضه علا زواجه يمكن يكون اهون علي لو الموضوع زواج بس الموضوع مو زواج وبس فيه شي يصير ماعرف ايش جلست اسبوعين بهم وحزن فضييع وتعب كل شي سواه فجاءه. نسي كل شي بيني وبينه بينا عشره عمر واطفال ولاسأل اش صار فيني ولاسأل عن اولاده.انا محتاره ماني عارفه وش اسوي
وش تنصحوني فيه. الى الان مو مصدقه لان زوجي مو من النوع اللي كذا ابدا ولاكان فيه باله زواج من ثانيه وكان ينتقد اللي يعدد يقول وش لهم بالمشاكل
ماتتخيلو لما الوحده تلاقي صور زواج زوجها وتتفرج علي زوجي قهرني طعني وخان مشاعري كزوجه وكام. ليه ماصارحني وتزوج ليش تخلى وغير رقمه ليه تركني عند اهلي ونقل اولادي
وارسل ملابسي
والله تعباااانه وضايقه وماني عارفه كيف اتصرف اتمنى انكم تساعدوني.
وتدعوون والله العظيم اني معيشته ملك الكل يتكلم ببيتي واغراضي وطبخي وتنسيقي محد يدخل عندي الا يمدح بكل شي
ماعمري قصرت بشي ابدا حتى في حقوقه
شورو علي احس جرحني ولاعارفه مصيري
الحين له شهر من صارت الاحداث هذي ولاعرف عنه اي شي لامكانه ولاوين راح ولا اسبابه
حسو فيني.
تم تغيير العنوان
مستجدات
الرد 183
http://www.66n.com/forums/showpost.p...&postcount=183

حبيبتي انتي..

لا زلت بمرحلة الصدمة..

سوي اللي تبينه وطلعي اللي فيك! ابكي فرغي كسري..

والجئي لربك قبل كل شي..

كل ماحسيتي انك متضايقة توضي.. ووتر اخر الليل لا تتركينه..

كلنا هنا معك وحاسين فيك ❤️ اذا طلعتي من اللي انتي فيه نشوف مع بعض ايش تقدرين تسوين

الله يربط على قلبك ويكتب لك الخير يارب

ياقلبي عليك جد والله صدمه قويه حزنت كثير بسبب اللي حصل الله يقوي قلبك ويصبرك
حتى موقف اهله وعدم ردهم علي اتصالاتك غريب والمفروض ما ينزلون صوره في الاستغرام مراعاه لمشاعرك بعدين هو مو اول مره يتزوج اصبري لا بد يبان كل شي ومصيره يمل ويرجع لكم

أمره غريب !! ما لمح لج بأي شيء قبل هذي الخطوة ؟!!
حقيقةً تصرفه تصرف جبان جداً ..
جداً غريب!
اهلج شنو موقفهم ؟
و ليش ما يروحون منطقته حق يكلمونه ويشوفون شسالفة!!

ما عندي كلام ... الله يمسح على قلبج

الله يصببببرك الله يصبرك حاسين فيك و بصدمتك
التجئي لربك باخر الليل واشكيله وابكي بين يدينه
الحمدلله عيالك بين يدينك الله يحفظهم وانت بصحة وعافية كوني قوية عشانهم

الله يريحك من عنده

ما قدرت اشوف موضوعك ولا ارد ♡

دعواتي معاك

مدري الله يعينك انقهرت علشانك

بس دامه مو فرحان يمكن غلط وصلح غلطته يمكن بالله لا تاخذين ع كلامي

واولاده اعطيه يربيهم ويتكفل فيهم اذا ما رجعك ورضاك

الله يصبرك امره غريب

ماتتخيلون قد ايش فرحت من كلامكم حسيت لسى احد باقي فيه خير
اهلي انصدمو وزعلو واخواني في البدايه اتصلو بس مايرد والحين يقولو خلاص اما يجي يواجه ويشرح اسبابه ولا ماراح نسكت له
اهلي وقفو معايه ماقصرو وانا والله المويه ماتنزل مع حلقي بس علا سجادتي وادعي الله يفرج همي
عمري ماقصرت معه ولامع اهله دايم فاتحه لهم بيتي وشايلتهم علا راسي
الحمدالله علا كل شي بس
تخيلو زوجك يختفي من حياتك فحاءه بدون اي مقدمات ولاتدرين وينه ولاتعرفين عنه شي
وهو كان شخص طابيعي معي حتى زواج ماعمره قال بتزوج ولاراح امنعه وعو عارف اني ماقدر اقول لا
بس ليش صار كذا مادري
ادعولي

أختي رحاب في كلامك شي أستوقفني اللي هو تغير زوجك المفاجئ وخاصة لما تقولين صاير تعبان وصاير حزين وقليل كلام وتجيه كوابيس في المنام وهذا كله صار فجأه وزواجه عليكي فجأه
يا أختي الموضوع فيه إنّ أيش صار لزوجك عشان ينقلب في يوم و ليلة كل هذه القلبه
أحتمال أحد مسويله عمل و الله أعلم

الله يفرج همك وييسر أمرك ويجبر كسرك و يردلك زوجك ر جميلا
أمين يارب العالمين

تخيلو زوجك يختفي من حياتك فحاءه بدون اي مقدمات ولاتدرين وينه ولاتعرفين عنه شي
هذا هو مربط الفرس يا أختي رحاب

هذا الي بنستفيدو من بعض الرجال استغفر الله بسسس شي ينرفز
الله يعينك ويصبرك يا اختي واتحري اوقات الاستجابه بإن ربي يريح قلبك وبالك ..