اذا كلمتيه أو كلمتيها بينتبهون للموضوع زياااده كذا طبع بني آدم سبحان الله

إذا تمونين على أم زوجك كلميها
سواء من ناحية دينية
أو ذكر بعض المواقف المستفزة للخادمه
واظهري ان زوجك البريء الغافل لا تتكلمين عليه عند أمه

وتمسكي بالدعاء هذي الأشكال ماهي هينه والله إذا حطت براسها شي كملته والرجل ضعيف قدام المرأة الفاتنه

في مثل يقول
لو الواحد شبعان في بيته ما راح يكمل اكله في المطعم
و ارجو انك تفهمين المثل صحيح شبعي عيون زوجك علشان ما ياكل اكل غيرة

دائما رددي اللهم اكفيني شرها

انتي مافي يدك شيء او حل لنه ليس ذنبك اذا زوجك عيونه طويله او يفضل امراه او شغاله عليك انا اشوف الغلط من زوجك انت رجل متزوج وتحط عينك على شغاله او امرأه ثانيه اتعجب منه يفضل شغاله على حرمته مهما كانت في جمال افضل منها حقيقي طبيعة الرجل مهما بلغ من حب امراه فيي جمالها وعشقها اذا تزوجها كلها كم شهر او كم سنه يطفش منها ويمل ويناظر في غيرها وحتى لو تزوجها يعيش ويمل وهكذا وهكذا الى الرجل العاقل الي يحكمه دينه يعرف الصح والغلط المهم انتي مافي يدك شيء الغلط على زوجك تماما نصيحه لاتكلمين الشغاله ابعدي عن زوجي من هذا الكلام هي كذا بتشوف نفسها وتزيد لاكن كل ماتشوفيها امريها بشغل وحقريها حاولي تبعديها

__________________
لاتأسفن على غدر الزمان لطالما رقصت على جثث الأسود كلاااااب
ولا تحسبن برقصها تعلو على اسيادها ولاكن تبقى الأسود اسود والكلاب كلاب

الله يصبر قلبك ..

طيب ، عندي فكره بس مجنونه ، دوري لها عيب طلعيه من تحت الارض طبعا اغلب الظن هاذي عندها بلاوي ، يعن اذا ما تنظف زين ، اذا تبصبص وتتدلع على احد غير زوجك ، هاتي وحطيه عند اهل اوجك لكن بطريقه لبقه

والله وأنا أخوك هذول مالهم أمان .. رحت يم ديرتهم
وأعرفهم وأعرف طباعهم .. هم من النوع اذا حبت الرجال
تسوي المستحيل عشان توصل له ،، ولا يهمهم وشلون وكيف ..
شوفي وأنا أخوك انتي مالك سلطة في بيت أم زوجك .. ولا تقدرين تفرضين عليهم شئ هذا مفروغ منه ..
ولو أقول لاتروحين يمهم ما انحلت المشكله لأن زوجك على كلامك يزورهم 3 مرات بالأسبوع ..
جربي الطريقه اللي اكتبها لك وعسى الله يكتب لها وتنجح ويفكك الله من هالبليه ..
اذا جلستي في بيت أهل زوجك ..أحرصي يكون تواجدك مقابل لزوجك بحيث لو طالت عينه وقام يطالعها من يرد وجهه ونظره إلا تكون عينك بعينه ..لاحظي ردة فعله اصبح مرتبك فهي فرصتك ،، اوقفي وعطيه اياه في وجهة ماهقيتك والله انك كذا ي ابو فلان ومن كلام المعاتب وانك مستغربه .. مو كلام تجريح .. ويستحسن تطلبين منه يوصلك لبيتك عشان تستفردين وبيني أنك تشوفينه شئ كبير وكذا ..
راح يرجع له عقله إن شاء الله ويركد .. ويبطل من طوالة العين ..
والله يحفظه ويخليه لك ولايحرمكم من بعض ..

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به

ألصقي فيه وخلك داايما جنبه أو مقابلته ومنتبهة له عشان مايتجرأ ويلتفت صوبها ..
وروحي معاه في الثلاث أيام ..
خل نشوف آخرتها معاه ..

طلع هو والشغاله لحالهم ؟؟؟ اذا نعم .. ليش !؟

مشكورين اخواني لردودكم الطيبة
المشكله هو متعود يخلص امور الشغاله
لان ام زوجي عندها ولدين
الكبير بمنطقه ثانيه والصغير زوجي
وبنتها الوحيده متزوجه
فكل شي على زوجي بهالامور
وهي كبيره بالسن فماتطلع
متكله على زوجي
ومره قلت لزوجي اروح معك ورفض
على اساس هو تعود كذا
وانا ماحبيت اعانده وسكت

الشغاله واضح منتبهه لنظرات اعجاب زوجي
المرأه تنتبه كويس لهالنظرات
ويمكن هذا اللي معطيها فرصه تكمل
والموقف اللي جد قهرني
قبل اسبوعين
اتصلت على زوجي وقالت له جايها طرد
هديه بمناسبه يوم ميلادها
وعطته رقم الطلبيه عشان يستلمها بارامكس
زوجي علمني وانا غليت نار
مدري هي صادقه والا كاذبه
بس حسيت تبي تبين انها مرغوبه
وقلت لزوجي: هي لاقيه تاكل عشان تحتفل!
قال مدري يمكن البوي فريند حقها


اللي قالوا زوجك مو شبعان
واني جديه وصارمه
وزيدوا عليها زوجي يقول مغروره
ودايم متوتره واصارع ذباب وجهي
طبعا هو يبالغ عشاني اشد عالعيال
ولاني معظم الوقت احس بضغط نفسي
لكن قالوا زمان:
وعين السخط تظهر المساويا


انا مو هاينه على نفسي اكلم اهل زوجي
احس اهانه لي
خصوصا لانه بطبعهم ترك الحبل عالغارب
بيفهموني غلط
وزوجي عنيد ما ابي احط الشغاله بباله
يمكن افضل حل اني اراقبه
واذا صدته .. اعاتبه وبعدها اطنش الموضوع
لكن لو زاد عن حده هنا عاد كلام ثاني