السلام عليكم ورحمه الله وبركاته

في البدايه احب اشكركم لجهودكم في المنتدى
احس الكل ينصح من قلب سواء اصاب ام لا

محيرني هالموضوع
توقعت تغيرات كثيره بعد الغربه
لكن كان عندي مبدا
مااتغير ابدا على صديقاتي
ولا اخلي منصب ولا حرف حطيته قدام اسمي يؤثر ابدا

وفعلا مشيت على هالمبدا
انا من الناس الي ما يحب يتفلسف ولا يهايط كما يقولونها
الحمدلله متواضعه وبسيطه
واحس اعمالي ونجاحي بعملي هي التصريح
وليس اقوالي او هاله اصنعها لي

لكن تقدرون تقولون اني انقرصت او انعضيت او كليت مقلب كبير
صديقاتي كنت امون عليهم مره نضحك ونسولف باريحيه ونمزح ونسوي مقالب بلعض ونمون
ونغلط ببعض من باب الضحك
والكلفه مرفوعه وكانوا يقولون الله يستر لا تخرجتي ما تتغيري علينا واقول مستحيل
بعد التخرج وصرت ادرس وعندي طلبتي
لاحظت تصرفات ماتعجبني وتجرحني
يقولون حرف الدال بسخريه
اي موقف اعمله لو بسيط يردون هذا وانتي دكتوره
لما نتكلم عن شي يقولون ايه انتي غنيه الحين
وفلوسك زادت ولما يتكلموا عن قطيه مثلا يقولوا خلو مبتعثه تدفع هي اتجرنا
وعلى اي سالفه جابو طاري هالفلوس بضحك
صرت اتضايق لان مسخت السالفه
الميانه والضحك بالقروب خلتهم يتجرؤوا
مثلا الله يعين طلبتك عليك
عندهم دكتوره هبله زيك
شلون مستحميلنك
او مثلا والله انتي ماخذه مقلب بنفسك اذا قلت مشغوله
ترى وظيفك لو تنعرض علينا ماقبلناها
وتحطيم وطاقه سلبيه
واحس لغه الحوار معهم تنحدر الى اللغه العاميه الشعبيه
اخر مره صار شد جامد مع وحده منهم
جدا كان النقاش حاد واستفزتني كثير واجرحتني وخلتني اطلع من طوري
وارد عليها باسلوب ماكان لائق
ولسه الوضع متنشن بالقروب

ممكن الموضوع عندكم عادي او انا مكبرته
لكن انا بمفترق طرق ومحتاجه رايكم
واخذت راي اخت عزيزه عندي وزميله ودكتوره
وقالت لي الاتي
احشم نفسك يحشمونك الناس
وتعاملي برسميه
مجتمعنا يقدر الشهادات اذا انتي عطيتي نفسك برستيج
بتنزلي لهالمستوى الكل بيلطش فيك ...وفعلا تلطشت جامد الفتره الي فاتت وكنت فريسه سهله للكل بدون مااعرف السبب فعلا
وقالت كلام كثير ان ثقافتنا مختلفه عن ثقافه برى الي يحترموا الشخص مهما كانت وظيفته
شوفي الدكاتره هنا في برجهم العاجي
صحيح بتعاني بالعزله لكن بترتاحين
وخاصه بيكون في مجال تنتقين الناس الراقيه الي تنفعك بالحياه والبحث وتعتزي بصداقتها

لكن هذا يعني اتخلص من عدد كبير من صداقاتي
طبعا ماراح اقاطعهم لكن في محيطهم لما تتعاملي برسميه
يعني تموت العلاقه
لان علاقتهم كلها ضحك واستهبال وميانه وانا بزود لاني اصغرهم
ولي ماضي بالضحك والمقالب والاستهبال
انا مو مرتاحه لوضعي معاهم
مو غرور او تكبر
بس الي اتعرض له تنمر مااعرف سببه
يضغطني نفسيا وجسديا
من صارت المشكله وانا معاي صداع جامد ولا قادره انام
وعرفت انه صار وقت اخذ قرار مصيري
هل اسامح وارجع لهم زي قبل
او اترك هالقروب والي يتعامل معي بالخاص يعني افراد اتعامل معهم برسميه
انتم وش رايكم

تم تعديل العنوان ليتناسب مع المضمون

عارفة ايش المشكلة ؟ المشكلة ان أغلب الصديقات مايتقبلون تغيّر أحد أعضاء الشلة 😁 التقدم الوظيفي أو النجاح أو الشهرة الخ

وبصراحة غالبًا يتحسسون وبتلاقينهم بعدين يسوون قروب بدونك ويجتمعون بدونك الخ .. مو لسبب فيك بل فيهم ..

لأنك صرتي أفضل وهذا الواقع بنظرك وبنظرهم وبنظر الجميع .. هم ينتظرون منك الزلة عشان تتأكد ظنونهم انك فعلاً أنتي شايفة نفسك عليهم ..

ولو تواضعتي لهم قللوا من قدرك ..

بصراحة خليك ع طبيعتك وتكلمي عن دوامك وتكلمي عن الاحداث اللي تصير بالدوام واللي صار لك بالبعثة الخ لأنها هذي حياتك وهذا نجاحك ..

تلاقين كل صديقاتك المتزوجات يتكلمون عن ازواجهم وحياتهم الزوجية وتربية الاطفال الخ ولا احد فكّر انو هالشيء مايعنيك ولا انتي تعيشين بنفس هالروتين !
ليه مطلوب اني اراعي وادور اشياء تحوز ع اعجابهم وهم مافكروا بهالشيء ..

وصدقيني أنا أقولها لك بكل صدق تراهم غايرين .. وأنا بصراحة " أغبطك " ماشاءالله .. أنتِ انسانة ناجحة و دكتوره أد الدونيا .. فافتخري بهالشيء " وأما بنعمة ربك فحدث ❤"

أما موضوع لو تعرض علي وظيفتك ماقبلتها قسم بالله فطست ضحك !! لهالدرجة الغيرة ببعض الحريم 😂

لو أنا بشلتك بكون بصفك عشان تزبطيني لو صار عندكم وظايف ههههه 😁

__________________
سبحان الله وبحمده ، سبحان الله العظيم

هلا حبيبتي..

المشكلة ان للأسف الغيرة موجودة بين البنات..

اكيد احيانا بيكون استهبال.. بس كمان البعض يتعمد مضايقتك عشانهم غيرانين..

كلام صديقتك سليم... لكن شو معناتو؟ تترفعي عليهم عشان يوقفو عن
حدهم.. راح يوقفو بس ماراح تكون فيه علاقة طيبة.. بتصير رسميات وبس.. شوفي ايش بتفضلي.. وشوفي اذا انت لازلتي متعلقة فيهم أساسا بعدما طلع منهم هالحركات..

تقدري توصليلهم الكلام عن طريق وحدة منهم.. انك مليتي من الاسلوب.. احكي لوحدة بتعرفي راج توصل لهم الكلام من ورا ضهرك. انتي مالتطلبي يزيدو فاحترامك او يتبعو رسميات كونك دكتورة.. لكن في نفس الوقت مايتمسخرو على لقبك و مهنتك..


بتقدري تعملي تطنيش فترة.. لاتلتقي فيهم.. واذا سألوا عن السبب خبريهم.. أكيد هم عارفين انهم زودوها.. اذا تفهموا زعلك وحافظو على علاقتهم معاك وانتبهوا مستقبلا.. بها ونعمه..

واذا ماتقبلوا كلامك واتمسخروا اكتر او انهوا علاقتهم... فبيكونوا ريحوك ببعدهم.. ماعليهم حسافة..

شكرا مسك على الرد
اني اوصل لهم الي احسه
حاولت كذا مره اقول لهم مثلا اعتزلت المقالب
او اتضايق من موقف
يمكن يهدوا وقت ويرجعوا لعادتهم القديمه
في وحده دايم تثير البلبله وتعلق علي
ثنتين هم
وحده اشتكيت لوحده تمون عليها وكلمتها وخففت فتره بعدين رجعت حليمه لعادتها القديمه
والثانيه قلت لها انتي تدسي السم بالعسل فقامت واتمسخرت وخذت الكلام باستهزاء
ولما قلت لها تعاملي معي برسميه ماتت ضحك
صعب الوضع يا مسك صعب مره
انك تمسكي العصا من النص يبدو شيء غير وارد
وصديقتي انصحتني من باب انها مجربه مافي حل وسط
ياتتعاملي برسميه او تظلي بهالمعممعه
فليه تاذي مشاعرك ونفسك
حطي حمايه لنفسك وتامين
اني اقول لهم احترموني ماراح يفهوموها مسك وبياخدونها ضحك ومسخره
لما تخرجت تبغانا نكلمها باوراق رسميه كذا راح يقولوا اعرفهم
صعب تقول للعالم ابغى منكم تحترموني
هذا شي ماتقدر تتسوله
عشان كذا حاسه فعلا اني بمفترق طرق
ترى بعدت عنهم فتره بس مانفع رجعوا لتصرفاتهم
لانهم برضوا عدد كبير
فلو وحده تضايقك بس الوضع كله بيصير مكهرب

حبيبتي غاده
اني اثير تفاصيل عملي عنهم شيء غريب
كاني احكي نفسي
انا الوحيده بينهم
ويمكن يضحكوا او يحبطوني
يعني لو اقول لهم اني اشتغل على البحث الفلاني
بيقوا بعضهم يوه راح عمرك بهالابحاث
مواضيع مشتركه صعبه
واني اتكلم واتفشخر عن عملي ابدا مو اسلوبي
هم مالهم علاقه بعملي وتواصلي معاهم من باب الصداقه وقضاء وقت ممتع بعيد عن جو العمل
وش ذنبهم اتفلسف على روسهم
ولو اقول لهم غيرو اسلوبكم
بيقولون هذا اسلوبنا من زمان ولا كبر راسك علينا بهالشهاده
اذا مو عاجبك ماتشوفين شر
هذا بيكون رايهم

طيب ونصيحة صديقتك كيف راح تطبقيها؟ ماهي الخطوات؟


توكلي على الله.. واذا فيهم الي تحبك وتعزك، مع الوقت راح ترجع للعلاقة الحلوة الي كانت قبل تخرجك..

يمكن لازم تكبريها عشان تصغر..

الخطوات
ببعد عن القروب بحجه السفر و الانشغال هالصيفيه واي عذر
ماراح اطلع بس ماراح اقرى ولا راح اشارك
الي بيكلمني بالخاص برد عليه باسلوب موجز بس محترم ولا كان بقلبي شي
وبركز بشغلي ويمكن يطلع عندي مجال اصادق ناس ثانيه لانهم ماخذين كل وقتي
في بنات هم الي ممكن اقاطعهم لانهم سبب كل المشاكل واصلا ماراح يتواصلوا معاي اذا بعدت عن القروب
في ناس مستحيل اقاطعها بواصلها دايم لاني ماشفت منهم الا كل خير واصلا اسلوبهم قمه الاحترام فنا يفرق لو اعاملهم رسمي لانهم محترمين بالاساس
مع الوقت بيصير العلاقات رسميه ومحترمه
وحافظت على نفسيتي خاصه اني انسان عاطفي ورجعت هيبتي المفقوده ووثقت بنفسي اكثر
بيكون عندي وقت لحفظ القران والرياضه وشغلي
وقرائاتي لان مناسباتهم كثيره وتوجيباتهم كثيره
من جهه اخرى بفقد اجتماعاتنا ولمتنا وضحكنا
بس لازم اضحي بشي

مافي شك أنهم أن شاء الله فيهم خير
لكن هذا أسلوبهم ومتعودين يتعاملون معاج بطريقة معينه
وما يبون يغيرون هالطريقه..
الرد على قد الكلام وبدون مزح ما يجرأ السفيه ويحفظ كرامتج من السفهاء..
أيضا الصمت هيبه و أنا أخوج ..
الله يطيب خاطرج 🙏

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

حنا هنا صديقاتي ان شاء الله وفخورين بك ..
دكتوراه في شو؟؟
كنت راح اسجل بمجال الطب واهلي منعوني اتصور بتشجعيني على هذا
كان والدي موافق ولما تخرجت من الثانوية رفض حتى اكمل بسبب الناس الغيرانه والحقوده

كل الي يسوونه زميلاتك معاك وتعاملهم بسخرية بسبب الغيرة محد وصل لمستواك العلمي والخُلقي..
مثل ماقالو لك البنات الصديقة الصدرقه بتبحث عنك وبتتواصل وياك.
الله يوفقك ..

كل الي قلته صحيح ميه بالميه
انا اشهد الصمت هيبه

مشكلتنا نبغى نتمسك بالاشخاص ولا نخسر
لكن التغيير سنه الحياه
والله كريم