السلام عليكم ورحمة الله وبركاتة
عدت لكم أحمل مستجداتي !
بعد فترة تقريبا ثلاث أيام من نقاشنا بالموضوع حذفت من رأسي فكرة إني أقول له !
لكن يوم الأربعاء هذا أنا لي سنة بالظبط ماشفته ! والله إني ما أخفي عليكم كنت مشتاقة له مرره ودي لو أسمع صوتة بسس ما أبي أصير طماعة المهم رحنا لأهله الإربعاء وقالوا فلان بالغرفة تعبان ضاق صدري مررره
بعد ماتقهوينا وإحنا نجهز العشاء طلعت أنا من المطبخ للصالة ما أنتبهت له قالت بنت أخته فيه فلان فزيت وفز قلبي وجسمي وكلي شفته لمحة وهو كان ملقييني جنبة يعني ماشافني وأسمعة يكح وواضح من كحتة إنه مره تعبان هالكحة قلقلت قلبي وعضامي وككلي حسيت بألم بقلبي ودي أروح بعييييد عنهم وأبكي ومن سمعت كحتة وهو يتكلم وتعبآآآآن ضآآآآآق صدري أنسدت نفسي لا نوم ولا أكل ولا بال لدرجة إنهم حطوا له عشاء وقال ما أبغى تعنيت إني أخلي مكاني بالسفرة عند صحنة ما أبي غير صحنة حتى ما أكلت بس أسكتهم ولما رحت للبيت عجزت أنام ضاق صددري وكحتة ترن بأذني للحين وسألت أخته بعد مارجعنا شخبار فلان مدري كيف تجرأت اسألها بس أقول لكم تعبه هذا خلاني أسوي أشياء لا شعوريا وسألت أبوي بطريقة غير مباشرة متى بيمشي فلان ؟! < هو موظف بمدينة غير مدينة أهله لأني كنت شايلة له هم السفر وهو تعبان ويوم الخميس عجزت أصبر وأستخرت
رحت أرسلتله هذا كلامي نسخ ولصق ماغيرت شيء غير أسمة ( أستطعت أن أكتم مافي صدري ولكن شيء ما فعلتة أنت يا .... فأنفجرت مشاعري ! لم أستطع أن أتحمل أكثر فلم أتهناء لا بنوم ولا أكل ولا بال
كتبتُ خواطر كثيييرة ولكن الحياَّء يمنعني أن أفصح لك مافي قلبي فأكتفيت أن أخبرك بشيء آخر
ليس له علاقة بالخواطر .. بشرط !
تعدني ألا تخبر أحداً بالذي سأقوله لك ويكون الكلام بيني وبينك فقط مهما كانت الضروف ! ) .
طابعا قلتله وأنا أرتجف وخايفة ومستحية وكل شيء بس هالحب خلاني أمشي وأنا ما أشوف الجادة وكان مو موجود وأنا أترقب دخل مادخل وبعد ثلث ساعة دخل هنا صدق خففففت وش بيقول ومدري إيش ومارد علي ! وللحين مارد وماراح يرد متأكدة ! والله من ضيقة الصدر تعبت وحرارة الله يعين
المهم أنا من النوع الي كل ماضاق صدري كتبت خاطرة أو كلام فية فضفضة يعني أفضفض على روحي علشان ماينكبت صدري ويجيني شيء + أحفظ أسراري بقلبي كيف بمثل موقفي هذا الصعب بالنسبة لي وكتبت وكتبت فتحت قلبي قلت برسل كلامي له بعدين قلت لااا جاء فبالي شيء ثاني كلام مختصر جدا وبسيط لكنه يحمل معاني و مافية توضيح واضح ناوية أقول له إذا رجع من أهله لديرته ولعلي أضع لكم كلامي عندما أقول له .. ياربي رحمتك دعواتكم صدق من قال مايحس بالنار إلا واطيها رحماك يارب
ثواني وأحط لكم الي كتبتة وفضفضتي
__________________
المستحيل .. هو مالم يكتبه الله لك ، وليس ماعجزت عن تحقيقه أنت!*
التعديل الأخير تم بواسطة رياض الأمل ; 11-11-2011 الساعة 09:15 PM