مشكلتي هي زوجي مااحس معاه بالامان ( البليغ & الجانب الاخر)
السلام علييييييكم ورحمة الله وبركاته
مدري كيف اكتب مشكلتي بصراحه انا متوترة ومااعرف اعبر عن مافي داخلي بالكتابه لكن بحاول قدالمستطاع ويارب تنحل مشكلتي لو شئ بسيط
اهم شئ ارتاح واكيد الاكثريه بيشوفون مشكلتي تافهه ولكن ورب البيت انها مشكله كبيرة ومتعبتني سنين ومسببه لي عدم الامان والراحه
مشكلتي هي زوجي مااحس معاه بالامان ابببدا ولااثق فيه احس انه من السهوله
انه يفرط فيني ماعنده مشكله حتى لو كان يحبني
ودي اشوف الغيره والاهتمام منه ... قليل جدا صارت وماتنعد
باضرب امثله على قل اهتمامه
مثلا لوقلت بروح لاهلي يوميا ماعنده مانع ولا يقول لا مستحيل
حتى لو قلت بنام عندهم ماعنده مشكله هو ممكن يتضايق وهذا نادر بس مستحيل يبين لي ولو قلت بسافر مع اهلي اواخوي اواي احدعادي عنده 
واذا تهاوشنا وكانت الهوشه تافه وقلت بروح لاهلي يقول يلا جهزي نفسك
بالله وش هالادمي مايقهر !!!!! نفسي احس بقيمتي عنده مدمرني مرره بأسلوبه البارد المميت
انسان متبلد الاحساس غامض مشاعره واحساسيه ماتطلع منه بسهوله
اهله مايهتم اذا رحت لهم او لا لو اقعد سنه عنهم عااااادي
مو غريب !!
حتى المشاكل اللي بين اي زوجين تخيلوا مستحيل يناقشني عشان ننهيها يضطر للهروب يابنوم اوبرااااا
ويقفل الموضوع والمشكله قائمه يعني لابد انه راح تنفتح مره ثانيه وبأي وقت لانها ماحلت ونفس الشئ بيظطر للهروب تخيلوا المآساه يعني مستمرره
وغير كذا اذا زعلت مستحيل يراضيني انا ارضى من نفسي وبنفس اللحظه
دمار والله الله يفرجها بسس
وش الدبرة معاه ؟ كيف اتعامل معه ؟ انا ماابي الا حساس واهتمام
التعديل الأخير تم بواسطة اريج القصيم ; 02-11-2011 الساعة 06:41 AM
02-11-2011, 06:39 AM
ضوابط المشاركة
العرض العادي
