عزيزي المتيم
أشكرك على النصيحة الغالية
بس أنا عايز أعرف
إفرض إنها اتصلت بي وده متوقع جدا ..واعتذرت وطلبت أن أذهب إليها كما اتفقنا من قبل عشان نتفسح شوية بعد الامتحان
أعمل إيه واتصرف إزاي ؟
أنا في آخر المكالمة قلتلها ( إلغي موضوع الخروج ده خلاص ) بالرغم من إنها حاولت إنها تفهمنى إنها كانت بتهزر لما قالت إنها خارجة مع أصحابها وده لسه محصلش و لا حدث اتفاق بينهم أساسا
لكن أنا ركبت دماغي ورفضت الذهاب حتى لو طلبت
هل أصر على موقفى وأثبت عليه ؟؟
أم أصدقها في أنها كانت بتهزر ولو طلبت منى أن أذهب إليها تاني أتغاضى وأروح ؟؟
من فضلك رد عليا أو أي حد ينصحني ويرد

أخوك تيتو

شكلي هطلع عارفه خطيبتك في الاخر للعلم انا و اصحابي برضه بنخرج مع بعض اخر يوم في الامتحانات لان صعب في الاجازه نشوف بعض زي ايام الدراسه و خطيبي عارف حاجه زي كدا و متعود عليه وبالعكس والله مش بيزعل خالص لانه مش عاوز يشطل عليا قيد و يحسسني انه ضاغط عليا وحتى ليا صديقاتي تانيين مخطوبين خطابهم نفس الحكايه معاهم وتاني يوم بخرج مع خطيبي حتى ساعتها بكون رايقه و مرتاحه ومش عليا ضغط

لكن انت لك حق تزعل في حاجه واحده انها اتفقت معاك و بعدين لغت الاتفاق هي ما كانش المفروض تلغيه بعد مااتفقت معاك بس برضه ما تتعصبش وتقول الكلام اللي انت قلته عشان ما تحس انها مغصوبه وهي خارجه معاك ولما تكلمك تاني وتقولك انكم تخرجوا كلمها عادي و قولها اانها لازم تخرج مع اصحابها عشان ما تصغرش نفسها قدامهم بعد ما اتفقت معاهم وانك اتفقت مع واحد صاحبك انكم هتروحوا مشوار مع بعض وانك ما تقدرش تلغي اتفاقك بعد ما اتفقت لانك اديت كلمه وهي هتفهم لواحدها بشرط انك تقول الكلام دا بطريقه هاديه و تترف بطبيعتك وبعد الامتحان اطمن عليها زي كل مره وهي هتحس بمدى غلطتها و بروعتك

عزيزتي الحالمة

خطيبتي لم تتفق مع أحد ولكنها قالت إنهم متعودين بعد الامتحانات في كل ترم يخرجوا آخر يوم
دي نقطة

بس المهم دلوقت هل أتصل بها لأطمئن على امتحانها وللا أيه ؟؟

وشكرا على نصيحتك مرة أخرى

اه طبعا لازم تكلمهاو تتطمن عليها
و دا طبيعي اخر يوم الكل بيخرج بعد الامتحانات حاول تتفهم ظروفها و طبيعة سنها وحياتها و شاركها فيها وفي فرحتها
وانا لو ماخرجتش مع اصحابي اخر يوم وخرجت مع خطيبي رغم اني بحبه بس هبقى مدايقه جدا
عشان هحس ان الخطوبه خدتني من حياتي اللي انا عايشه فيها واني خلاصت دخلت في مرحلة الزواج ومش من حقي اني امارس حياتي كطالبه لسه بتدرس في الجامعه انا عارفه احساس خطيبتك حاول انت كمان تحسه وتتفهمه وانت هتبقى مبسو جدا معاها وبالتالي هي لما تحس انك بتراعي مشاعرها واكيد انت في سنها مريت بالحاجات دي بس ناسيها
و ربنا يوفقكوا

لم يرد أحد على سؤالي
هل لازم هي تتصل وتعتذر لي عما بدر منها بالأمس ؟؟
أم أنا الذي اتصل بها ؟
بس هي اللي غلطانة هي اللي المفروض تتصل .
بس هي عندها امتحان اليوم ....
هل اتصل بها اليوم لأطمئن عليها في امتحان اليوم ؟
أم أطنش لغاية ما هي تتصل وتعتذر لي
في حيرة في أمري ولازم تلحقونى قوام بالردود التي فيها مصلحتى وكرامتى قبل كل شئ ......

صدقني الموضوع لا داعي فيه من الخصام وانا شايفه ان هي ما زعلتكش وحتى لو زعلتك لازم تتطمن عليها و تشوف هي عملت ايه
وعشان تحس انك متدايق كلمها شوفها عملت ايه و اقفل على طول بس برضه بطريقه كويسه و استنى لما هي تكلمك بعد كدا

أختي العزيزة الأميرة الحالمة
أنا عارف إنتي عايزة تخففىعنى الموضوع وتحاولي تقربي المسافات
لكن انتي متعرفيش خطيبتي
خطيبتي من النوع التقيل حبتين عايزاني علىطول أنا اللي أودها وأصالحها إذا زعلت حتىلو كانت هي اللي غلطانة
عشان كده لازم أوضع حد لمثل هذه الأمور وتكون عندي كرامة لأنها هي اللي غلطانة
انتي عارفة لو أنا اتصلت هتقول إيه

هتقول إني بجُر ناعم وعايزها تتكلم معايا

دي خطيبتي وده أسلوبها
لكن دي غلطتي إني حسستها بحبي الشديد لها فزادت من تغليها وتكبرها عليا لأنها ضمنت خلاص إني مقدرش أعيش من غيرها
وإني تملى بتغاضى عن غلطاتها معايا عشان بحبها وإني باجي على نفسي وبصالحها وأسامح تجنبا للزعل

وعشان توضح الصورة سأكتب موضوعا جديدا سأوضح فيه حالي اللي مش عاجبني واللي اتخذت فيه قرارا بتغيير أسلوبي معاها بما يضمن لي كرامتي ورجولتي وشخصيتي أمامها .. وبرضه من غير غلط ومن غير عصبية معاها - حتى لا أخسرها

اخي لا داعي للزعل ابدا

فهي بالفعل تعبانه و لازم تفرح لأنها صريحه معاك

احسن من انها تكتم تعبها و تحلس معاك وهي متضايقه

بس انت قولها و خليها هي اتفكر اذا تبا تخرج في آخر يوم امتحانات ولا اليوم اللي بعده عشان ترتاح

واحلا شي الصراحه مع بعض و هي بتقولك اذا ما تقدر تطلع معاك في نفس اليوم

لا تزعل ولا اتكون صغير و تزعل على كل شي

ولو انت تزعل على هالسبب الصغير شو بتسوي في حياتكم الزوجيه

اتمنى من الله لكم التوفيق

رجاء من الزوار قراءة المشاركات الأخيرة لي من فضلكم

الموضوع لا يستحق الزعل . ولكن أنصحك الا تخرجوا بعد الأمتحان لأنها ستكون مرهقة و الأفضل أن تذهب بها الي البيت لترتاح .