مجموعة انسان الله يحفظك كلامك جميل ومرتب (خمسة أشهر وما حن قلبها ؟؟؟ ) اكيد مابحن لان امها الله يهديها مدلعتها
(جرب و روح أخطبها من أبوها ) هو موافق بس بنته ماعاد تثق بكلامه وبيني وبينك هو ماله كلمه الكلام كله لامها
(ليه طليقتك ما فكرت بالعشرة اللي بينكم ) لاني ولد ناس ومتربي والعشره ماتهون علي
(كيف تسير السفينة وقطان السفينة ضعيف ومهان ) الحمدلله انا لست بمهان انا انسان عنده قلب وعقل ودايم عقلي يغلب قلبي
انا عشان خاطر عيالي مستعد ارمي نفسي في النار المشكله الصدمه كبيره عليهم لانه مافي اي مشكله للطلاق هي امها وابوها الي زرعو في راسه انها مظلومه والحمدلله اولادي عارفين وواعين استنا تعليقك على احر من الجمر

- لا تقول لي أمها وأبوها يحرشونها ..... هي حرمة كبيره ناضجة .. وين شخصيتها .. 14 سنة زواج ما غيرتها..... بكرة تدفن في قبر تحاسب على أعمالها مثلها مثل أي مسلم ناضج وعاقل....
وزوجة بهذا الضعف وبهذه التبعية تتوقع تعرف تربي أولادها تربية سليمة !!! ...... .

- إذا الأب مو قادر على الأم وبنتها ... أنت بتقدر ....... بالله عليك هذه عيشه !! وهذه عائلة تناسبهم !!!

- الحين بتصالحها وبترجع بيتها ......... وبكره على أتفه سبب بتروح لاهلها وبنرجع لنفس الاسطوانة .... وبيضيع عمرك وصحتك وعقلك وراء وحده ما تستاهل.

- أنت ولد ناس ومتربي والعشرة ما تهون عليك ... هذا الكلام تستاهله بنت ناس ومتربية وما تهون العشرة عليها

مو طليقتك ........... إذا أنت أكرمت الكريم ملكته .... وإذا أكرمت اللئيم تمردا .... طليقتك لئيمة .


- كيف أنت مو ضعيف وزوجتك راكبها الغلط من رأسها لرجولها وما تحشمك ولا تحترمك ...
وطلبت الخلع منك ...... وطنشتك أنت وعيالك .... وأنت للحين تجري ورآها .

- فيه حريم تنضرب من زوجها وتنهان وتصبر علشان عيالها ... وطليقتك تطلب الخلع على سبب تافه.

- شو نظرة الناس وأقاربكم لك وزوجتك تطلب الخلع منك .... هذا تقليل من قدرك وقيمتك ... يمكن مدمن يمكن لها علاقة ببنات الحرام .....الخ.

- صدقني المشكلة مو في أولادك المشكلة فيك أنت بس وللأسف بتأثر على أولادك .

لي عودة بعد تعليقك.

أنا مع هذا الرأي
إصبر الصبر مفتاح الفرج
الله يردها لك ردا جميلا

__________________
《اللهم استودعتك أطفالي الذي لا تضيع ودائعه》

اخي الكريم ارى انك لم تستقر على راي فتارة ترغب في اعادتها وتارة تردد على مسامعك الزواج عليها

ارى ان تحدد موقفك وتستخير وتلزم الاستغفار وتذكر ايجابيات طليقتك وسلبياتها في ورقة ومن ثم تحدد بناء عليها

هل الايجابيات تغفر لها زلاتها ؟؟ وهل السلبيات قابلة للتعديل ام لا؟؟

ان كانت قابلة للتعديل وبسيطة وايجابياتها اكثر من سلبياتها فلم لاتعيد الحياة الزوجية

وكما قلت انت انه لاكرامة بين الزوجين
هناك مقولة ل د.محمد الحضيف يقول فيها وبعد مراجعة نفسك ان قررت ان تعود لها فارسل لها اشخاصا من اهلك او اهلها تثق بهم وتقنع برايهم ليصلحو بينكم
واغدق عليها بالرسائل التي فيها من طيب الكلمات مايلين قلبها

وان اردت ان لاتعود فاسال الله ان يعوضك ويعوضها خيرا

همسة قال رسول الله صلى الله عليه وسلم قال: ((لعن الله من خبب امرأة على زوجها، لعن الله من خبب زوجاً على زوجته))

والتحريض يكون من الطرفين وليس طرفا واحد

اسال الله ان يكتب لك الخير ويصلح امرك

اتمنى تطلع اخي على هالموضوع

http://www.66n.com/forums/showthread.php?t=234685

مجموعة انسااان هل تتوقع ان الزوجة مثل الزوج بصبرها وتحملها مهما كانت ثقافة الزوجة او تحملها المسئولية او صبرها او او او فالرجل مثل حظ الانثيين رب العباد ماقال وهو افضل من قال ان الرجال قوامون على النساء الا وله حكمه ولا جعل شهادة امرئتين بشهادة رجل حبيبي انا والله والله والله لاتهمني الكرامه لان الكرامه نحن من اصتنعها ولا يوجد في الدين الاسلامي كلمت كرامه بل يوجد التسامح والعفو وحسن الخلق هي غلطة اكيد ولاكن هي وانا وانت وغيرنا بشر نخطي ونتوب ونتهور ونتراجع لو كل رجل فكر بقليته وترك كرامته لما سمعنا عن طلاق كل نصف ساعه وبعدين سؤال من اقوا الزوجة او ابونا ادم عليه السلام ومع هذا ابليس العين ضحك عليه مجموعة انسان انا ما اتكلم دفاع عنها هي غلطة اكيد وهي باعت اكيد وبندم اكيد بس هل الحكمه ان اعالج الخطأ بخطأ (ولاتزرو وازره وزر اخرا) مستني تعليقك ضررررررررروري ولاهانو الباقين

يا رجل انا فاهم مشكلتك كاملة ومرت علي كثير منها

انا أول رد رديته عليك وهو ( تزوج بأخرى ) ثم رجعها .
يعني أمسك العصا بالنص
عشان ما تخسر نفسك ولا تضيع أولادك

والقاعدة الذهبية
إذا تبغى تربي حرمة تزوج عليها

اقتباس:

هل الحكمه ان اعالج الخطأ بخطأ (ولاتزرو وازره وزر اخرا)

لا يصلح الخطا بالخطا
لكن انت لا تتحمل أخطا غيرك ........... وش ذنبك ؟؟
كل شخص يتحمل غلطه .... هي تركة البيت وعيالها .. وانا تزوجة عليها
انت مو مسؤل عن اخطاءها

انت تدفع ثمن اخطاءك فقط
أرحم نفسك

مجموعة انسان اناااااااااااااااااا خايف اضلم الثانيه لان لان قلبي لسع مع الاولى هل تتوقع اني انسا الاولى اذا تزوجة هذا خوفي والله لاني ماحب الضلم

على فكره انت للحين متعلق بالاهانات
احمد ربك انك موب واحد من اهلنا والا جان حصلتلك تفه وهو ماشي على رجولته ..
انت تغاضيت كونك ولد عرب وناس
وتركت نفسك وشيباتك بلحيتك تنهان وتنذل من حرمه لاراحت ولاردت مالها اي حشيمه عندي ولا كرامه
حيالله عيوز وبنتها لعبوا فيك لعبه التيس المربوط بالحبل
وانت متعلق تتحجج بالعيال وهي تتلذذ بتعذيبك
برايك
سيريلها اقعد مذلول عمرك كله والله انه العيال باجر كل واحد بيروح بدربه وبتصى برويحاتك محد بيطل بويهك ..
وتذكر انه في هذا اليوم مرت وحده ونصحتك تبته لحشيمتك وتنتبه كونك ولد عرب وناس كونك مولود بكرامه موولود ولك اسمك وطاريك بين الناس
بس انت مستانس ناس ماتسوى تتذلل باهانتك
بالفعل واقولها جدام الكون كلها العيوز اللي تذل زوج بنتها ماتستاهل اي حشيمه ولا تستحق احد يحشمها

بس شو نسوي يوم هالولد يسمع كلام الناس اللي ماتفكر بكرامته ويتحجج ماللكرامه وجود بين الزوجين
ونسى انه زوجته داست كرامته عشان كرامتها وصرخت بويه في يوم وتحسبت عشان غساله والعالم يالسه تتعذر لعقليتها المريضه اللي مستانسه كونها حيالله مطلقه
اكتفي بالقدر
وانصحك
يا فلان
روح روح روح بارك الله فيك خلك مذلول بكرامتك وراها ولاتنسى تشل السوط والحبل معاك خلها تربطك بالمره وتقودك.. ماينفع النصايح معاك انت بس تبا تسمع اللي يقولك ردها وانصحك بعد سير بوس ريل امها عشان تردك لبنتها .. ترى لاعصمه بايدها وايد امها موب بايدك انت
صاروا هم الرييال الحين .. وانت حيالله حاضن اطفال مااعرف اجامل واتمنى ماحد يمس تعليقي ويحذف انا ماارح اجامل هلاانسان المذلول وبقوله بويه انت ماحسبت حساب رجولتك وماحفظت ماي ويهك
وتميت تربع وراهم
موضوع اخذ حقه والزود بالنصايح وسوي اللي يناسبك
في وداعه الله

عشان تخاف تظلم الثانية .... تظلم نفسك !!! هذه مجرد وساوس

خلك متفائل يمكن الثانية تنسيك طريق بيت الأولى
وصدقني بترتاح وبتندم بتقول ليتني من زمان تزوجة

توكل على ربك ... وربك عارف نيتك
بس استخير واكثر من الدعاء ... ودور على وحده بنت حلال من بيت طيب
والله بيوفقك
ترا الاولى والله ما تستاهل لحظه تفكر فيها ... الله يصلحها لنفسها


والثانية اذا ما حبيتها احترمها والحب يجي مع العشرة
واحنا حاضرين