ب انتظارك نبض الدان

ياعالم احتاج خصوصية بحياتي ، مابي الناس تعرف شيء عن طبيعة علاقتنا
كيف اقنع زوجي بهالشيء !
كل مايصير بيننا سالفة يروح يغير صورة الواتس اب وكله حزن وانطواء او كلام عتاب
اكيد الناس خاصة اهله بيشكون انه يقصدني
والحين له فترة بالتويتر يكتب عتاب من الزوج للزوجة
وان الزوج يعاني ويتألم والزوجة غير مبالية
كيف اخليه يعزل خصوصيات حياته عن مواقع التواصل الاجتماعي !!
سبق اني كلمته بهالموضوع ، بعدين صار يعتبرها نقطة ضعفي زي اللي لو زعلتيني ترى بسوي كذا

: (

سوي زيه وزوديها حبة ولو لك صديقة هامورة خليها تسويلك ريتويت عشان ينقرص صح

نقاء ودي لو اعطيك عيني و تشوفين فيها وضعك و تشوفين قد ايش انتي مهولته

اعطيه جوه و طولي بالك

لا تتضايقين من الامور البسيطة

تعاملي معها بذكاء و ابعدي نظرتك القريبة

رحمته و رحمتك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

جد

محتاجة تشوفه بعين ثانية

حيث النقاء كأنك تتحدثين عن زوجي في صفات مشتركه وشبيهه له
وكرهت هالشي فيه هذا غير أمور لا مجال لأتحدث عنها هنا

اغلب وقتي صرت لا اشعر بالامان ولو ماتت أمه بعد عمر طويل بضيع😭

عموما مع الصبر بتنفرج قريب وتحبينه
توك في بداية حياتكم شوي شوي الين تصقل شخصيته وتتغير للافضل باْذن الله
وإذا تغيرت احملي وجددي حياتك بطفل .. والله يرزقكم ويسعدكم 🌹

__________________
ربي لا تذرني فرداً وانت خير الوارثين

نبض الدان
شكرا شكرا لرسالتك اثرت فيني كثير

ردا على احد ردودك
عارفه ، انا ابوي الله يحفظه ، قدوتي بحياتي وموجهي ودليلي وفخري بهالدنيا ، واثق فيه ع الغالب
على ايام الثانوي بالصدفة كنت بفتح ايميلي بجهازه ، وصار ايميله مفتوح
تخيلي اني شفت صور ايباحية مخله بالاخلاق ، كان مشترك ب زي القروبات ترسل بشكل يومي لانه مليان من هالرسائل ، عفى الله عنه
صحيح انصدمت صدمة ماتخيلتها من اطهر انسان
لكن اللي صار انه خلاص اقتنعت ان اي رجل مهووس بهالأمور وشيء شبه عادي صاير .
هو اللي بنحبهم نبرر لهم ونخلق لهم الاعذار !

بالمقابل زوجي مره كان يعلق علي وجاب طاري كيم كارديشيان ، بعد انصدمت كونه المتدين بس خلاص عادي !

اشكرك كل الشكر على كل حرف كتبتيه وعسى ربي يتمم لك على خير
حاليا شلت من راسي موضوع الطلاق ، كنت ومازلت احسه الافضل لي لكن يتغير شوي وانا احبه عشان اعامله بما يرضي الله
يمكن يبي لنا سنتين ولا ثلاث ، او يمكن لين يجي عندي ويستقر بوظيفته ، الله اعلم

اهه الله يجيب الحب
تأثرت قبل شوي بموقف امي
كنا بالمطبخ وهي مرره مشغولة من بعد ماراحت الشغالة ، قالت لي وكأنها تفكر بصوت عالي
اسوي لابوك كريمة ولا مو لازم ؟ بعد عمري هو شكله من زمان مشتهيها ومايبي يظغط علي
خليه ينبسط الشغل لاحقه عليه
وتجي بكل حب وبكل سعادة تقوم تسويها
ماشاء الله تبارك الرحمن الله يحفظهم ويخليهم لبعض

مايحس بقيمة الحب الا اللي فاقده
مايحس فيه غير اللي جرب النفور ويكافح ليقاااوم

متعودة اوقات اخذ لفه ع المشاكل الزوجية عشان تهون علي مشكلتي
مقتنعة تماما ان مشكلتي بسيطة امام الكم الهائل من المشاكل

اوقات افكر احذف موضوعي كثر ما انه تافه
بس لاجيت للواقع انا فعلا اواجه مشكله جالسة تعيقني وتتعبني انا وزوجي
مدري انا تافهه او مثالية بزيادة او دقيقة وانتقادية
او شيء طبيعي لوحدة توها متزوجة وتتعامل مع شخص ماتعودت عليه لسى !

عموما ، اطمح لأني الاقي حل هنا حتى وان كانت مشكلتي تشوفونها تافهه جدا جدا

ازيد الطين بله !
وكيف لو مره انفجرت وكلمته ، بيقول طيب انتي تسوين كذا ! هههه

ردا عليك وعلى ام خالد
تخيلي قبل الزواج عندي اسك ومهتمه فيه وتجيني اسئلة فضولية عن زوجي ماكنت انزلها
جاء هو وفتح له ، اوقات يكتب خواطر عتاب ومن هالنوع
فصارت تجيه اسئله عني انا وعن نوع علاقتنا ، وينزلها
واضنها من قريباتي
زي انت خروف ، شكل زوجتك راكبتك ، شكلها ساحبه عليك سيفون
ومن ردوده يبي انه الكلام صحيح ماينكر
تخيلي شعوري وانا لسى ماتزوجته ، غبنننه ولا ابي احد يعرف عن شخصيته شيء ماكنت اتكلم عنه لاي احد ابدا
بس جيت سكرت الاسك وحذفته من البايو والحمدلله ما استمر وسكره

موقف تافه بس جالسه افضفض لكم : )

حبيبتي ، فارس الأحلام اللي تمنيناه قبل الزواج مش موجود بالواقع ، لان زوجك بشر و أكيد غير كامل و رح تلاقي فيه صفات تجدبك و العكس عشان هيك تغاضي عن سلبياته مشان اجابياته
و حاولي بطريقة ذكية تصلحي طباعه السيئة
و كمان حبيبتي لا تقارني بينه و بين ابيك او أخيك او ..... لان ابيك يعاملك كابنة و أكيد ما ييجي يبكيلك و يبين ضعفه لانه هذا يفعله مع والدتك و اخوك و ..... نفس الشيء
فزوجك تعامله معك يختلف عن تعامله في الشارع او مع أهله
لانه يحبك و يعتبرك انتي الام و الأخت و الصديقة ...
و اذا كان على صفاته السلبية مع الوقت رح تتفاهموا اكثر لأنكم لسه في البداية و الزواج هو زي تربية طفل صغير ، نغلط و نتعلم و نزعل و نتناقش حتى ننمي هذه العلاقة الزوجية و نوصل لمرحلة الانسجام
يعني ذمج شخصيتك و شخصيته و الوصول لشخصية واحدة في البيت تنازل شوي من كل طرف ( مع الاحتفاض بكيانك و خصوصيتك أكيد و مساحة ألك و العكس )
أكيد رح تنجحي حبيبتي لأنك بتدوري على حلول
بالتوفيق