بسم الله الرحمن الرحيم


اولا ..: اتوكل ع الله .. في هذا الموضوع .. وعسي ان يعود هذا الموضوع بالنفع لكل من عاش نفسي ..

مدفون ..{ اقرب التشبية لمن يعانون من الرهاب الاجتماعي } ..

ثانيا :
تعريف : رهاب الاجتماعي .. بتعرفي الخاص له : أوهام وهواجيس .. كاذبه من صنع الشيطان لكـي

اعتزل هذا العالم الجميل .. واعيش تحت مسمي المدفونين .


انا ما ارضي اني اعيش مدفونه .. فتدرون شنو سويت ..:. بشكل سهل وبسيط .:.

جبت عقلي وقعدت ( جلست ) ادرسه << انجنيت خخ

وشفت نفسي في مواقف كثيره متوتره .. وخايفه بس في ناس بحياتي ما اتوتر منهم ..

لماذا ..؟ هؤلاء ..؟ ولماذا اتوتر من غيرهم .؟


سبب : هو مجرد خوف انا اصنعه بنفسي بعقلي الباطني . لكي .. اخرج تلك التصرفات ..
الغريبة او تجعلني اقدم ع تصرفات .. تسبب لي الاحراج .. بالاغلب .


انا حاولت الفتره قبل افهم الفكره الي براسي .. اني اكل حبوب ..تعالجني من الاكتئاب ومن رهاب الاجتماعي
وبصراحه احمد ربي ما كليتها .. لانها مثل ما اتوقع انها مالها داعي .. << الفت خخ

لانه رهاب مرض نفسي بيني وبين نفسي وشدخل الحبوب فيه < خخ مع اني مو دكتوره بس ع قولتهم ..{ اسال امجرب ولا تسال طبيب } انا مو مجربه انا عايشه مع رهاب حوالي العمر كله الي طاف بس الي جاي .. ان شاء الله مراح يكون موجود .. لاني سويت له delete
و
عندي قناعه تامه .. اني قادره انجح في كل شي واني قادره اني احقق احلامي وطموحاتي ..

ورهاب مو عقبة بحياتي .
المهوم :.

الخلاصه ..:. { احاول اني ما اكتبها بالعامي ... وسموحه اذ ما فهمتو تراني ساقطه بالتعبير }

1-اذا اردتم الشفاء .. فيجب .. ان يكون عقلكم الباطن .. يريد ذلك .<
{ اقتنع بانك تريد تغير نفسك .. وانك تريد ان تنجح وتعيش حالك حال غيرك , وغيرك مو احسن منك }

2- تخيل انك بتموت .... !! طبعا انت تفضل العيش ..(( لانه الحياه حلوه ))

هذي اهم نقطه واهي السبب اني تغيرت من بعدها ..

اذ جاني موقف .. وانا في قمة توتري ... اقول في نفسي ...(( انا مراح اموت ..لو قلت الي بخاطري وبصوت واضح ..وكل يسمعه ..وحتي لو الكل لاحظ .. ابظل ابتسم ..))

فقلت اول مره كلام الكل سمعه .. بعد الفكره الي قلتها في راسي وفهمها عقلي الباطني وارسلها لجسمي

انه ما يتوتر .. وبصراحه .. صار بهذيك اللحظه ..هدوء تام في جميع .. اجزاء جسمي وخف التوتر

بحوالي .. 70 بالميه . قويه نفسي .. ما توقتعها بصراحه تستوعب بسرعه ..خخ

3 - حب نفسك .. محد يستاهل يحبك اكثر من نفسك . { دلعها في مصطلحي }

انا احب نفسي .. مو عيب ولا غلط بالواجب علينا نحب انفسنا ..

ومن اسبااب الرهاب .. انه اهو يكرهك بنفسك تحس في بعض احيان انك نكره < اعوذ بالله

طبعا كل هذا احااسيس .. من صنعي .. وسبب اني .. انااظر غيري .. كثيراااا واراي انهم افضل مني

واني اقل منهم .. اما يكون .. من ناحيه (( الاجتماعيه )) او (( اسريه )) او (( الشكليه )) او (( الماديه ))
وهذا سبب يؤدي الي الرهاب الاجتماعي .. (( احسااسنا بنقص )) لانا مو قادرين نحب انفسنا .
الانسان .:. كائن يبحث عن الكمال << هذي بعد من مصطلحي >> خخ

ومستحيل يجيه .. يغسل ايده بالديتول .. ما فيه احد كامل ..

وعشاااان .. جذي ... (( وكذا )) احب نفسي .. واغير نظرتي عن البحث عن الكمال .

واقول نفسي لها الحق بانها تنحب ..ومحد يستاهل يحبني اكثر من نفسي لي . << كرر هذي الجمله بينك وبين نفسك .. وبتتغير باذن الله .

4 - اهم نقطه توكل ع الله سبحانه وتعالي .

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

طريقة حياتنا معتمده ع قربنا من الله .. كل ما رجعت الي دينك تحس انه حياتك اتزنت ..وتحس انه

حياه صارت سهله .. واوضح .. وغير هذا كله التغير يبدا من الداخل .. غير حياتك وتقرب من الله تحس

انه الدنيا انفتحت قدامك .. (( تصدقو .. والله صدقه رهيبه .. ودعاء خاصة بين الاذان وإقامه ..))

5 - احمد ربك .. فغيرك يتمني يكون في مكانك .

يمكن تملك قلب يمكن تملك عافيه .. يمكن تملك يد او يمكن قادر انك تقرا ..او يمكن انك قادر انك تسمع ..

احنا انشغلناااا .. باشياء ناقصتنا .. وبصراحه .. نسينا .. أشياء الكثيرة التي نملكها .
------------------------------



انا جذي قدرت اغير .. وهذا وانا اعاني من رهاب فتره طويله .. وما كان عندي من يساعدني ويساندني

وكل ما وضعت مشكلتي في منتديات ما كنت اجد حل .. يناسبني ..!!

بس قدرت اغير .. أجـل كيف انتم ..؟!


ولا تنسوني بدعاء .. تكفون .. اذ نفعتكم ...



والحمدالله ع نعمة العافيه

برافووووووووو عليك

ربي يسسعدك اسستفدت حيل

مآشآء الله تبآرك الله ..

الله يثبتكِ حبيبتي .. وإن شآء الله للآحسن وآلآفضل يآرب ...}

تحيآتي لكِ

__________________
[img]http://im16.***********/2011-12-09/1323466446441.png[/img]

ربآه آشتقت آن آكون.. {عروسةَ ..

مشكورة على سرد التجربه حبيبتي
ومن نجاح لنجاح باذن الله
حلم بنت...
ربي يناولك لي في بالك
ونشوفك احلى عروسه.

__________________

مشكورين حبيباتي ..


والله ما يسعدني اكثر شي .. هـو انه يعود لكم بالفايدهـ .. وبخاطري الي كان نفسي .. قبل ..


يصير نفسي الحين .. ان شاء الله .


تسلمون وجزاكم الله الف خيـر وعساهـ حياتكم عامره بسعادهـ ..

أجمل شي هو اننا نركز على أنفسنا ونحاول نصحح المشاكل والعيوب ,,,,,,,,,


والله بصراحة أنا عندي نوع من الخجل .. بس كل اللي حولي يسمونه " حساسية "

لما أكون جالسة في مجموعة من الزميلات وكل وحده تبدا تعبر عن رأيها بموضوع أو تسرد قصة وكذا ... أحياناً ماأقدر أسوي مداخلات معاهم ..

ماأحب أتكلم وكلهم يناظرون فيني !!
وغير كذا أحس إن طريقة ســـردي للكــلام غير مرضية ! يعني ماأقدر أجيبها بأسلوب ثابت متزن يحترمه الاخرين ومايقاطعوني ..

وأحيانا لما احاول اسوي مداخلات احيانا ... القاهم يطنشوني وماحد يستمع لي < وقتها احس اني ماعندي سالفة
واقول في نفسي < يازيني ساكته

بس بصراحة : في عقلي الباطن لاأفكر في ايجاد علاج لمشكلتي !!!

لاني اقول في نفسي : الصمت أفضل !!

وكثرة الكلام مامنها خير ... والخجل للبنت مو عيب ..

وأهم شي اني متمكنة في مجال العمل ... وأؤدي واجباتي .... وعندي صديقة مقربة أسولف على جنب انا واياها ....

أما من ناحية الشكل .. فأنا انسانة أعلق الكثير من نجاحي على مظهري ..
واعتقد اذا حققت حلمي وهو اني انحف واتخلص من 20 كيلو من وزني راح تتغير نفسيتي كثييييييييييييييييييييييييييرر ... وراح يعاملوني الناس بالمعاملة اللي اتمناها انا ...