،


وش يعني لو كملت الجامعه !!

ولا مثلا فرحان ان معاك ماستر ؟!

يالله مررره متحمسـه ومدهـره بهالدورات كأنك راح تستفيدي شي !

ياشيخ / هـ .... ماتفرق يعني كملت او لا .! وش استفـدت انت من دراستك .. غير جالس وماتوظفت

شوف وظيفتك وراتبك .. خسارة سنواتك بالجامعه !

هذا وانت / ـي جامعي ماعندك ماعند جـدتي ؟~


::


كثير نقابل ناس بهالسلبيه بحياتهم .. بالظبط يحبـون يكسـرون المجاديف ..

وانـا وحـده ماستسلم لهالأشكال ..

وياليت الأنتقاد يجيك من شخص متعلم ودارس بعد .. لا شخص دراسته على قده

وبعد تلاقيه مااخذ شهادة الثانوي والا وهو صاك العشرين وجاي يتفلسف علينا !!

ماتأـخر بالدراسه بسبب مشاكل او مرض لا والله بسبب الكسل والدجـه ..



::



المشكله هنا انه انا قابلت هالناس واشكالهم ..

والحقيقه بنفس الموااصفات الي قلتها لكم .. الحمد لله الذي عافاني مما ابتلاهم ..

رسـوب ودرجات سيئه تماما ..!


واول مايشوفوووني ... كلماتهم معروفه !

وش استفدتي من الجامعه .. هذاك جالسه بالبيت ..

ولا اذا مره صار موقف قالت يوووووووه ماكأنك جامعيه ؟!

خير ان شاءالله ! احس معاهم عقده هالأشكال ..

::

طبعا مارد عليها لأن مستواي ارقى .. بس بعض البشر يتمادى كثيرررررا ..

وودك تقوله كلمه تفحـمه وتخليه مايتجرأ يتكلم ..


والحقيقه .. /

اني احمد الله واشكره كل يوم ان الله سهل لي دخول الجامعه والتخرج منها ..

واحمد لله اني دخلت القسم الي انا دخلته لأنه من اروووع الأقسام

وواثقه ان في اشياء بحياتي ماعرفت اتأقلم معاها الا بعد الله عزوجل وبعد هالقسم ..

مع ان الكل كان يقولي لاتدخلينه مافي مستقبل .. !

والله المستقبل كله من تخرجت منه .. اصلا الجامعه بكبرها تربي ..

( حياة جديده ) تربيك عالمسؤليه وتحسسك انك انسان مستقل ماديا وفكريا ..

تزيد ثقتك بذاتك ونفسك .. تغرس فيك حب العلم والثقافه .~

بس لازم ولابد ان الشجره المثمره ترمى بالحجر من اجل ثمارها .!



::


السؤال / هنا لو قابلت مثل هالأشكال ..!

كيف راح يكون ردك .. وردة فعلك ؟!

ابي كلمه قويـه تفحم هذا الشخص وتخليه يفكر مليون مره قبل لايطرح اي موضوع يخص الدراسه .. معاي


×


الموضوع مطـروح للنقاش ~ من قبل الجميع وعرض تجاربكم

وكيف نرد على هالأشكال من الناس برد يفحم وقـوي وبنفس الوقت ماننزل لمستواهم ابـدا ~



،

__________________
{ احبــــ ـــكم بلا استثنـاء ~

ههههههههههه

يمكن أنا أكون من هذي الأشكال

بس الفرق أني جامعية .. ومتخرجه ..:14:

وكلامي مثل كلامهم..

يختي هو فعلا .. مافي وظايف.. على قد المقام..


حنا الخريجين وخري عنا.. وبالوظايف اللي يتوظف اللي عندهم شهادة ثانوي.. ليش ؟؟ (عشان عندهم واسطة))


ــــــــــــــــــــــــــــــــــــــــــ



بس أنت ماعليك طنشي.. ولا تنزلين لمستواهم.. اللي مايطول العنب حامض عنه يقول..

هم حاسين بالنقص.. وعشان يقنعون نفسهم يبربرون عشان يرتاحون..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

الله يسعد قلبك يادانتيل وفعلا دايما تحصل معي ومن أقرب الناس
جامعيه ايش استفدتي من شهادتك وقبل فتره سجلت بمعهد
ابي دورة حاسب والكل يقولي ايش راح تستفيدين بس خساره على الفاضي
انا ردي على كل الي يحطمني اهم شي سويت الي علي تعرفت على مجتمع الجامعه استفدت منه كثير انا مادخلت وغرضي بس الوظيفه مادخلت الا للفايده وبعدين الوظيفه
وانا ماراح احط يدي على خدي واقول مافي وظيفه لاباسوي الي علي والباقي على ربي
وان شاء الله بعد مااخلص الحاسب بادرس ماجستير اذا انقبلت باذن الله سجلت فيه والنتايج بعد شهرين
واخليهم يموتون من الحره الي يحاولون يكسرون مجاديفي بس ان شاء الله انقبل
والله دانتيل ذا الاشكال
مايبغالهم الا التطنيش اول شي يقولون ماراح تنجحين
واذا حققت النجاح قالوا ايش الفايده تعب على الفاضي
ووووين على الفاضي وانا تعلمت اشياء مايعرفونها
حكمتي في الحياه
اني لاارضى نجاحا ينتهي بي للقعود
ااني اهوى الثريا ان عشقي للمزيد
وباضل اتعلم واتعلم الين القى الفايده الي هم
يقصدونها الله يوفقنا جميعا
تحمست في الموضوع لاني متعوده على ذا الاشكال

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

شوفي ياعيوني لو كبيرة بالسن فعيب انك تنزلي لمستواها لان كلام صادر لامرأة بهالعمر يكون ناتج عن غيرتها منك لان بناتها ما حصلوا اللي حصلتيه فترميك بهالكلام ... الحل هنا التطنيش


وفي جميع الاحوال اقول لكل انسان يجد امامه شخص تافه قاعد ينتقد تقدمه وإبداعه لو رديت بالكلام حتى لو كان كلام ثاقب لا مثيل له وانت قادر على هالشي وقادر تخليه يبكي بدموعه ويندم على اليوم اللي فتح فيه فمه بهالكلام الموجه لك ليس حل أبداً بل انت بذلك تعطيه اهمية وتخصص له من وقتك مالا يستحقه وتشغل بالك به وهو من هو.. انسان جاهل لم يقدم شئ للغير يستفيدون به الا انتقاد الجيد فوالله الذي لا اله الا هو لو استطاع ان يفعل مثلك ما انتقدك لكنه عجز ان يخفي نار غيرته التي حرقت قلبه فأخرجها على هيئة كلمات سامة وانتقاد بلا مبرر فنصب نفسه سلطان ينتقد نجاح وتقدم الاخرين

وهو لما يظل ينتقد وينتقد انتي تتقدمين وهو محلك سر بل انه لن يحصد الاكره الاخرين له وانتقادهم لافعاله المكروهة كما تنتقدين جهله وتفاهة كلامه وانتقاده الامبرر الان

وما انتقاده الا صورة رمزية لكي يقول انا هنا شوفوني انا موجود لانه غير قادر على العطاء فلفت الانظار اليه بطريقته التافهة الجاهلة مثله

وتراه ينتقد الشئ وعندما يجد الجميع يقومون بشكرذلك الشئ يقول كنت اريد ان افعل ذلك مثله تماماً

الحل وبكل فخر التطنيش بكل عزة وكبرياء نفس وان نجعله كالهواء غير مرئي { حتى الهواء له فائدة عظيمة عنه} ....خلي شهادتك وأعمالك المشرفة تتكلم عنك لان هالنوعية لا تملك شي تتفاخر بيه وتخليه يعبر عن انجازاتها اما انتي فلديكي الكثير ليتحدث عنكي ويغنيك عن البحث عن كلمات تناسب جهل تلك العقلية فلا وقتك ولا علمك ولا عقلك يجد وقت لتلك التفاهات خلي اعمالك المشرفة تتحدث عنك وهذا أفضل رد على الاطلاق

يعطيك العافية دانتيل على طرحك لهالموضوع
عادة مجتمعاتنا يتوجه فيها الفرد للعب دور الوصي على غيره ، احياناً بدافع النصيحة واحياناً بنظرة سوداوية و احياناً رغبة في منع غيرهم عن مواصلة تقدمهم في اي امر من امور الحياة

كيف نرد الشخص ؟ من باب قناعاتنا باختياراتنا
- ادرس دورة لانه لي رغبة في تطوير مهاراتي
- ادرس دورة عشان احصل مفاضلة عن غيري الي ماعنده هالمهارات
- اخترت هالتخصص لاني راغبة بدراسته
- كملت في هالتخصص لانه لي رغبة في التخصص في هذا المجال مستقبلاً واكمل دراستي العليا

الرد المفحم من قناعاتك ، اذا كنتي غير مقتنعة باي خطوة اخذتيها لو كانت قصة شعر او حتى ستايل مكياج بتفقدي القدرة على الرد المقنع و ممكن وقتها يكون الرد المفحم رد وقح .

موفقة ان شاء الله يا دانتيل و لاتوقفين .

__________________

ياحبيلك يادانتيل

والله شوفي في مثل هالحلات لاتنزلين لمستواهم وتردين رد ينزل من مستواك لانو فعلا هذي ناس فاضيه

اجل بالله وش شغلتنا بالحياة اكل وشرب ونوم



انا لو احد يقولي هالكلام بقول ماحب اكون مكانك سر ...... احب دايم اني اتطور واتغير واولا واخيرا شي راجع لي ولا يضايق الي حولي بالعكس يكون فخر لي وللي حولي <<<<<<هذا اذا كانت كبك اما كبيره فاسكتي وبس ماحب انقاش الكبار

انا الحين ابي ادخل دورة انقلش ونااشبه لاهلي وفيه ناس تقول طيب وش تستفيدن منها بصراحه مادري وش اسوي فيهم

حلوه وش استفيد اتطور اهم شي اغير من نفسي شوي احس اني ارتقي صح مو بس جالسه بمكاني وراضيه بحالي


ومثل هالناس شغلتها بالحياة تحطم وبس


وبصراحه مامرت علي مثل هالاشكال .....<<<اجل ليش تردين

الحمد لله اغلب مجتمعنا متعلم ولو مو متعلم تلقينه متفهم وتفكيره راقي

مثلا اختي درست الجامعه سنه ونص والله كانت داااااااافوره لدرجه اتوقع لو انها مكمله كان على طووووول عيونها معيده

بس تقهر تزوجت ولا كملت <<<<<<<حسااافه بجد معدلها كان مررررره مرتفع

طنشي هالاشكال وبس اريح لمخك

__________________
وعند الله لاتموت الامنيات

طيب هم ماسكينك من حلقك وإلا مطيرين النوم من عيونك بكلامهم ،،،،!!!!

كل واحد يتحمل مسؤولية ،،،، ولم يقم بشيء محرم

وإذا قالوا مثل هذا الكلام ،،،، فطلبي منهم ان يعرضوا بديل احسن ؟؟؟

لكن البلاء لو كان العكس؛ الجامعي يمسخر باللي حوله <<< هنا وش استفاد من شهادة إلا الإسم والوظيفة ،، لكن التعامل سيء ،،،


===== أفكار ذات صلة ::

دائماً نسمع الطلاب والطالبات يكررون هذه العبارة " هذه السؤال بيجينا في الإختبار "

لما ينتقل طلب العلم والحصول على الشهادة في سياق الحصول على عمل

فتسمع بعض الطلبة يردد" ليش ندرس إذا ما كان فيه وظائف !!!!! "

فالفكرة في أذهانهم هي ندرس لنتوظف !!! مع أن العمل والوظيفة سيكون تحصيل حاصل ،،،،

فكل ما هو مطلوب من المتعلم ان يكون هدفه من العلم ليطور تفكيره وإداركه ويزيد وعيه بمشكلاته الشخصية وواقعه ثم بعدها بإذن الله يهون كل شيء ،،،،


أذكر عرضوا حلقة لحلقات النقاش في الحوار الوطني وكان يجمع نخبة عن المثقفين فعلق احد طلبة العلم
وهو أستاذ دكتور بتخصصه ،،، بما معنى كلامه

بأن قصر نتائج التعليم ليخدم سوق العمل فقط غير صحيح، وكثرة ترديد ذلك يخرجنا لنا مجرد اناس عاملين بشهادته ،مستبعدين في أذهانهم محصلة العلم والثقافة والتزود منه والقدرة على
التعايش مع الواقع وإيجاد حلول نافعة لمشكلاتهم الخاصة ،،،






عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

في الاول لمن كان احد يقولى نفس الكلام كنت اقول اهم شي شهادة خبرة ومو مشكله الراتب مدام انى الحمدلله مو عايشه على الراتب

بس بعد ماتعبت وطلعت عيونى ومافي تقدير ابدا وفي الاخر راتب 1500 على تعب في البيت والدوام غير الشغل اليدوى الا يطلع العيون غير خصومات الراتب الا مالها داعي وكل اجازة يوقف الراتب حتى الاجازة الرسمية ال10 ايام بين الترمين تخصصي كلو عملى ولازم اقل شي في كلمة حلوووة

لكن للاسف صرت الان افضل اجلس في البيت ولا انى اتعب نفسي مع ناس ماتستاهل وفي الاخر اخد راتب احطو في اعمل او حبر طباعه او كم بلوزة للدوام

تسلمى على موضوعك شكلى خرجت شويه عن الموضوع

__________________
ياررب ارح قلبي وعوضني خير

كلها من الغيرة ياعروستنا كلها من الغيرة ... والناس ماتركوا احد في حاله حتى الميت حكوا به

الله المستعان ..

المهم إن كلامهم هذا يعطيك عزيمة واصرار ويكون دافع لك للوصول للعلا .. وكل ماشعرتي

بفتور الهمة تذكري انهم يتمنوا اللي إنتِ فيه ..

بالنسبة للرد.. بصراحة أنا طبعي مو دائما ارد لأن السكوت في بعض المواقف مع نظرة من اللي

يحبها قلبك تغني عن ألف كلمة ..

اهم شئ لا يأثر فيك الكلام سواء في هذا الموضوع أو غيره المهم إن الواحد يعمل اللي يرضي

ربنا ويعمل مايقتنع به ..

وفقك الله اينما كنتِ ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..