السلام عليكم اهل المنتدى الكرام

اسفة ازعجتكم بكثرة كتابتي وشكاوي والشكوى لله مافي سواه

زوجي اليوم دخل المتتدى وقرى موضوعي وقرى جميع الردود مافي شى لفت نظره غير يوم اقول ودي اطلع بكرامتي واسبقه الخطوة

وقال خلاص بعد الي قريته لازم نفترق وطبعا ودائما لمن اشتكي من شى يكون مصيري الطلاق

قلت له انا لا شفتك تطالع بغيري خلاص افكر جديا بالطلاق وانا كاتبة الموضوع ونفسيتي تعبانة وقبلها ماخذة هرمونات وجتني الدورة وانتم بكرامة يعني مالي اي عذر عنده

نفس الكلام سردته عليه انه مايحس فيني ولا يشبعني عاطفيا واحس بجفاف بالعلاقة وقلت له المفروض لو انت شاري تحاول تصلح علاقتك معي مو تقول خلاص نفترق

نفس الكلام الي قاله لي واحنا مسافرين نفترق ورجع غير كلامه ثاني يوم كانه يسايسني لين نرجع للسعودية

قال تقولي اشتريتي لي ملابس داخلية طيب عادي ياعالم لو جبت له شى على ذوقي عشان يلبسه لي او عطر مثلا ومايتعطر الا وهو طالع بالله ماتحز بخاطري الهدايا مباحة بين الازواج ولاهي معاير

انا طلبت منه يعطيني فرصة اصلح انابيب يقول لا خلاص نفترق احس بظلم علي ليش ماهو متمسك فيني وبايع مع اي مشكلة

انا ماطلبت منه غير انه يهتم فيني ويحس بمعاناتي انا طلبت من زوج حلله ربي وباحه لي

يعني ماعنده استعداد يسمعني ولو اشتكي يقول نفترق

زي ماقلت لكم الخطوة صعبة علي تقبلها الطلاق بس احيانا لمن اكون بقمة غضبي يهون كل شىء

كل شوي مهددة بالطلاق مو من حقي انجب منه او على الاقل يهيئ لي الراحة النفسية عشان احس بنوع من الامان

قولوا لي وش اسوي

فوضت امري لله

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

الله يفرج همك مدري شنو اكتب ما حبيت اتركك بدون دعوة الجئي الى الله وبثي شكواك وانت ساجدة متضرعة بين يدي الرحمن

دعواتكم لي والله انه قلب علي السالفة

كرهت الانتظار اقتنعت انه لو يبي راح يسعى اصلاح العلاقة بينا ماعاد تفيد الشكوى

الاخ زوج الصخرة قال كلمة رسخت ببالي انا اعطيه من الاهتمام وانتظر بقدر الي اطلبه ماراح احصل

انا ماطلب نفس درجة الاهتمام بس عىلى الاقل احس انه مرغوب فيني عنده

اليوم يقولي مو انتي تبين كرامتك هذه الكرامة جتك لين عندك خلاص تطلقي ولا رحتي لاهلك والناس قولي سوا وعمل فيا

اخواني اخواتي الزبدة اني انا الي متمسكة فيه لاخررررررررررر قطرة ومسالة اني انجلب منه من غلبي وقلة حيلتي عشان اكون واقع بحياته

لكن انا اريد وانت تريد والله يفعل مايرد

سلمت امري للي عيونه ماتنام

ابي منكم بس تدعون لي ان الله يربط على قلبي ويقويني لو افترقنا

حاولت وسعيت لكن القلب بيد مقلب القلوب يمكن مايحبني وعافني

خلاص انا قلت له مابي طلاق ولو قلت ابي طلاق بلحظات انهيار تراني بشر ومو كل وحدة تقول طلاق يستجيب لها الزوج

على فكرة انا قلت ابي اطلق بس لكم

ماعمري قلت له طلقني

واحنا مسافرين قلت ماني مرتاحة قال خلاص نفترررررررررررررررق

قال منتي مرتاحة ..؟؟ متاكدة

طنننننننننننننننن طلااق

انا ماطلبت منه شىء موضوع بالمنتدى كتبت ضاقت بي الارض بما رحبت وادور على حل عشان اعرف اشلون اتصرف معه

اقرؤوا كل ردودي

ماركز الا على الكرامة كانه ينتظر مني الخطأ او السبة

اذا ماسخره الله لي ماراح يسخره لي اي انسان ولو افرش له جفن العين ورد

في نفس الوقت مقدر افرض نفسي عليه اكثر من كذا اصلا لو محسسني اني غالية عليه وصعب فراقي ماكان وصلت للنفسية الي انا فيها والخوووف

اسال الله ان يهديه للحق ويكتب مافي الخير لي وله

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

شفتي لمسة غروب؟
كل نعمه ندور عليها كالفلك تصير نقمه
كل نعمه نسخرانفسنا لها تصير نقمه
كل نعمه نعبد الله من اجلها تكون نقمه
لما؟
لانها لنا لا نحن لها
وما ان نكون لها تنقلب الموازين و نصبح بلا وجهة تائهين
شفتيه؟
هذا المنعم الي اغضبتي من يستحق كل انتباهك عشانه
هل تحقق من إغضاب الخالق رضا المخلوق؟
وتبقي متحسرة على جزء من حطام و تقدمين نفسك قربانا لها تلك الزائله كالظل وتنسين المهيمن البالغ أمره الواسع العليم
هو قادر ولكن غرك حلمه سبحانه الكامل
( ان الله لا يغير مابقوم حتى يغيروا مابانفسهم)
ان الله لا يغير حالك مالم تغيري نيتك!
طبعا!
مهما اجتهدتي
مالم تحولي هدفك الضعيف من الزواج الى وسيله
ولكن الله يبقى رحيم ويقبلنا رغم تقلبنا ويرفق بنا حتى نتوب اليه سبحانه!
الحقيقية اجمل من ان نقسوا على انفسنا بالابتعاد عن هذا الجميل الرؤوف
بالمناسبة زوجها انت لست بأفضل منها حالا اقرا الرد من جديد كانه لك

__________________
الحمد لله..اللهم صل على محمد و ال محمد

التفريغ المنهجي

ان عصيت الله لاجل زوج فاساله بمنه وكرمه ان يعفا عني ويتوب علي
وان قصرت بعبادتي لاجل مخلوق ونسيت الخالق فالله وحدة قادر ان يقلب قلبي كما يشاء
لو قلبي كان بيدي كان زمان عرفت اشلون اصوبه بالاتجاه الصحيح
اسال الله ان يفرج همي ولا يجعل في قلبي سواااه
الله قادر على كل شي تراااه قادر على كل شىء
نسيت قيام الليل ونسيت اني انوح على ربي تالي الليل نسيت من خلقني ورزقني وصورني وتبعت الي مو معبرني

ربي ان قصرت في حقك فانت الكريم العفو الغفور تحب العفو فاعفوا عني

لا اله الا الله سبحانك اني كنت من الظالمين

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

ان الله لايغير مابقوم حتى يغيروا مابأنفسهم

قلبك. بيدك.

ان انت اردت

__________________
..

لو كان قلبك بيدك لهلكتِ فهو بيد من يرحمك و يرأف بك وانت تصدين عن هذا المنعم تهربين الى نعمه فتجدينها لا قيمة لها وتعودين هاربة اليه ويقبلك قبولا حينا،،، كلنا كذلك نذنب ويعلم فيحلم ويرحم و نستغفر ويعفوا ويغفر

الحياة اجمل ألذ انعم أعمق أرقى اشد بياضا بالتفاتة عشق من عبد لمعبود
(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ)
ما اجمل حبيبنا

__________________
الحمد لله..اللهم صل على محمد و ال محمد

التفريغ المنهجي

قلبك بيدك حين تحبين الوصول إلى الله
لا الوصول لغيره


لاتعصي الله من اجل من تحب
فقلب من تحب بيد من عصيت !!!

__________________
..

تبين الحل الأكيد والله انه تبين لي من بدايه كلام شي واحد سويه وخلاص والله الذي لا اله الا هو ان ترتاحين نفسيا وتسلمين قدرك لربك تدرين وشو (حجااااااااابك )اللي تهاونتي فيه عشان تجذبين زوجك عصيت الخالق ليرضى المخلوق ارجعي لله بكل مافيك توبي له والله ما استقامت أموري الا بعد ما التزمت فعلا وحجابي صار عبايه راس وقفازات سواء في السوق أو حديقه او عند ناس حتى أهله أتوقع لو شافوني بيستغربون لأنهم ماتعودو هالشيي مني بس فعلا حسيت ان أموري تحسنت مع العلم اني زيك متأخرة بحمالي
ارضي الله ليرضى عنك الناس
والله يفرج همك ويسر أمرك ويعينك على طاعته

ملاحظة الكل يلومني عشان تعلقي بزوجي لهالحد

اقسم لكم بمن احل القسم انه مو بيدي لان فعلا اي شى زاد عن حده انقلب الي ضدده

بس ترى مو بيدي ياعالم انا حبيته وتعلقت فيه مو لدرجة اني نسيت ربي ولا صرت اذكره اعوذ بالله

لكن حاولت فعلا ارضيه وتبرجت في لبسي عشان اللفت نظره ونسيت ان الله اذا اراد يسخر قلب احد لحد الامر بيده

انا كنت اشوف ان الاشياء هذه تشده حاولت اجذبه لي فاقسم بالله مالي اي نية اخرى الا هو بذاته

والله اعترف اني مقصرة والله بس تراني اخاف الله بكل االاحوال

الله يهديني ويسترني بستره ويسخر لي قلب زوجي

انا استوعبت الدرس رضا الله يوصلني لكل غاياتي

والله اني كنت جدا ملتزمة بلبسي بس غرني الشيطان وقلت يمكن اجذبه لو تبرجت لكن اقسم لكم انه تبرجي ماكان له اي اهداف غير اني اجره صوبي
وفهمت الان وجتني رسالة من رب العالمين

صدقوني بعد الالم الي حسيته ماراح ارضي الا ربي بعد رضاه عني مافي شئ يسعدني بحياتي

ولعلها رسالة لي عشان اتوقف عند هالنقطة

مثل ما تفضلتوا الله رؤوف ورحيم بعباده

والله عيوني تورمت من الدموع ودي اغسل كل الي بصدري من خوف والم وهلع

جزاكم الله خير الجزاء ماقصرتوا

ابي من كل من يمر على موضوعي يدعي لي وان الله يصلح مابيني وبين زوجي ويهدينا لما يحبه ويرضاه

اسالكم بالله لا تنسوني من دعائكم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...